Leo Tavuha gabe Mak nu Ravae 12:9 - Hano Niu Testamen

⁹ Jisas mwa hudaligi be, “Vuigin talu vi lol hano lalainira? Kea vi mai vi wehi bamatera duluai i vi hagai talun waen lalai ira gitaḡoro dodolua.

Leo Tavuha gabe Mak nu Ravae 12:9 Referans Kwoze

Ravrava non Pol lalai ata Rom 10:20

Aesaia nu dadariha be vi vevea be, “Kera gabe nan hav hudalinira tehe huri buluiana kera haḡea ran buluiau. Kera be ran hav siroau tehe, kera haḡea nam lolira ram iloau.”

Leo Tavuha gabe Luk nu Ravae 19:27

Take hurira noḡu ivwalu gabe ram hav doroniau tehe be nav vora nora Ratahigi Lavoa, giv laira vai teti be wehi bamatera lol mataku!’ ”

Matiu 21:43

“Bwatuna gea, nam bevea lalai kimiu be God vi lai dagai nin kimiu rahuan gara gabe kea mwa ratahigi alolona, i vi laia lalainira gabe rav vwae mwasin vwaina.

Matiu 22:7

Haḡe ratahigi lavoa mwa lolhoro maragai, i mwa hora ira non atatun bwaloana ram wehi kaburai atat wehiwehi bonogai kera geki, ram dumus kaburai vanuara.

Matiu 12:45

Kadogaha mwa bano mwa mom hiḡe vui hantai gaibitu mulei be alen̄ara ran hantai liu ninia, ram mai bilin̄ai, ram hogon bamasiri imwa gea. Amua rahun atatu geki be vui hantai nu to alolona nu hantai. Take ataguna be kera gaibitu ram mom mai mulei, rahuna mwa hantai liu nin amua. Kunia mulei vi vora lalainira atat hantai ata lol gubwen̄ garigi.”

Matiu 21:34

La mahavana be vwain gaon taligaon waen mwa metue, vuigin talu gea mwa hora non turin rovoga vai abera ira gitaḡoro huri be rav bete ududuna lalainira huria.

Leo Tavuha gabe Mak nu Ravae 12:8

Haḡe ram haḡo batugehi nituna ram wehi bamatea i ram bohai lua rebehina vai avare dagai nin talun waen.”

Leo Tavuha gabe Mak nu Ravae 12:10

Nam iloe be gin vasogoe huba lol ravrava sabuga mwa bevea be, ‘Gaimahan̄an imwa gabe kera ran vohai kaburainia kadogaha mwa bora mwasin gain imwa.