Ravrava non Pol lalai ata Rom 1:25 - Hano Niu Testamen

²⁵ Ram hav vinihi te mwasigi God ram binihia be mwa dentene. Ram ḡogonai i ram lol hano be God nu lolia ninia be rav uloi roroai ihan Ratahigi nonda God vai tuai vai tuai! Amen.

Ravrava non Pol lalai ata Rom 1:25 Referans Kwoze

2 Korin 11:31

God mwa iloe be nam hav vora te tenteneana. Kea God i Taman Ratahigi Jisas Kraes, i kea haḡea be vi lai avkari vai tuai.

Ravrava non Pol lalai ata Rom 9:5

Kera haḡea varan ira sibida, i kera mulei ran togo lol taron Kraes be nu vora, kea be God ḡoro gida sinombu duluai, tav uloi roroainia vai tuai i tuai! Amen.

1 Jon 5:20

Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.

Ravrava non Pol lalai ata Rom 1:23

God sihav mate te dum gubwen̄ vwate, take ram hav tataro te lalainia, ram ban ram dataro lalai ira nunvatu be gida atatu tam lolira, kun manu, ira ginau rahu, mai teltele.

2 Timoti 3:4

Rai van burigai atatu be ram mwemwearu bulu i rav lol ginau dadaloiga be rasav lai te binihiva huria. Rav lol nora doroniv hahantai sibora, rav tabe nora doroniva sibora lol tanon God.

Ravrava non Pol lalai ata Rom 1:18

God mwa seserai lua non lol horo nin ute atamare lalai ira vui son̄son̄o duluai i hal lete be sinombu ram lolia. Mai nora vui son̄son̄o sibora be ram rahu maia ram dahuli mwasigi.

Matiu 6:24

“Atatu si hav vora te turin rovoga dum lalai ratahigi gairua. Bereva gim hun̄ai vwate i gim dabe vwate. Sage vi gogonai vwate i vi gita hantai vwate. Gisav haḡo te bul rovoga non God mai rovogan mwane.

1 Tesalonaeka 1:9

Sinombu vataha ute ram bevurinia be gin lai ḡoḡo kamai batena be kamai aia mai kimiu. Ram bevurinia be kun hanigi giv lin̄ ira nunvatu i gim bavora gim lol rovoga huri God rahu i God mwasigi.

1 Timoti 1:17

Lalai Ratahigi Vurai be mwa lavoa ḡoro vai tuai, kea sihav mate tehe, kea be tasav gita te dumwia, kea n̄an God, tanon binihi marahi i sarisari vai tuai i vai tuai! Amen.

1 Timoti 1:11

Silo vagahi kea udun Roroi Tavuha non God samsamwara kea nu lai lalaiau be nai vevea.

Matiu 10:37

“Be ihei alolomiu mwa dabe maragai tamana sage ratahina ninia gabe mwa dabeau, wani gea mwa hav dadariha tehe be vi vora noḡu roron̄tai. Sa ihei mwa dabe maragai nituna ninia gabe mwa dabeau, wani mulei gea mwa hav dadariha tehe be vi vora noḡu roron̄tai.

Ifisas 3:21

Lalainira roroai lol uloilua i lol Kraes Jisas huri vataha mahavana, vai tuai vai tuai. Amen.

Leo Tavuha gabe Jon nu Ravae 2:8

i mwa bevea lalainira be, “Gin utu dagai wai rituai ba laia lalai wani be lavoa huri ginaganiana.” Haḡe ram lai wai lalainia,