Matiu 21:16 - Hano Niu Testamen

¹⁶ ram hudali Jisas be, “Gom ron̄ hano ram bevea?” Haḡe Jisas mwa bwaliura be, “Uwe, nam ron̄oe. Matu gim hav vasogo te Ravrava Sabuga be mwa bevea be, ‘Gon vagahi ira naturirigi lalavoa maira la huhu be rav uloi roroainigo’?”

Matiu 21:16 Referans Kwoze

Matiu 11:25

Lol mahavana gea Jisas mwa bevea be, “Tata, giḡo Ratahigi ḡoro ute atamare i lol ureure, nam avkari maragainigo, bwatuna gon lol bisirai lalainira bwaḡele hano gon tahulinia nin ira mataisao.

Matiu 19:4

Haḡe Jisas mwa bwaliura be, “Daga gim hav vasogo te ute lol Ravrava Sabuga gabe mwa bevea be, la bwatun tauva God nu tau atatu, atamwan i vavine.

Matiu 12:3

Haḡe Jisas mwa bwaliura be, “Matu gim hav vasogo tehe huri hano Deved nu lolia, mahavana kea maira non atatu maro nu gasira?

Leo Tavuha gabe Mak nu Ravae 2:25

Haḡe Jisas mwa bwaliura mwa bevea be, “Matu gim hav vasogoe tehe huri hano Deved nu lolia, mahavana kea maira non atatu maro nu gasira?

Matiu 22:31

Huri tomarean mulei nin mateana, matu gim hav vasogo te avoana gabe God nu vevea lalai kimiu?

Leo Tavuha gabe Mak nu Ravae 13:17

Lol mahavana kera gea, hahagavi lalai ira vavine gabe ram ros atatu i lalainira nitura la huhu radu!

Leo Tavuha gabe Luk nu Ravae 21:23

Hagavi lalainira ira vavine gabe ram dogo mai sibwen̄i i hahagavi lalainira ratahi mai naturigi gara! Ginau hantai vi dum vanua geki, i silo vevev non God vi mai alura sinombu.