Matiu 7:7 - Hano Niu Testamen

⁷ “Be giv hudaligi, vi lai lalai kimiu. Giv hiḡe, giv habwe. Giv dorodoro, vi havan̄ lalai kimiu.

Matiu 7:7 Referans Kwoze

Matiu 21:22

Be kimiu gim binihimwasigi alun God, havanau tehe be gim navohia lol nomiu tataro, vi laia lalai kimiu.”

1 Jon 3:22

Be tas hudali te God gin havanau tehe kea vi laia lalai gida, bwatuna be tam dabea. I tam lol ginau be mwa samsamwara ginia.

Leo Tavuha gabe Jon nu Ravae 15:7

Be giv togo aloloku i noḡu avoana vi togo alolomiu, giv hudaligi huri havanau tehe gabe gim doronia, giv lai dumwia.

Leo Tavuha gabe Mak nu Ravae 11:24

Bwatuna hiḡea nam bevea lalai kimiu be: mahavana be gim dataro i gim hudaligi huri havanau tehe, giv binihimwasigi be gin laia huba, i giv lai dum ginau gabe gim hudaligi huria.

Matiu 6:33

Take kimiu giv gitaḡoro didinigi be giv tabe God gabe nomiu Ratahigi i be giv lol ginau vavtutu duluai gabe kea mwa doronia, i vi hogoi lalai kimiu ginau duluai kera geki mulei.

Matiu 7:8

Huri ihei gabe mwa hudaligi, vi lai dum hano gabe mwa doron. I ihei gabe mwa hiḡe, vi habwe dum ginau gabe mwa hiḡea. I ihei mwa dorodoro, vi havan̄ lalainia.

Leo Tavuha gabe Jon nu Ravae 15:16

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Hibru 11:6

Take be atatu sihav binihimwasigi garagusi tehe alun God, sihav lol te dum God be vi samsamwara ginia. Huri be atatu vwate si doron be si mai huri God, kea vi binihimwasigi garagusi be God mwa dogo, i God mwa lolira gabe ram lol ron̄oe be rav habwea ram samsamwara.

Leo Tavuha gabe Jon nu Ravae 4:10

Jisas mwa bwaliua mwa bevea be, “Be gos ilo havanau God mwa laia i ihei gabe mwa hudalinigo be men mwin te wai gos hudalinia huri wai gabe vi lai rahuana lalainigo.”

Matiu 18:19

“Nam bevea mulei lalai kimiu be atatu gairua abemiu lol ureure ramuru binihi haragaituvwa huri havanau ramuru navohi huria, Tamaḡu lol ute atamare vi laia lalainira.

Jemes 5:15

I tataro non atatu be mwa binihimwasigi garagusi vi varahu ira harova; God vi varahu atatu gea. Kebe atatu gea nu vuroga, God vi vinihi kaburai vurona.

Leo Tavuha gabe Luk nu Ravae 18:1

Haḡe Jisas mwa bev avoan dalogai geki lalainira non roron̄tai be men vagahira be rav tataro tagaro huri be rasav mandamanda tehe.

Matiu 7:11

Kimiu atat hahantai, take gim ilo halana be gim lai ginau tavtavuha lalai ira nitumiu. Haḡe kunia mulei, Tamamiu lol ute atamare vi lai ginau tavtavuha liu lalai irahei gabe ram hudalinia huria.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

Ravrava non Pol lalai ata Rom 3:11

Atatu vwat sigai be mwa ḡita batoi ginau. Vwat sigai be mwa ḡita God huri buluiana.

Leo Tavuha gabe Luk nu Ravae 13:25

Haḡe vuigin imwa vi tomare ba ḡoro gatava; haḡe batena be giv tu avare ba sirisirin̄i la gatava i giv vevea be, ‘Ratahigi, havan̄ gatava lalai kamai!’ kea vi vwaliu kimiu vi vevea be, ‘Nam len̄ai kimiu be gim mai nin halabehe!’