Ravrava non Pol lalai ata Rom 12:8 - Hano Niu Testamen

⁸ Ihei tehe be nu lai hogoi huri be vi lai avoan dura lalai atatu, kea vi lolia kunia. Ihei be nu lai hogoi be vi hogos atatu dolua, kea vi hogoi vuroinia. Ihei be nu lai hogoi be vi vora tomuai vi n̄aitai lol taro be mwa domua. Ihei be nu lai hogoi huri sine hagavi huri atat dolua vi lolia kunia gin samwarana.

Ravrava non Pol lalai ata Rom 12:8 Referans Kwoze

2 Korin 9:7

Gaitutuvwai alolomiu mwa du be vi hagainia kunia be nu binihi tuhia lol irubwina be vi hagainia kunia. Gosav hogoi tehe lol ron̄ mwahantai, mulei gosav hogoi tehe bwatun be gam ron̄oe kun be ram ḡorogoroinigo huria. God mwa dabe ihei be mwa hogoi gin samsamwara.

1 Timoti 5:17

Ira tomuai be ram domuai tavuha uloilua rav lai tanon binihi marahi amare liu, liuhage hurira be ram lol rovoga hahavwani gin avoana i silo vagahi.

1 Korin 12:28

Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

Hibru 13:17

Giv ron̄ silon nomiu tomuai, i giv huri nora avoana. Ram gitaḡoro tavuhai kimiu be ram hav mambu tehe. I rav vev ginau n̄oton̄oto lalai God huri havanau be ram lolia. Be giv ron̄ silora kera rav ron̄ mwandavuha lol nora rovoga. Be gosav ron̄ora tehe kera rav ron̄ mwahantai. Ginau gea barabe vi bului dum kimiu.

Lalaḡova 15:32

Haḡe Judas mai Sailas gabe kera atatun vevsera, ramuru dogo vain̄ava maira ramuru lai avoan dura i ramuru suvwainira be rav muramuraga.

Lalaḡova 13:15

Mahavana be atatu vwate mwa basogo avoana huri silo non Moses, i avoana non ira atatun vevsera tuai, haḡe ira tomuai ḡoro imwa tataro ram hudalinira be ram bevea be, “Ira tua. Be ihei te abemiu non avoan dura be vi laia lalai sinombu, nu tavuha maragai be giv lai luae lalai kamai.”

Hibru 13:24

Nam navohi kimiu be giv lai noḡu avoan helheloi lalai nomiu ira tomuai mai ira sinombu non God duluai. Ira non atatun rovoga Itali mulei, ran lai nora avoan helheloi lalai kimiu.

Hibru 13:22

Ira noḡu buluana, nam rava letasi vwelvwele geki be namen avdura kimiu, i nam hudali kimiu be giv roron̄tai tavuhai huri havanau be nan vevea lalai kimiu.

Hibru 13:7

Giv vinihi dum nomiu ira tomuai, gabe ran vev avoana non God lalai kimiu. Giv binbinihi mulei alun rahura be ran togo ram lalaḡo i halan mateanara kun hanigi. I giv huri malelera la halan nora binihimwasigi garagusi.

Hibru 10:25

Tasav lin̄ te ḡoḡoana lol imwa tataro kunia be rituai ram lolia. Ninia gea tav turatura gida gaitutuvwai tagaro, bwatuna be gubwen̄in Ratahigi mwa abena be men mai.

2 Korin 8:12

Be gom doron be gov lai nom hogoi, God vi dame alun nom hogoi, vi vevegiana vi hurin hano be nomwa abena, take vorate ginau be nomwa sigai.

1 Korin 14:3

Take kera be ram doretore huri roroi non God ram avo lalai sinombu be huira men wasi, avoan dura i avoan gitaḡoro.

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Lalaḡova 20:2

I kea mwa bano lol ute ivusi i mwa av dura sinombu alun avoana ivusi. Vuvuri mwa mai vai Akaia,

1 Timoti 4:13

Vaivotu be nav mai be goi vasogo nom Baebol lalai atatu duluai i huri nom toretore i nom silo vagahi lalainira huri ravrava sabuga, vivora muan ginau lalainigo.

1 Tesalonaeka 2:8

Bwatuna be gan tabe kimiu, gan ron̄ mwandavuha be gav bete mai kimiu, nu hav vora te Roroi Tavuha non God n̄ano take rahumai sibomai mulei. Kimiu gin mai sosori maragai gin lolomai.

1 Tesalonaeka 2:3

Nomai vev sera wasi mwa hav mai tehe nin tenteneana, sage binihiv bahala sage be gam lol ron̄oe be gamen san kimiu.

Kolosi 3:22

Ira turi giv tabe ira nomiu tomuai lol ginau n̄oto be gim lolia. Gisav tabe te silo n̄ano lol taro be ram ḡitago, be gomen lol nora doroniva, take gov lol rovoga mwasigi lalainira, bwatuna be gom dabe God.

Ifisas 6:5

Ira turin rovoga, giv tabe ira nomiu ratahigi lavoa lol ureure geki gin mataguana i binihimarahi i gin irubwimiu, kunia n̄ano be gom dabe Kraes.

2 Korin 11:3

Take nam matagu be binihimiu rav sala dagai nin halamiu mwasigi i hal melmelo be gim huri Kraes kunia be teltele nu ruruhi Iv mai non hal hahantai.

2 Korin 9:13

Dovon̄an nomiu binihimwasigi, sinombu ivusi rav vev roroai God bwatuna be kimiu gim ron̄ maḡemu alun Leo Tavuha huri Kraes, Leo Tavuha be gim bevea be gim binihimwasigi i bwatun be gim bete vuroinia maira i mai atat dodolua.

2 Korin 9:11

Vi lol kimiu giv rosoga lol hala duluai huri be tagaro giv hogoi vuroi. I nomiu hogoi sivi kamai vi lol sinombu ivusi be rav lai avkari lalai God.

2 Korin 1:12

Geki hano be gam ron̄ mwandavuha huria, i nai vev dumwia gin binihi melmelo be: lol ginau duluai be gan lolira huba lol ureure, liuhage mai kimiu gan vavtutu i gan mwasigi lol irubwi huri God. Gan lol dumwia gin hogoi non God, nu hav vora te gin mataisao be ureure mwa do maia

Ravrava non Pol lalai ata Rom 13:6

Geki mulei huri hano gim bol homu. Ira tomuai ram lol rovoga non God i ram lai taro huri nora rovoga.

Ravrava non Pol lalai ata Rom 12:13

Gov hogos atat non God be ram do ririhai. Gov lai tausala be ram doron ginau, vai la imwamwa.

Matiu 25:40

Haḡe inau Ratahigi Lavoa nai vwaliura be, ‘Nam bev mwasigi lalai kimiu be, gin lolia kunia lalai tuaku vwate gabe tirigi ninira tuaku duluai, kun gabe gin lolia lalaiau siboku.’

Lalaḡova 13:12

Haḡe mahavana be tomuai vevev mwa ḡita ginau be mwa loli, kea mwa binihimwasigi, bwatuna be kea mwa dan̄an̄a maragai gin silo vagahi non Ratahigi.”

Lalaḡova 4:36

Haḡe kunia Josep, kea ata la varan Livae nu vora Saipras, kea gabe ira hala ram uloinia be Banabas. Gin binihiva be, “Atatu be non avoana mwa hau lua binihiva non atatu.”

Lalaḡova 11:23

I mahavana be mwa botu i mwa ḡitae be God mwa batavuhai sinombu, kea mwa samsamwara i mwa bevea lalainira duluai be rai vavtutu lalai Ratahigi gin sibwen̄ira duluai.

1 Timoti 6:18

Goi vevea lalai sinombu rosoga be rav lol lalaḡov tavuha, be rav rosoga be rasav bugura tehe, i rav lol vatuvwai be rav hogohogo lalai atat dodolua.