Matiu 21:22 - Hano Niu Testamen

²² Be kimiu gim binihimwasigi alun God, havanau tehe be gim navohia lol nomiu tataro, vi laia lalai kimiu.”

Matiu 21:22 Referans Kwoze

Matiu 7:7

“Be giv hudaligi, vi lai lalai kimiu. Giv hiḡe, giv habwe. Giv dorodoro, vi havan̄ lalai kimiu.

Leo Tavuha gabe Mak nu Ravae 11:24

Bwatuna hiḡea nam bevea lalai kimiu be: mahavana be gim dataro i gim hudaligi huri havanau tehe, giv binihimwasigi be gin laia huba, i giv lai dum ginau gabe gim hudaligi huria.

1 Jon 3:22

Be tas hudali te God gin havanau tehe kea vi laia lalai gida, bwatuna be tam dabea. I tam lol ginau be mwa samsamwara ginia.

Matiu 18:19

“Nam bevea mulei lalai kimiu be atatu gairua abemiu lol ureure ramuru binihi haragaituvwa huri havanau ramuru navohi huria, Tamaḡu lol ute atamare vi laia lalainira.

Jemes 5:16

Nu tavuha be giv vev lua vuromiu gaitutuvwai lalai kimiu gaitutuvwai, i giv tataro lalai kimiu gaitutuvwai i God vi varahu kimiu. Batena be atat binihimwasigi mwa dataro, tataro gea nu muramuraga maragai.

Leo Tavuha gabe Jon nu Ravae 14:13

I nav lol havanau tehe gabe gim hudaligi huria lol ihaku, huribe vi lol bisirai sarisarin Tata siviau Nituna.

Leo Tavuha gabe Jon nu Ravae 16:24

Take kadogaha gim hav hudaligi te huri havanau tehe lol ihaku; giv hudaligi i giv lai dumwia, huri be nomiu samwarana vi haraharai.”

Leo Tavuha gabe Jon nu Ravae 15:7

Be giv togo aloloku i noḡu avoana vi togo alolomiu, giv hudaligi huri havanau tehe gabe gim doronia, giv lai dumwia.

Matiu 7:11

Kimiu atat hahantai, take gim ilo halana be gim lai ginau tavtavuha lalai ira nitumiu. Haḡe kunia mulei, Tamamiu lol ute atamare vi lai ginau tavtavuha liu lalai irahei gabe ram hudalinia huria.