Ravrava non Pol lalai ata Rom 12:11 - Hano Niu Testamen

¹¹ Gosav bwatiḡoruga tehe ta gov lol rovoga hahavwani, gov gogonai God gin lolomwa duluai.

Ravrava non Pol lalai ata Rom 12:11 Referans Kwoze

Lalaḡova 18:25

Kea nu vagahi vatuvwai ana huri Halan Ratahigi, haḡe gin non samwarana non avoana i non silo vagahi nu vavtutu maragai huri halan Jisas. Take kea nu ilo garuhisabuga non Jon n̄ano.

1 Pita 4:8

Liuhage haḡea, giv tabetabe kimiu maragai, bwatuna be tabetabe haḡea vi lol voro ivusi be vi vinihi kaburaiana.

Hibru 12:28

Huri ginau kera gea tav avkari God, huri be mwa lai gida tam mai, i kea mwa bora nonda Ratahigi Lavoa. I kea Ratahigi Lavoa be non muramura sihav nogo te dumwi. Nu tavuha be tav gogonainia la hala be kea mwa samsamwara ginia, i be tai vinihi marahinia, i mulei tai mataguinia,

Ifisas 4:28

Kera gabe ram susura rav lin̄i be ram susura i rav tau bwatuna ba lol rovoga. Mwa du be kera rav haḡo rahuan tavuha hurira sibora i kera rav lai dum ginau abena be rav hogoinia lalainira be ram hiruga.

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

Lalaḡova 20:19

Nam lol rovoga kera gea bwatuna be inau atatun rovoga n̄an vuroi non nonda Ratahigi, be binihiḡu mwa do tirigi. I vataha mahavana mataruaku mwa rovo huri kimiu. I vataha mahavana taro lalaiau nu hav tavuha tehe, bwatuna be ira Jius ram dari halana be rav lol hantaiau.

Matiu 24:12

Bwatuna be lalaḡov hantai vi lon̄ahi ute duluai, sinombu ivusi rav masisi lol nora silo tabetabe.

1 Timoti 5:13

Kunia mulei, ram huhuinia be rav sabwelei nora taro, ram batvataha imwa. Ram hav sabwelei te nora taro n̄an take mulei ram dau bwatuna ram hun̄ahun̄a i ram habwe sibora nin atat dodolua be ram daura sibora la rovoga hahavwani, ram bev ginau be mwa du be rasav vevea tehe.

Visirai 2:4

Take nomiu vahalana vwate mwa du ḡoro lol mataku, gim hav mom doron te maragaiau, kunia be gin tabeau la bwativuna.

Kolosi 4:1

Ira Ratahigi, giv lai hano be nu vavtutu lalai ira non turi. Gov iloe be nom Ratahigi lavoa vwate mwa dogo amare.

1 Korin 7:22

Kera be ran vora ira turin rovoga lol taro be God nu uloinira kera ram bora maribwesi lolmatan God. La hala n̄an gea, atat maribwesi be Kraes nu uloinira ram bora non turin rovoga.

Matiu 25:26

“Haḡe non ratahigi mwa bevea lalainia be, ‘O, giḡo atatun rovoga hantai i bwatiḡoru! Gom iloe huba be inau nam lalai gaku ginau lol ute loloara gabe barabe nan lol rovogana, i nam ḡan vwae gai gabe barabe nan rivua.

Jemes 5:16

Nu tavuha be giv vev lua vuromiu gaitutuvwai lalai kimiu gaitutuvwai, i giv tataro lalai kimiu gaitutuvwai i God vi varahu kimiu. Batena be atat binihimwasigi mwa dataro, tataro gea nu muramuraga maragai.