Matiu 21:46 - Hano Niu Testamen

⁴⁶ I ram lol ron̄oe be rav vwirihi Jisas. Take ram matagun sinombu be ram bevea be, Jisas kea atatun vevsera vwate.

Matiu 21:46 Referans Kwoze

Matiu 21:11

Haḡe sinombu be ram hae bulu ram bwaliura be, “Geki haḡea Jisas, atatun vevsera ata Nasaret nin vanua Kalili.”

Matiu 21:26

Sa be tai vevea be mwa mai nin atatu n̄an, gida tam matagun sinombu, bwatuna be kera duluai ram bevea be Jon kea atatun vevsera vwate.”

Lalaḡova 2:22

“Kimiu ira Jius, giv roron̄tai avoana geki! Jisas ata Nasaret, kea atatu gabe God nu lol seserainia lalai kimiu huba be kea sibona nu horae. God nu lol seserai ginau geki gin tagaro i dovon̄a i ginau dan̄an̄a gea be God nu lai muramura lalainia be vi lolia lalai kimiu.

Leo Tavuha gabe Jon nu Ravae 7:7

Haḡe ureure sihav varihai te kimiu, take vi varihaiau, bwatuna be nam bev ḡaoḡaoinia be hala be mwa rovo aluna ran hav tavuha tehe.

Leo Tavuha gabe Luk nu Ravae 7:39

Batena be Varise gabe nu ware Jisas mwa ḡita ginau uhu, mwa bev ḡoḡonainia lol binihina be, “Be wani uhu mwasigi atatun vevsera, kea si gita dumwia be hava vavine uhu gabe mwa sibweria; si ilo hava rahuan bibili vavine uhu nu togo alolona!”

Leo Tavuha gabe Luk nu Ravae 7:16

Sinombu duluai ram masiri gin mataguana i ram lol roroai God, ram bevea be, “Atatun vevsera gaivua mwa bisirai abeda! God mwa mai be men varahu non sinombu!”

Matiu 21:45

Ira muai tataroi maira Varise ram ron̄ avoan dalogai kera uhu be Jisas mwa bevea, ram iloe sibora be mwa bevea hurira.

Matiu 22:1

Jisas mwa avo mulei gin avoan dalogai lalai sinombu.

Leo Tavuha gabe Mak nu Ravae 11:18

Ira muai tataroi mai ira vagahin Silo ram ron̄ ginau geki, ram bavora ram hiḡe hala be kunhanigi rav wehi Jisas. Take ram mataguinia, bwatuna be sinombu duluai ram dan̄an̄a gin non silo vagahi.

Leo Tavuha gabe Jon nu Ravae 7:30

Haḡe kunia ram lol ron̄oe be rav haḡo batugehia, take liman atatu vwate mwa hav dumwia tehe, bwatuna be mahavana mwa hav mai te huria radu.