Ravrava non Pol lalai ata Rom 10:7 - Hano Niu Testamen

⁷ I gosav vevea tehe be, “Ihei vi hivo vai lol ureure ata?” (Kea gin binihiva be, “Ihei vi hivo ba lai lua Kraes nin mateana?”)

Ravrava non Pol lalai ata Rom 10:7 Referans Kwoze

Hibru 13:20

God mwa lol domarei Ratahigi Jisas Kraes atagun mateana. I kadogaha Jisas kea kun Lavoa huri Radaiḡoro Sipsip be Dagana mwa lalaḡoiana be men lol datauleon rahuana vai tuai non God mai bilan sipsip.

Visirai 1:18

Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.

1 Pita 3:22

Kadogaha Jisas nu vano vai lol ute atamare i mwa dogo la mwatuan God i mwa ḡitaḡoro ira enjel, ira roron̄o i ira muramura.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

Ravrava non Pol lalai ata Rom 4:25

Jisas nu mai huribe vi mate huri vuroda, i mwa domare mulei nin mateana be men lol gida tamen vavtutu la lolmatan God.

Leo Tavuha gabe Luk nu Ravae 8:31

Haḡe vui hantai mwa hudali Jisas be sihav hora te dagainira vai lol banoi roro.