Leo Tavuha gabe Mak nu Ravae 2:5 - Hano Niu Testamen

⁵ Batena Jisas mwa ḡita nora binihimwasigi garagusi mwa bevea lalai wani rebehina nu mate be, “Nituku nam binihi kaburai vuromwa.”

Leo Tavuha gabe Mak nu Ravae 2:5 Referans Kwoze

Matiu 9:2

La mahavana mwa botu mulei ta sinombu rituai ram mai mai atatu vwate be rebehina nu mate, mwa eno la bata. Jisas mwa ḡita batoi nora binihimwasigi garagusi, mwa bevea lalai wani rebehina nu mate be, “Mala, gov to mahurigi. Vuromwa mwa binihi kaburaiana.”

Jemes 5:15

I tataro non atatu be mwa binihimwasigi garagusi vi varahu ira harova; God vi varahu atatu gea. Kebe atatu gea nu vuroga, God vi vinihi kaburai vurona.

Matiu 9:22

Jisas mwa ban burigai mwa ḡitae, mwa bevea lalainia be, “Nituku, gov togonainigo! Nom binihimwasigi garagusi mwa barahugo.” I darihou vavine gea mwa rahu.

Ifisas 2:8

Nam bevea gin binihiva be kimiu gin rahu gin hogoi non God sivi binihimwasigi garagusi. Gin hav varahu te kimiu sibomiu; take kea hogoi non God.

Lalaḡova 5:31

God nu lol domareinia vai la mwatuana kun gabe Tomuai i Varahu, be vi lai lalai sinombu ira Jius mahin̄ana huri tanon binihi leahi i, vi tugu kaburai vurora.

Leo Tavuha gabe Jon nu Ravae 5:14

Ataguna n̄an gea, Jisas mwa habwe wani gea lol Imwa Tataro haḡe mwa bevea lalainia be, “Ron̄oe, kekadogaha gom rahu mulei, i gosav mom lol te havanau hantai mulei bere ginau hantai liu gim mom dumwigo.”

Leo Tavuha gabe Luk nu Ravae 5:20

Jisas mwa ḡita batoi nora binihimasigi garagusi, mwa bevea lalai atatu gea be, “Noḡu buluana vuromwa mwa binihi kaburaiana.”

Kolosi 3:13

Gov mwemwearu mai ira tuamwa i gov binihi kaburai vurora. Be atatu vwate mwa lol vahala lalainigo, gov vinihi kaburai vuron atatu gea bwatun be God mwa binihi kaburai vuromwa.

2 Korin 2:10

Be giv binihi kaburai vuron ihei dolua, inau mulei nam binihi kaburai vurona. Havanau be nan binihi kaburainia i havanau tehe be nai binihi kaburainia la ihamiu, kunia be Kraes kea maiau.

1 Korin 11:30

Kea haḡea huri hano kera ivusi lol nom tatan̄ana ram haro, ram mandamanda i ram mate.

Lalaḡova 14:9

Kea mwa dogo aia mwa roron̄tai avoana non Pol. I Pol mwa ḡitae be kea mwa binihimwasigi, i vi rahu dumwi, i kunia mwa ḡita mamaragainia

Lalaḡova 11:23

I mahavana be mwa botu i mwa ḡitae be God mwa batavuhai sinombu, kea mwa samsamwara i mwa bevea lalainira duluai be rai vavtutu lalai Ratahigi gin sibwen̄ira duluai.

Leo Tavuha gabe Jon nu Ravae 2:25

Mwa hav tu tehe be atatu dolua men vevera lalainia, bwatuna kea sibona mwa ilo ginau duluai be mwa dogo alolora.

Leo Tavuha gabe Luk nu Ravae 8:48

Haḡe Jisas mwa bevea lalainia be, “Nituku, nom binihimasigi garagusi mwa barahugo, van lol tamwata.”

Leo Tavuha gabe Mak nu Ravae 5:34

Haḡe Jisas mwa bevea lalainia be, “Nituku, nom binihimwasigi garagusi mwa barahugo sibomwa. Vano lol tamwata, i gov rahu nin nom harova.”

Matiu 9:5

Kehibehe nu maron̄ron̄o? Be men vevea be, ‘Mwa binihi kaburai vuromwa sa be men vevea be, ‘Tomare ba lago’?

Leo Tavuha gabe Mak nu Ravae 2:6

Ira vagahin Silo rituai ran togo aia ram avo ginginira be,