Ravrava non Pol lalai ata Rom 14:23 - Hano Niu Testamen

²³ Ta kera gabe ram ḡan ginau be ram len̄a be nu vavtutu, kera ram bahala huribe ram hav binihimwasigi garagusi tehe be nu vavtutu. Havanau tehe be mwa loliana be gom hav binihimwasigi garagusi be nu vavtutu, kea vuro.

Ravrava non Pol lalai ata Rom 14:23 Referans Kwoze

Hibru 11:6

Take be atatu sihav binihimwasigi garagusi tehe alun God, sihav lol te dum God be vi samsamwara ginia. Huri be atatu vwate si doron be si mai huri God, kea vi binihimwasigi garagusi be God mwa dogo, i God mwa lolira gabe ram lol ron̄oe be rav habwea ram samsamwara.

Taetas 1:15

Ginau duluai ran melmelo lalainira be ran melmelo; take lalainira be ran masiri gin binihiv hahantai i ram hav binihi te mwasigi, lalainira ginau vwate nu hav melmelo tehe. Binihira mai alen̄ara ran hantai.

1 Korin 8:7

Take vorate atatu n̄oto ram ilo ginau geki. Atatu rituai ram binihi dum radui nun vatu i lol taro be ram ḡan bigi. Ram binihi dumwia be ran tataroinia lalai nun vatu. Binihira ran mandamanda, lol taro be ram ḡania, ram ron̄oe kunbe ran vahala.

Ravrava non Pol lalai ata Rom 14:5

Atatu rituai ram binibe gubwen̄i vwate nu sabuga nin gubwen̄i rituai, i rituai ram binibe gubwen̄i n̄oto dadariha n̄ano. Atatu n̄oto rav ilo tavuhainira lol binihira.

Ravrava non Pol lalai ata Rom 13:2

I kera be ram daha vai alun ira tomuai ḡoro kera haḡea ram daha alun havanau be God mwa bevea. I kera rav lai mulei silo vevegi alura sibora.