Matiu 24:42 - Hano Niu Testamen

⁴² “Giv gitaḡoro, bwatuna gim hav ilo te gubwen̄i be nomiu Ratahigi vi mai alolona.

Matiu 24:42 Referans Kwoze

Leo Tavuha gabe Luk nu Ravae 21:36

Giv mamata i giv tataro tagaro be rahumiu vi wasi be gimen van sivigi dum dagai nin ginau kera uhu gabe rav loli, i be giv tu dum la lolmatan Nitun Atatu.”

1 Tesalonaeka 5:6

Haḡe gida tasav vora te kun atat dodolua be ram maturu, take tav mamata i tav haḡo sine togonai.

Matiu 25:13

Haḡe Jisas mwa bev nogonogoinia be, “Kimiu giv mamata, bwatuna be gim hav ilo te gubwen̄i mai mahavan alo be ginau kera geki rav loli alolona.

Visirai 16:15

“Giv roron̄tai! Inau nam mai kun gabe susurana! Samwarana lalai wani gabe mwa dogo mwa mamata ḡaoḡao ḡoro ira gaisagana, huria be sihav lago te dum vuroi be men busbusi lolmatan atatu!”

1 Korin 16:13

Giv mamata, giv tu wasigi lol nomiu binihimwasigi garagusi vi haḡo doronhohov, i giv tu wasi.

Matiu 24:36

“Ihei mwa hav ilo te gubwen̄ mai mahavana be ginau kera geki rav mai, ira enjel lol ute atamare sage inau Nitun God, take tata gaituvwa n̄an mwa iloe.

Ravrava non Pol lalai ata Rom 13:11

Giv lol ginau kera geki bwatun be gim ilo didini taro haḡe geki be tam dogo alolona. Kadogaha taro vwate huri kimiu be giv mamata nin nomiu maturuva, bwatuna be kadogaha tarona be God vi varahu gida mwa sosori nin taro be gida tan siv binihimwasigi.

Matiu 24:44

Bwatuna gea, giv lol vatuvwai kimiu tagaro, bwatuna be inau Nitun Atatu nav mai lol mahavana be gim hav iloe tehe.

1 Pita 5:8

Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

Matiu 24:43

Giv gitae geki. Be vuigin imwa mwa ilo mahavana be atat surasura vi mai, kunia vi mamata ḡoroe, i vi hav lin̄ te atat surasura be vi laḡe imwana.

Matiu 25:10

Haḡe kera gailima gea be ram bwaḡelega ram bano lol sitoa huri nora keresin. La mahavana be ram bano, atat lagi mwa bisirai i mwa lai kera gailima gea gabe ran mataisaoga ram haroro bulu lol imwa, i gatava mwa ḡoro, i ram ḡan ginau maira lol lagiana gea.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,