Matiu 7:21 - Hano Niu Testamen

²¹ “Si hav vora te atatu duluai ninira ram uloiau be ‘Ratahigi, Ratahigi,’ rav dalin̄oro lol Ute Lavoa atamare, take kera n̄ano be ram lol dum doroniva non Tamaḡu lol ute atamare.

Matiu 7:21 Referans Kwoze

Ravrava non Pol lalai ata Rom 2:13

Kunia be gim ron̄ silo, mwa hav lol te atatu be ramen vavtutu la lolmatan God. Kera n̄ano be ram ḡogonai silo, kera haḡea ran vavtutu maia.

Leo Tavuha gabe Luk nu Ravae 6:46

“Huri hano gim uloiau be, ‘Ratahigi, Ratahigi,’ take gim hav lol te hano gabe nam bevea?

Jemes 1:22

Gov lol hano be silo vagahi non God mwa bevea; batena be gom roron̄tai gom hav lol te ginau vwate huria, gom dentene lalainigo sibomwa.

Leo Tavuha gabe Luk nu Ravae 11:28

Take Jisas mwa bwaliua, “Sigai ta irahei gabe ram ron̄ avoana non God i ram ḡoḡoi ḡoroe rav ron̄ mwandavuha.”

Taetas 1:16

Ram bevea be ram ilo God, take nora lalaḡova mwa dovon̄ainia be ram hav lai te ḡoḡoe. Kera ram barihai atatu, ram hav roron̄tai tehe, ira atat hahantai huri be rav lol te havanau be nu tavuha.

Hibru 4:6

Kera gabe rav ron̄oe huri Roroi Tavuha muana, ran hav lai te dum mambuana bwatuna be ran hav vinihi te mwasigi. Take atatu rituai mulei abena be ram lai dum mambuana mai God.

Leo Tavuha gabe Jon nu Ravae 6:40

Huri havanau be Tamaḡu mwa doronia, mwa doron be kera duluai be ram ḡita Nituna i ram binihimwasiginia rav haḡo rahuana vai tuai. I nav lol domarei muleinira vai lol rahuana lol nogonan gubwen̄i.”

Visirai 3:5

Kera gabe ram muramuraga lol taron bwaloana, rav sagasagai gaisaga maita kun geki, i nasav lai te dagai dum ihara nin bukan rahuana. Haḡe nai vev luae lolmatan Tata maira non ira enjel be, kera noḡu atatu.”

1 Pita 4:2

Giv tu wasigi Sibomiu huribe giv rahu teti lol ureure i giv lol havanau be God mwa doronia.

Hibru 13:21

Nam dataro huri be God huri tamwata vi lol kimiu giv lol vatuvwai be giv ron̄oe, i be giv lalaḡo bavtutu vataha mahavana. Nam dataro be Jisas vi bului kimiu be nomiu lalaḡova vi vavtutu lalai God. Lalai Jisas Kraes roroai vai tuai vai tuai! Amen.

Matiu 12:50

Huri ihei be mwa lol dum doroniva non Tamaḡu mwa be dogo lol ute atamare, kea tuaku, hogosiku i ratahiku.”

Visirai 22:14

God vi vatavuhainira duluai gabe ram bwaga gaisagara. Kera rav gan dum vwain gain rahuana vai tuai. I rav haroro dum la matgatavan bwatutun vanua.

Leo Tavuha gabe Jon nu Ravae 3:5

Take Jisas mwa bwaliua mwa bevea be, “Nam bev mwasigi lalainigo be, ihei si hav dalin̄oro te dum lol rahuana gara gabe God mwa ratahigi alolona be kea si hav vora tehe gin wai i vui.

Matiu 18:3

mwa bevea be, “Nam bev mwasigi lalai kimiu be gisav haroro te dum lol Ute Lavoa atamare, be gisav leahi tehe ba bora kun ira naturigi.

Leo Tavuha gabe Jon nu Ravae 7:17

Be ihei tehe mwa samsamwara be men lol doroniva non God, vi iloe be havanau nam bagahi huri mwa mai nin God, sage nam avo gin noḡu muramura siboku.

Ravrava non Pol lalai ata Rom 12:2

Gosav leahigo te sibomwa be goi vora kun ata lol ureure geki, ta gov leahi la hal gara la halan binbinihi. Vuvuri gov vinihi dum hano be God mwa doronia hurigo, gov iloe be havanau nu tavuha i mwa lol dum binihina i havanau nu tavuha be giv lolia.

Leo Tavuha gabe Mak nu Ravae 3:35

Ihei tehe mwa lol ginau gabe God mwa doronia be vi lolia, kea haḡea tuaku, hogosiku, mai ratahiku.”

1 Tesalonaeka 5:18

i giv lai avoan avkari huri havanau te be mwa loli gaituvwa be loli. Kea haḡea havanau be God mwa doronia be vi loli lalai kimiu lol Kraes Jisas.

Ifisas 6:6

Gosav lolia te n̄an kungeki lol taro be atatu ram ḡitago, be gomen lolira ramen ron̄mwandavuha. Gin irubwimwa duluai gov lol hano be God mwa doronia gida atatu be tam ḡogonai Kraes.

1 Pita 2:15

God kea mwa doronia be gin alen̄ vavtutu kimiu mwa du maragai be giv tuḡoro atat hahantai be ram bev avoan taltale huri kimiu.

Matiu 25:21

Haḡe non ratahigi mwa bevea be, ‘O, nu tavuha maragai! Giḡo atatun rovoga tavuha i binihi marahi! Bwatuna be ginau kolo n̄an gom ḡitaḡoro tavuhainia, kadogaha nav taugo gov gitaḡoro ginau gaivua. Mai teti ba samsamwara bul maiau.’

1 Tesalonaeka 4:3

God mwa doron kimiu be giv sabuga i giv to dagai nin bwatigoro mai atamwani i vavine ram bulu lol rebehira.

Kolosi 4:12

Epavras, atatun rovoga non Jisas Kraes, lol nomiu tatan̄ana, mwa lai non avoan helheloi lalai kimiu. Mwa dataro vataha gubwen̄ hurigo be gov mauri lol Vui Mituaga i gov haḡo ginau duluai be God mwa doronia hurigo.

Leo Tavuha gabe Luk nu Ravae 13:25

Haḡe vuigin imwa vi tomare ba ḡoro gatava; haḡe batena be giv tu avare ba sirisirin̄i la gatava i giv vevea be, ‘Ratahigi, havan̄ gatava lalai kamai!’ kea vi vwaliu kimiu vi vevea be, ‘Nam len̄ai kimiu be gim mai nin halabehe!’

Lalaḡova 14:22

Ramuru lol wasi ira binihimwasigi i ramuru av durara be rav tu wasi alun nora binihimwasigi garagusi. Haḡe ramuru bevea be, “Mwa du be tai van sivi ute ririhai ivusi vuvuri tam siv van lol Rahuan gara gabe God mwa bora ratahigi alolona.”

Leo Tavuha gabe Luk nu Ravae 18:25

Nam bevea mulei lalai kimiu be nu ririhai liu huri atat rosoga be vi haroro dum lol Rahuan Gara ninia be kamel vi bwihi la halan tereti ata la nidil.”

Leo Tavuha gabe Mak nu Ravae 9:47

Be matamwa mwa loligo nom binihimwasigi garagusi mwa hovi, lai dagainia, nu tavuha be gov haroro lol rahuana gara gabe God mwa Ratahigi alolona mai matamwa gaituvwa ninia be ras tu saraḡo i vi vohai kaburainigo vai lol gabin ron̄ḡagarasi.

Matiu 19:24

I nam bevea mulei lalai kimiu be, nu ririhai be kamel vi bwihi dum la halan tereti ata la nidil, i nu ririhai liu huri atat rosoga be vi haroro dum lol rahuana gara.”

Matiu 18:35

Haḡe Jisas mwa bevea be, “Kunia Tamaḡu lol ute atamare vi lolia mulei lalai kimiu be gisav vinihi te kaburai vuron ira tuamiu lol lolomiu.”

Leo Tavuha gabe Jon nu Ravae 15:23

Ihei tehe mwa barihaiau mwa barihai Tata mulei.

Matiu 26:42

Jisas mwa mom bano mulei varuana mwa dataro, mwa bevea be, “Tata, be gosav lai te dagai laha geki niniau vai votu be nai mwin aluna, nom doroniva n̄an vi tu.”

Matiu 16:17

Jisas mwa bwaliua be, “Saemon nitun Jon, nu tavuha maragai lalainigo! Bwatuna be mwasigi geki mwa hav mai te lalainigo nin atatu vuroi, take mwa himai rahurahu nin Tamaḡu amare.

Leo Tavuha gabe Jon nu Ravae 14:7

Haḡe mwa bevea lalainira be, “Kadogaha be gim iloau, giv ilo Tamaḡu mulei, i mwa dau bwatuna haḡea kadogaha be gim iloe i gim ḡitae.”

Leo Tavuha gabe Jon nu Ravae 5:17

Haḡe Jisas mwa bwaliura mwa bevea be, “Tamaḡu mwa lalaḡo vataha mahavana i inau mulei nav lalaḡo kunia.”

Matiu 26:39

Haḡe mwa mom bano, mwa hiv bahudui, mwa dataro, mwa bevea be, “Tata, be si dumwi, lai dagai lahan ron̄ḡagarasi geki niniau! Take noḡu doroniva vina ta nomwa n̄ano.”

Matiu 18:10

“Giv gitaḡoro be gisav vev te kaburai ihei ninira naturirigi kera geki. Nam bev mwasigi lalai kimiu be nora enjel amare ram du tagaro lolmatan Tamaḡu lol ute atamare.

Matiu 18:19

“Nam bevea mulei lalai kimiu be atatu gairua abemiu lol ureure ramuru binihi haragaituvwa huri havanau ramuru navohi huria, Tamaḡu lol ute atamare vi laia lalainira.

Matiu 25:10

Haḡe kera gailima gea be ram bwaḡelega ram bano lol sitoa huri nora keresin. La mahavana be ram bano, atat lagi mwa bisirai i mwa lai kera gailima gea gabe ran mataisaoga ram haroro bulu lol imwa, i gatava mwa ḡoro, i ram ḡan ginau maira lol lagiana gea.