Matiu 5:3 - Hano Niu Testamen

³ Mwa bevea be, “Irahei be ram lin̄ rosora hurin nora doroniva, kera haḡea rav ron̄ mwandavuha, huri be kera haḡea Ute Lavoa atamare vi vora nora!

Matiu 5:3 Referans Kwoze

Leo Tavuha gabe Luk nu Ravae 18:14

Haḡe Jisas mwa bevea be, “Nam bev lalai kimiu be, atatun harahara homu, ta mwa hav vora te Varise kea nu vavtutu la lolmatan God batena gabe nu tabagil mulei vai la vanuana. Bwatuna be ihei tehe mwa binihi lavoania sibona vi togo maḡemu, ta be ihei mwa dogo maḡemu vi mai i lavoa.”

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

Leo Tavuha gabe Luk nu Ravae 11:28

Take Jisas mwa bwaliua, “Sigai ta irahei gabe ram ron̄ avoana non God i ram ḡoḡoi ḡoroe rav ron̄ mwandavuha.”

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Leo Tavuha gabe Luk nu Ravae 4:18

“Vui non Ratahigi mwa dogo aluku, bwatuna nu vurai luau be nai vev sera Roroi Tavuha lalai ira hiru. Nu horau be nai vev luae huri ribwesiva nora atat vauvauhi i huri lol i ba lol bugeri matara ira matagara, i mulei nav ribwesira ram dogo aten nora ivwalu

Leo Tavuha gabe Mak nu Ravae 10:14

Batena be Jisas mwa ḡitae, mwa lol horo mwa bevea lalainira roron̄tai be, “Giv lin̄ ira naturirigi be rav mai huriau, gisav tu te ḡorora, bwatuna be atatu be sinera kun ira naturirigi God mwa bora nora Ratahigi.

Matiu 13:16

Take huri kimiu, gim ron̄ mwandavuha! Bwatuna matamiu mwa ḡita batoia, i bweromiu mwa ron̄ batoia!

Jemes 1:12

Taro be sinombu kalkaliana mwa haḡo ron̄ora ram du wasi rahurahu, mwa du be rav samwara. Ataguna be ram seserai nora binihimwasigi God vi tavwera gin rahuana vai tuai. God nu tatauleo lalainira duluai be ram dabea.

Leo Tavuha gabe Jon nu Ravae 20:29

Jisas mwa bevea lalainia be, “Gom binihimwasigi bwatuna gom ḡitau? Samwarana gaivua lalai ira hei gabe ram binihimwasigi ta ram hav gitau tehe!”

Matiu 24:46

Samwarana gaivua lalai atatun rovoga geki be non ratahigi vi habwea be mwa lol kunia mahavana be mwa dabagilu!

Jemes 1:10

Kera be ram rosoga mwa du be rav ravwega, bwatuna God nu seserainia lalainira be ram hiruga lol vui. Ira roso rav mate kun virangai lol mwanea.

Visirai 22:14

God vi vatavuhainira duluai gabe ram bwaga gaisagara. Kera rav gan dum vwain gain rahuana vai tuai. I rav haroro dum la matgatavan bwatutun vanua.

Visirai 19:9

Haḡe enjel mwa bevea lalaiau be. “Kera ram ron̄ mwandavuha huribe ran uloinira huri lagiana non Nitui Sipsip.” Haḡe enjel mwa bevea mulei be, “Ginau kera geki gabe God nu vevera ran mwasigi.”

Matiu 25:34

Haḡe inau siboku Ratahigi Lavoa nai vevea lalainira la mwatuaku be, ‘Gin mai, na kimiu gabe Tamaḡu nu vatavuhai kimiu. Gin mai ba lai rahuan gara gabe Tamaḡu nu lol vatuvwainia huri kimiu la bwatun tauva.

Matiu 11:6

Samwarana gaivua huri ihei gabe mwa hav vinihi te gairuruai aluku!”

Matiu 8:11

Nam bevea lalai kimiu be atatu ivusi rav mai vai gin tanon matanial tavwaga i tanon al huhuni, rav tomahuri ba ḡan ginau mai Ebraham, Aisak i Jekob lol Ute Lavoa atamare.

Matiu 3:2

mwa bevea be, “Kimiu duluai giv binihileahi huri vuromiu, bwatuna be Ute Lavoa atamare mwa sosori.”

Matiu 19:14

Haḡe Jisas mwa bevea be, “Giv lin̄ naturirigi ba rav mai huriau, gisav tu te ḡorora. Bwatuna Ute atamare nu vora non kera kun geki.”

Leo Tavuha gabe Luk nu Ravae 22:29

kunia be Tamaḡu nu lai roron̄o lalaiau be nav gitaḡoro, i nav lol kunia mulei lalai kimiu.

Leo Tavuha gabe Luk nu Ravae 22:30

Giv gangan i giv mwinmwin la noḡu tebol lol noḡu Rahuan Gara, i giv to mahuri la tanon togotogo be gimen tomuai ḡoro varan Israel han̄vul domwan gairua.”

Visirai 3:17

Gim bevea be, ‘Inau nam rosoga liu, noḡu ginau duluai abena be nam doronia take gim hav iloe tehe be’, kimiu gim hiruga be gim hantai maragai, i gim davuha kun hanigi! Gim hiruga, gim la vuroi, i gim matagaraga.