Matiu 13:52 - Hano Niu Testamen

⁵² Haḡe mwa bwaliura be, “Geki gin binihiva be vagahin Silo gabe mwa roron̄tai huri Ute Lavoa atamare, kea kun vuigin imwa mwa lai lua ginau i maleiga nin vwavwan imwana.”

Matiu 13:52 Referans Kwoze

Taetas 1:9

Vi haḡo batugehi avoana be tanon butuana kea be tam bagahi ginia, tomuai vi bului sinombu gin mwasin silo vagahi i vi seserai dumwia lalainira be ram banburigai mwasin silo vagahi huri be kera ram bahala.

Matiu 12:35

Raumatan atatu mwa lai lua raumatan ginau nin raumatan ginau mwa lol ḡoḡora lol lolona i han̄oran atatu mwa lai lua han̄oran ginau nin han̄oran ginau mwa lol ḡoḡora lol lolona.

Leo Tavuha gabe Luk nu Ravae 11:49

Bwatuna higea mataisao non God nu vevea be: ‘Nav hora ira atatun vevsera lalainira i rav wehi bamat rituai i rav lol ḡagaras rituai.’

Matiu 23:34

Huri ginau gea nam bevea lalai kimiu be nav hora ira atatun vevsera maira mataisao maira vagahi lalai kimiu, i giv wehi rituai, giv voha rituai vai alun volovolo, i giv vivilis rituai lol nomiu imwa tataro, i giv mwaloi rituai nin vanua vai la vanua dolua.

Kolosi 3:16

Giv lin̄ silo vagahi non Kraes vi togo mai kimiu tagaro. Giv haḡo mataisao n̄oto be giv vagahi i giv iloilo kimiu be giv lol iboi, iboin tataro mai iboi sabuga gin avoan avkari lol irubwimiu lalai God.

Kolosi 1:7

Gim ron̄oe huri hogoi non God nin Epavras, kea be gam dabea. Mwa lol rovoga ute gaituvwa mai kamai i kea atat binihimwasigi non Kraes huri kamai.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Leo Tavuha gabe Jon nu Ravae 13:34

I kadogaha nav lai leohorai gara lalai kimiu: gabe mwa bevea be, giv tabe vatvataha atatu. Kun gabe nam dabe kimiu, kimiu mulei giv tabetabe kimiu.

Ifisas 3:4

Be goi vasogo havanau haḡea be nan ravae, gov gita dumwia be, inau nan ilo dum ginau dahuligi huri Kraes.

2 Korin 6:10

Gam habwe ron̄ mwahantai be gaivua, take tagaro gam samsamwara. Gam hiruga, take gam lol sinombu ivusi ram rosoga lol binihimwasigi. Nomai na ginau mwa sigai, take mwasigi be ginau duluai nomai abena.

1 Timoti 3:6

Take tomuai huri uloilua vi vora atat metuaga sihav vora te malaḡel vuroi lol binihimwasigi garagusi sage kea mwa hav binihi te sagea sibona huribe kea sihav hovi tehe lol gaosani non atmate.

Matiu 13:51

Haḡe Jisas mwa hudalinira be, “Gim ilo binihiva huri ginau uhu sage sigai?” Haḡe ram dame be, “Uwe, gam iloe.”

Matiu 13:53

La mahavana be Jisas mwa bev haraharai avoan dalogai duluai, haḡe mwa derai ute aia vai la mwasin vanuana.

Matiu 28:19

Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga.