Matiu 25:1 - Hano Niu Testamen

¹ “La mahavana Ute Lavoa atamare vi kun geki. Vavin daulato han̄vulu ram lai nora bulu, ram bano be ramen gita atatu vwate be mwa siv lagi.

Matiu 25:1 Referans Kwoze

Visirai 19:7

I kunia tav garigari gida ba samsamwara i ba lol roroainia. Gubwen̄in lagiana non Nitui teti kadogaha i non vavine mwa hohovi huba.

Visirai 21:9

I nam ḡita vwate alolon ira enjel gaibitu be mwa haḡo disi gaibitu be ran masiri gin nogonan ginau gaibitu be ran hahantai. Haḡe enjel mwa mai huriau mwa bevea be, “Mai teti! I nai vagahigo be kea vavine non Sipsip kolo.”

Visirai 21:2

I nam gita bwatutun vanua sabuga, Jerusalem Gara, mwa himai nin God lol ute atamare vai ataa. Nu vagaha vatuvwainia kun vavin lagi nu gabuinia huri lagiana i mwa hohovi be vi visogari mai ahoana.

Leo Tavuha gabe Jon nu Ravae 3:29

Vavine be mwa lagi, kea ha tasalan ahoana; take buluana non ahoana, mwa du n̄an mwa roron̄tai silon non buluana, mwa ron̄ mwandavuha gin silon non buluana.

Matiu 13:24

Jisas mwa bev avoan dalogai vwate mulei, mwa bevea be, “Hala huri Ute Lavoa atamare vi kun geki. Atatu vwate mwa riv biri tavuha lol bilan ute lolo ara.

Visirai 14:4

Kera be geki atatu n̄an gabe ran rarainira i ran hav bibili tehe gin rebehin vavine; kera ran gogona. Ram huri daltali nitui sipsip halabehe tehe be kea mwa bano. God nu vol luara huba i mwa lai luara nin atat dodolua. Ram bora muan atatu be ran vora hogoi lalai God mai nitui sipsip.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

Matiu 22:2

“Ute Lavoa atamare kun geki. Ratahigi lavoa vwate mwa lol vatuvwai ginaganiana baten lagiana non nituna.

2 Timoti 4:8

Kadogaha, gaisosorin bwatu mwa do dautau hohoviau. Gaisosorin bwatu be God nu tau bavtutuiau maia. God be mwa harahara bavtutu, kea vi lai gaisosorin bwatun gea lalaiau la Nogonan Gubwen̄. Sihav vora te lalaiau gaheku take lalainira duluai be ran hohovi gin lolotabetabe huria be vi mai mulei.

Matiu 3:2

mwa bevea be, “Kimiu duluai giv binihileahi huri vuromiu, bwatuna be Ute Lavoa atamare mwa sosori.”

1 Korin 11:2

Nam lol roroainigo huribe gom binihi dumwiau lol ginau duluai, i gon huri ira silo vagahi be nam laia lalai kimiu.

Matiu 20:1

“Ute Lavoa atamare kun geki. Ratahigin talu vwate bilan ute loloara mwa riv taligaon waen alolona, i mwa domare mabon̄i mwa hiḡe atatu be rav lol rovoga lol taluna.

Matiu 13:47

“I mulei, Ute Lavoa atamare kun geki. Atatun ravrav ige ram dul nora gabe lol numbu gaivua, i ram raraḡo lalan̄an ige.

Matiu 13:38

Ute lolo ara kea haḡea sinombu gabe ram dabe God be kea Ratahigi ḡorora. Ta urute kera haḡea atat non Vui Hantai.

Visirai 4:5

Haḡe mwa bilehi ḡao nin tanon togotogon ratahigi, i mwa maragabaga, i mwa bwahilo. I la lolmatan tanon togotogon ratahigi here gaibitu ram onda ram du ram bula, i geki ira Vui gaibitu be ram mai nin God.

2 Korin 11:2

Nam ḡitaḡoro kimiu gi gita ḡoro be mwa mai nin God. Nan tatauleo be nav hagai kimiu lalai Kraes, kun be kea n̄an ahoai. Nam doron be nav hagai kimiu be vavin melmelo.

Matiu 9:15

I Jisas mwa bwaliura be, “La mahavana be atatu vwate mwa siv lagi i mwa dogo radu mai non sinombu, gim binihia be kera rav ron̄ mwahantai batena ram dogo radu maia? O sigai! Ta tarona vi mai be rav lai dagai wani lagi ninira, i la mahavana haḡe gea be non sinombu rav siv garagara vwavwa.

Matiu 5:16

Kunia mulei kimiu giv lol seserai nomiu gigitana vi gigita la lolmatara atatu, be rav gita batoi nomiu lalaḡova tavuha. Haḡe rav siv uloi roron Tamamiu atamare.

Lalaḡova 20:8

Haḡe kandel ivusi lol vwavwan imwa be gam ḡoḡo aia.

Matiu 13:31

Jisas mwa bev avoan dalogai vwate mulei lalainira sinombu be, “Ute Lavoa atamare kun geki. Atatu vwate mwa lai birin ramute i mwa ḡaburainia lol bilan umwa.

Matiu 25:7

Haḡe daulato han̄vulu kera gea ram domare, ram bagaha nora bulu.

Leo Tavuha gabe Jon nu Ravae 18:3

Haḡe Judas mwa bano vai aben ira muai tataroi maira Varise, i ram laia lalainia atatun bwaloana rituai nora ata Rom, i ira gitaḡoro rituai ata lol Imwa Tataro; ram mai vai aia; mai here i tos i haḡohaḡon bwaloana.

Visirai 8:10

Haḡe gaitolun enjel mwa uv bilan taiva. I visiu gaivua kun here, i mwa hovi nin mahao vai lol tatan̄an ira wairovo i ira mata vuravuran wai.