Matiu 6:9 - Hano Niu Testamen

⁹ Bwatuna gea, giv tataro kungeki be: ‘Tata amare: ihamwa na sabuga:

Matiu 6:9 Referans Kwoze

Visirai 4:11

“Nonda Ratahigi i God! Giḡo gon dadariha be gov lai muramura, i roroa, i sarisari. Huri be gon tau ginau duluai, i gin nom binihiva gon taura i ram du.”

Ravrava non Pol lalai ata Rom 8:15

Vui sabuga gabe tam laia mwa hav lol te gida be tamen vora turin mataguana, kea mwa lol gida gi ira nitun God. Gin Vui Sabuga gea tam dei tam bevea be, “Tata.”

Kelesia 4:6

Kunia be kimiu ira nitun God, God nu hora vuin nituna vai lol irubwimiu, i vui gea nu haharigi amare be, “Tata.”

Visirai 5:12

i ram lol iboi gin silo gaivua be: “Sipsip gabe nu wehiana, kea n̄an nu dadariha be vi lai tomuai i tavwe gaivua liu, mai mataisao i muramura, binihi marahi, sarisari i lol roroai!”

Matiu 7:11

Kimiu atat hahantai, take gim ilo halana be gim lai ginau tavtavuha lalai ira nitumiu. Haḡe kunia mulei, Tamamiu lol ute atamare vi lai ginau tavtavuha liu lalai irahei gabe ram hudalinia huria.

Matiu 26:29

Nam bev mwasigi lalai kimiu be nin kekadogaha nasav mom mwin te waen vava vi votu gubwen̄ higea nai mwin waen gara mai kimiu lol rahuan gara gabe Tamaḡu mwa ratahigi alolona.”

Matiu 23:9

I mulei gisav uloi te ata la ureure geki be ‘Tata’, huri be kimiu duluai Tamamiu gaituvwa n̄an be mwa do lol ute atamare.

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Leo Tavuha gabe Luk nu Ravae 15:18

Nav tomare ba ban huri tamaḡu ba bevea lalainia be, Tata, nan vahala la lolmatan God i la lol matamwa mulei.

1 Pita 1:17

Gov tataro lalai God i gov uloinia gi Tata, i nu harahara huri rovoga non atat gaitutuvwai n̄an gaituvwa i lol taro be gim dogo lol ureure, giv lol ron̄oe be giv togo gin binihimarahi huri God.

1 Timoti 6:16

Kea n̄an gaituvwa be mwa hav mate tehe. Mwa dogo lol gigita be nu sarisari be atatu sihav van te dum sosoria. Atatu vwate nu hav gita te God, sa ta sav gita te dumwia. Tataro be gogonai i muramura non God vai tuai tuai. Amen.

Leo Tavuha gabe Luk nu Ravae 15:21

Haḡe nituna mwa bevea be, “Tata, nan vahala la lolmatan God i la lol matamwa mulei. Nam hav dadariha te uhugaha be gov uloiau gi nitumwa.”

Leo Tavuha gabe Luk nu Ravae 2:14

“Uloi roron God lol mahao amare, i tamwata la ureure abera atatu gabe God mwa ron̄ mwandavuha ginira!”

Matiu 6:14

“Be kimiu gim binihi kaburai vuron irahei dodolua be ram buroga mai kimiu, Tamamiu lol ute atamare vi binihi kaburai vuromiu.

Matiu 6:6

Take mahavana be gim dataro, giv haroro gahemiu lol vwavwan imwamiu ba dataro lol gatav goro lalai Tamamiu be tam hav gitae tehe. Haḡe Tamamiu gabe vi gita hano be gim lol dahulinia vi tavwe kimiu huria.

Matiu 5:48

Mwa du be giv to vavtutu tavuhai kun Tamamiu amare mwa do vavtutu tavuhai.

Kelesia 1:1

Nin Pol, be nu uloinia be vi vora hala nu hav gita te luau be nai vora hala la hala non atatu, sage atatu ram hav horau tehe. Inau nam bora hala sivi Jisas Kraes i God Tata be nu tomarei Jisas nin mateana.

Leo Tavuha gabe Jon nu Ravae 20:17

Jisas mwa bevea lalainia be, “Gosav sibweriau tehe, bwatuna be nam hav hae te radu vai aben Tata. Take goi vano huri ira tuaku ba bevea lalainira be nam dabagilu mulei vai abena gabe Tamaḡu i Tamara, noḡu God i nora God.”

Matiu 26:42

Jisas mwa mom bano mulei varuana mwa dataro, mwa bevea be, “Tata, be gosav lai te dagai laha geki niniau vai votu be nai mwin aluna, nom doroniva n̄an vi tu.”

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

Matiu 10:29

Vi vol dum lagalaga gairua huri beni meto gaituvwa. Itake lagalaga vwate si hav hovi te dum vai lol tano, be Tamamiu si hav vinihia te be vara kunia.