Leo Tavuha gabe Mak nu Ravae 13:26 - Hano Niu Testamen

²⁶ Lol mahavan gea inau Nitun Atatu nai visirai lol tenlan̄i mai muramura i sarisari.

Leo Tavuha gabe Mak nu Ravae 13:26 Referans Kwoze

Visirai 1:7

Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.

Leo Tavuha gabe Mak nu Ravae 14:62

Jisas mwa bwaliua mwa bevea be, “Inau haḡea giv gita, inau nitun atatu nav togo la mwatuan mwasin roron̄o, i nav mai alun ten lan̄i lol ute atamare!”

Matiu 24:30

Haḡe dovon̄a huriau Nitun Atatu vi visirai lol mahao, i varan sinombu duluai lol ureure rav mwaḡuruḡuru i rav gitau Nitun Atatu nav mai alun ten lan̄i mai roron̄o i sarisari gaivua.

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 25:31

“La mahavana be inau Nitun Atatu nav mai mulei kun gabe Ratahigi Lavoa maira enjel duluai bul maiau, inau nav togo alun tanon togotogon lavoa,

Leo Tavuha gabe Mak nu Ravae 8:38

Inau Nitun Atatu nav mai vai non̄oiha mai noḡu enjel mai ginau tavtavuha be tamaḡu vi laira lalaiau. La mahavana gea inau nav tavwe vataha atatu hurin nora lalaḡova. Be, atatu mwa busbusi giniau mai noḡu silo vagahi abera sinombu hantai be ram dogo garigi be God sigai abera, kunia inau mulei Nitun Atatu nav busbusi ginia batena nav mai mai ira enjel sabuga, lol sarisarin Tamaḡu.”

1 Tesalonaeka 4:16

Ratahigi sibona vi himai vai ataa nin mahao mai batoan wasi nin amare, mai silon muai enjel, i mai silon God gin taiva bilan God. I kera be ran mate huba take ran binihimwasigi lol Kraes, kea rav tomare amua.

Lalaḡova 1:11

Ira tarua geki ramuru bevea lalainira be, “Ata Kalili, huri hano gim du gim ḡarere vai hae lol mahao? Jisas geki, gabe God mwa laia nin kimiu hae vai lol mahao, vi himai mulei la hala n̄an kunia be gim ḡitae mwa hae vai lol ute atamare.”

Matiu 16:17

Jisas mwa bwaliua be, “Saemon nitun Jon, nu tavuha maragai lalainigo! Bwatuna be mwasigi geki mwa hav mai te lalainigo nin atatu vuroi, take mwa himai rahurahu nin Tamaḡu amare.

Matiu 16:28

Nam bev mwasigi lalai kimiu be atatu rituai teti rasav mate te radu, vai votu rav gitau, Nitun Atatu, nav mai kun Ratahigi lavoa.”

Leo Tavuha gabe Mak nu Ravae 9:1

Haḡe mwa bev rahurahuinia be, “Giv vinihi dum ginau uhu! Atatu rituai rasav mate tehe vaivotu rav gita rahuan gara gabe God mwa Ratahigi ḡoro non sinombu alolona vi visirai mai muramura.”

Leo Tavuha gabe Luk nu Ravae 21:27

Kunia Nitun Atatu vi visirai lol ten lan̄i lol roron̄o gaivua mai sarisari.

2 Pita 1:16

Lol taro be gan vevea lalai kimiu huri muramuran maiana non Kraes nonda Ratahigi Jisas Kraes, Kamai gan hav vev te vevuri mataisaoga n̄ano be mwa mai nin binihin atatu gaituvwa. Take kamai gan gita ute lavoa non Jisas gin matamai sibomai.