Matiu 20:26 - Hano Niu Testamen

²⁶ Take alen̄amiu si hav vora te kunia. Be ihei nin kimiu mwa binihi be kea lavoa, vi mai gi nomiu atatun rovoga.

Matiu 20:26 Referans Kwoze

Leo Tavuha gabe Mak nu Ravae 10:43

Geki, mwa hav vora te hala be giv lolia kunia. Be ihei nin kimiu mwa doron be vi vora lavoa, kea vi vora nomiu atatun rovoga duluai;

Leo Tavuha gabe Mak nu Ravae 10:45

Kunia n̄an be inau Nitun Atatu nan hav mai tehe be atatu ramen lol rovoga lalaiau; take nan mai be nav lol rovoga lalainira, i nam lin̄ rahuku be men vol rahun atatu ivusi.”

Leo Tavuha gabe Mak nu Ravae 9:35

Haḡe Jisas mwa do mahuri mwa uloinira han̄vul domwan gairua mwa bevea lalainira be, “Ihei tehe be mwa binihia be vi vora kea tomuai, ke vi togo hivhivo i vi vora atatun nomiu rovoga duluai.”

1 Pita 5:3

Gisav vora te tomuai lololhoroga ḡoro sinombu be gim gitaḡoro, take giv vora malel tavtavuha lalainira.

Leo Tavuha gabe Luk nu Ravae 18:14

Haḡe Jisas mwa bevea be, “Nam bev lalai kimiu be, atatun harahara homu, ta mwa hav vora te Varise kea nu vavtutu la lolmatan God batena gabe nu tabagil mulei vai la vanuana. Bwatuna be ihei tehe mwa binihi lavoania sibona vi togo maḡemu, ta be ihei mwa dogo maḡemu vi mai i lavoa.”

1 Pita 4:11

Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.

Matiu 25:44

“Haḡe kera gea rai vwaliuau be, ‘Ratahigi, la mahavana behe be gan gitago be maro nu gasigo, sage gon mandou, sage gon lago gi tausala, sage gon la vuroi, sage gon haro, sage gon togo lol imwa vauvauhi, i gam hav buluigo tehe?’

Hibru 1:14

Ira enjel havanau? Enjel kera n̄an ira vui gabe mwa horara be rav lalaḡo lalai sinombu be rav lai varahuva.

Filimon 1:13

Nan hohovi be nav haḡo bul maiau, huribe lol tanomwa bisata kea vi buluiau mahavana be inau lol imwa vauvauhi huri Roroi Tavuha.

2 Timoti 1:18

Nam dataro be Ratahigi vi hogoi non sine hagavi lalainia lol Gubwen̄i gea. Gom iloe be nu buluiau lol hala ivusi Ivisas.

2 Korin 1:24

Gam hav lol te ron̄oe be gav lol ḡoro nomiu binihimwasigi; gam iloe be gim du wasigi lol nomiu binihimwasigi garagusi. Take kamai atatun rovoga mai kimiu huri nomiu ron̄ mwandavuha.

Lalaḡova 13:5

Mahavana be ramuru botu la vanua Salmis, ramuru doretore huri avoana non God lol imwa tataro gaivua. I ramuru lai Jon Mak be vi buluira la rovoga.

Leo Tavuha gabe Jon nu Ravae 18:36

Haḡe Jisas mwa bevea be, “Noḡu ute Ratahigi mwa hav vora te ata lol ureure geki; be noḡu ute ratahigi sivora ata lol ureure geki, kera gabe ram huriau ras bwalo ḡoroau huribe sihav lin̄iau te lalai muramura non ira lavoa nora Jius. Noḡu ute Ratahigi mwa hav vora te ata lol ureure geki!”

Matiu 27:55

Ira vavine ivusi ran tu aia hen hautu lol mahavan gea, ram du ram dalvun̄uinia. Ran mai nin Kalili, ran huri Jisas i ran buluia.

Visirai 17:6

Nai vev dumwia be vavine mwa wehi maragai gin wai, huribe mwa mwinmwinu alun dagan sinombu non God gabe ram lin̄ rahura huri Jisas. Ginau geki mwa lolia nam dan̄an̄a,

Matiu 20:27

I be atatu vwate mwa binihia be kea tomuai, vi vora kun nomiu turin rovoga.

Leo Tavuha gabe Luk nu Ravae 22:26

Take geki mwa hav vora te hala be giv huria; ihei nin kimiu be vi vora lavoa, kea vi mai gi tihigi atatu alolomiu duluai, i tomuai vi mai kun be atatun rovoga.