Leo Tavuha gabe Mak nu Ravae 9:43 - Hano Niu Testamen

⁴³ Be limwamwa mwa loligo gom sala lol non binihimwasigi garagusi, tav n̄andu kaburainia! Nu tavuha lalainigo be gov haroro lol rahuana mai limwamwa gaituvwa ninia be ras tu saraḡo i vi vohai kaburainigo vai lol gabin ron̄ḡagarasi vai tuai.

Leo Tavuha gabe Mak nu Ravae 9:43 Referans Kwoze

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Matiu 5:22

Itake kadogaha inau nam bevea lalai kimiu be, ihei mwa lolhoroi tuana, wani gea vi lai silo vevegi huria. I ihei mwa bev bwarebware tuana, kea vi laiana vai lol imwan harahara gaivua. I ihei mwa uloi tuana be ‘Giḡo len̄len̄aga!’ wani gea vi haroro lol gabin ron̄ḡagarasi.

Kelesia 5:24

Kera gabe ram dogo lalai Kraes Jisas ram boha volvol mulei vurora sibora. Ram lin̄ mulei nora ron̄ova ata tuai i ginau hahantai be ram doronbe ramen lolia.

Matiu 3:12

I mulei mwa haḡo non gai gosi lol limana kun atatu mwa ḡos niu, mwa lai lua mwasina nin bwalana, i mwa hara ḡoḡo mwasina vai la mwasin batana, take mwa bohai kaburai tabwelahana vai lol gabi gabe mwa oda, mosmosianana sigai.

Taetas 2:12

Mwa bagahi gida be tasav van te burigai God sa tasav lol te ginau hahantai be ureure mwa doronia. Take, hogoi non God mwa bagahi gida be kadogaha tav togo gin mataisao i lol hal vavtutu i lol hala kea be mwa seserainia be tam lol lalaḡova non God.

Kolosi 3:5

Giv tau kaburai ginau hantai duluai lol rahumiu: vuro lol alen̄ bwatigoro, lolian daltalei gom lin̄ binihiv taltale mwa domuainigo, gon doron ginau lete, i ginau ravravwega i bugurana (huribe bugurana kea dovon̄an gogonaiana lalai tagaro dodolua).

Ravrava non Pol lalai ata Rom 8:13

Kebe gov lol ginau be binihimwa mwa doronia, gov mate huria ta kebe gov lolia la buluiana non Vui Sabuga be vi tuḡorogo nin ginau hantai be gov lolia la rebehimwa, kea gov haḡo rahuan tavuha.

Leo Tavuha gabe Luk nu Ravae 14:13

Take mahavana be gom lol ginaganiana, gov ware ira hiru, ira luḡu, maira matagara.

1 Pita 2:1

Mulei, giv togo dagai nin ginau hahantai duluai, tenteneana duluai, bugurana, binihiv hahantai, i avoan hahantai.

1 Korin 9:27

Nam lol vatuvwai rebehiku i nam lolia gi noḡu turi. Inau nam uloi atatu n̄oto huri rovoana geki. Bwatuna gea nas sav lin̄ te atatu vwate be vi rav luae nin rovoana geki.

Leo Tavuha gabe Luk nu Ravae 14:21

“Haḡe atatun rovoga mwa dabagil mulei mwa bev sera ginau duluai lalai non ratahigi. Haḡe ratahigi mwa lol horo maragai mwa bevea lalai non atatun rovoga be, ‘Gov van vilehi vai la hal lalavoa mai hal ririgi lol bwatutun vanua, gov lai ira hiru, ira luḡu, ira matagara mai kera be bwalagera ran hantai.’

Matiu 17:27

Take gida tasav lol te atatu gabe ram hara homu be rav taturai aluda. I gov hivo vai lol numbu gaivua ba bohai mata. Muan ige be gov ravae, gov havan̄ bwan̄ona, i gov habwe mwane vi dadariha be taru vi vol n̄oto nonda takis ginia. Gov laia ba bolia.”

Leo Tavuha gabe Mak nu Ravae 9:44

Aia ulehira be ram ḡanira ram hav mate te dum i gabi mwa hav mate te dum mulei.

Leo Tavuha gabe Luk nu Ravae 3:17

I mulei mwa haḡo non gaigosi lol limana, kun atatu mwa ḡos niu mwa lai lua mwasina nin bwalana i mwa haraḡoḡo mwasina vai la mwasin batana, take mwa bohai kaburai tabwelahana vai lol gabi gabe mwa oda mosmosianana sigai.”