Ravrava non Pol lalai ata Rom 2:15 - Hano Niu Testamen

¹⁵ Ram lol seserainia be alolora ram ilo havanau nu vavtutu i nu lete, kunia be silo mwa avo huria. Ram lolia kunia mwa seserainia la nora lalaḡova i alen̄ara. Gubwen̄ rituai binihira mwa bevea lalainira be ram lol ginau lete, i gubwen̄ rituai binihira mwa bevea lalainira be ram lol bavtutu.

Ravrava non Pol lalai ata Rom 2:15 Referans Kwoze

2 Korin 5:11

Huri be tam iloe huba huri binihiva be rav gogonai God, tan lol ron̄oe be tai bului sinombu be rav lai ḡoḡo mwasigi huri gida. God mwa ilo didinigi gida, i nam doronhohov be lol lolomiu kimiu mulei gim iloe.

Taetas 1:15

Ginau duluai ran melmelo lalainira be ran melmelo; take lalainira be ran masiri gin binihiv hahantai i ram hav binihi te mwasigi, lalainira ginau vwate nu hav melmelo tehe. Binihira mai alen̄ara ran hantai.

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

1 Timoti 4:2

Silo vagahi kunia ram mai nin avoan tentene be atatun tenteneana kera be nora binihiva ram lol kaburainia kun be vat aruaru memea mwa lol kaburai ginau.

Ravrava non Pol lalai ata Rom 9:1

Inau nam dogo alolon Kraes, i nam bev mwasigi lalai kimiu; nam hav tentene tehe. Binihiḡu Vui Sabuga mwa domuai nia, i mwa bevea lalaiau be nam hav tentene tehe.

Lalaḡova 24:16

Nam lol ron̄oe vataha mahavana be noḡu binihiva vi vavtutu mai God i atatu.”

Lalaḡova 23:1

Pol mwa ḡarere lolmatan kansel mwa bevea be, “Ira tua ata Israel! Noḡu binihiva i lalaḡova mai God alun rahuku la hala be nam dogo vaivotu lol gubwen̄ garigi, nu vavtutu n̄ano.”

Leo Tavuha gabe Jon nu Ravae 8:9

Mahavana be ram ron̄ avoana geki kera duluai ram biroromaragai gahegahera, mwa dau bwatuna la ira bwatmetua. Ram bano vaivotu Jisas mwa do gahena, mai vavine haḡea mwa du radu aia.

Ravrava non Pol lalai ata Rom 2:14

Kera gabe ira Lolobon̄i, ram hav haḡo te silo, ta ram habwea mwa maron̄ron̄o be ramen lol hano gabe silo mwa bevea, kea silo lalainira sibora.

Ravrava non Pol lalai ata Rom 2:27

Ira Lolobon̄i rav vev bahivoi kimiu ira Jius huribe gim n̄andu Silo son̄o be ran tav dovon̄amiu. Take kera ram ḡogonai Silo len̄len̄a be ran hav tav te dovon̄ara.