16 Giv lol avoan helheloi geki i giv bulbultagai. Uloilua non Kraes duluai Ram hora nora avoan helheloi lalai kimiu.
Ira tuada duluai teti ram hora nora avoan helheloi. Giv avkarira mai gangan bwan̄o be nu sabuga lol taro be giv vihabwehabwe.
Giv helheloi ira binihimwasigi gin walharaḡo sabuga.
Giv lai ḡoḡo gaitutuvwai alolomiu gin bulbul tagai sabuga.
Giv bulbul tagai kimiu gaitutuvwai gin lolotabetabe non God lol taro be gim bisogari. Tamwata lalai kimiu duluai be gim dogo lol Kraes.
Kera duluai ram dei maragai ram rimrimia i ram bev vitulei lalainia.
Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.