Matiu 14:27 - Hano Niu Testamen

²⁷ Ta darihou Jisas mwa avo lalainira be, “Gisav matagu tehe. Inau siboku.”

Matiu 14:27 Referans Kwoze

Leo Tavuha gabe Jon nu Ravae 16:33

Nan vev ginau geki lalai kimiu huribe, giv lai tamwata ginia, huribe be giv bul gaituvwa aluku. Ureure vi lol kimiu giv ron̄ ḡagarasi. Take giv tu wasigi! Nan rihu maragai nin ureure!”

Lalaḡova 23:11

Haḡe lol bon̄i gea Ratahigi mwa bisirai aben Pol mwa bevea be, “Gosav matagu tehe! Gon lai nom gaitura huba lalaiau teti Jerusalem, i gov lolia n̄an mulei kunia lol vanua Rom.”

Leo Tavuha gabe Jon nu Ravae 6:20

Ta Jisas mwa bevea lalainira be, “Gisav matagu tehe, inau geki.”

Matiu 17:7

Haḡe Jisas mwa mai, mwa dau limana alura, mwa bevea be, “Gin tu amare, gisav matagu tehe!”

Matiu 9:2

La mahavana mwa botu mulei ta sinombu rituai ram mai mai atatu vwate be rebehina nu mate, mwa eno la bata. Jisas mwa ḡita batoi nora binihimwasigi garagusi, mwa bevea lalai wani rebehina nu mate be, “Mala, gov to mahurigi. Vuromwa mwa binihi kaburaiana.”

Leo Tavuha gabe Luk nu Ravae 1:30

Haḡe enjel mwa bevea lalainia be, “Gosav matagu tehe, Mere, huri God mwa ḡita dabego.

Leo Tavuha gabe Luk nu Ravae 1:13

Take enjel mwa bevea lalainia be, “Gosav matagu tehe, Sakaraia! Huri God nu ron̄ nom tataro, i Elisabet tasalamwa vi haḡo nitumwa atamwani i gov huri ihana gi Jon.

Matiu 28:10

Jisas mwa bevea lalainira be, “Giru si hav matagu tehe. Take giru van ba bevea lalai ira tuaku be rai van vai Kalili, i rav gitau aia.”

Leo Tavuha gabe Luk nu Ravae 2:10

take enjel mwa bevea lalainira be, “Gisav matagu tehe! Huri gita nam bev sera Roroi Tavuha lalai kimiu gabe vi lai samwarana gaivua lalai sinombu duluai.

Matiu 14:28

Haḡe Pita mwa av lua, mwa bevea be, “Ratahigi, be giḡo mwasigi, goi vevea lalaiau huri be namen lago la ulun wai ba mat hurigo.”

Matiu 28:5

Haḡe enjel mwa avo maira vavine, mwa bevea be, “Giru si hav matagu tehe. Nam iloe be gumuru hiḡe Jisas gabe ran vohae alun volovolo.

Leo Tavuha gabe Mak nu Ravae 6:50

Kera duluai ram matagu maragai batena be ram ḡitae. Jisas mwa avo lalainira darihou be, “Gisav matagu tehe!”

Leo Tavuha gabe Luk nu Ravae 5:10

Kunia mulei lalai ira buluana non Saemon, Semes mai Jon ira nitun Sebedi. Haḡe Jisas mwa bevea lalai Saemon be, “Gosav matagu tehe; huri nin garigi gov rav atatu.”

Leo Tavuha gabe Luk nu Ravae 12:32

“Gisav matagu tehe ira nitui sipsip bwatuna be Tamamiu mwa samsamwara be vi lai Rahuan Gara lalai kimiu lol ute gabe kea mwa ratahigi alolona.