Matiu 13:19 - Hano Niu Testamen

¹⁹ Kera gabe ram ron̄ avoana huri be God vi vora Ratahigi lavoa ḡoro atatu duluai, take ram hav ilo te binihiva huria, ram ḡun biri be nu hovi la hala. Vui hantai vi mai, vi rais dagai hano nu gaburaiana alolora.

Matiu 13:19 Referans Kwoze

Matiu 13:38

Ute lolo ara kea haḡea sinombu gabe ram dabe God be kea Ratahigi ḡorora. Ta urute kera haḡea atat non Vui Hantai.

Hibru 2:1

Gida tav tari nonda butuana duluai alun havanau be mwa bevea lalai gida, huri be tasav sala tehe.

1 Jon 5:18

Gida tam iloe be mwa hav vora te ira nitun God gabe ram buroga tagaro. Mwasin nitun God mwa du ḡorora, i setan sihav lol te dumwira.

Matiu 4:23

Jisas mwa lago vataha vanua ririgi Kalili, mwa bagahi lol imwa tataro duluai, i mwa seserai lua Roroi Tavuha huri ute lavoa non God. I mwa lol atatu be ram haro, i rebehira ram hahantai, ram rahu mulei.

1 Jon 3:12

Gisav vora te kun Ken gabe nu wehi bamate mwasin tuana. Huri hano be mwa wehia? Bwatuna be kea nu hantai i tuana nu hantai.

Ravrava non Pol lalai ata Rom 1:28

Sinombu ran hav vinihia tehe be mwa du maragai be rav ilo mataisao mwasigi non God. I God mwa bisdagai ninira i mwa mahin̄ainira be rav haḡo nora binihiv taltale sibora i be rav lol ginau be mwa du be rasav lolia tehe.

2 Tesalonaeka 2:12

Kera n̄oto gea rav lai silo vevegi wasi, kera ram hav binihimwasigi tehe, ta ram samsamwara be ramen lol ginau lete.

Ravrava non Pol lalai ata Rom 14:17

Lol ute ratahigi non God, ginaganiana i wai mwinu varate ginau gaivua. Ginau n̄ano be nu marahi, kea be gom lol vavtutu lalai God, tamwata, i samwarana lol Vui Sabuga.

Ravrava non Pol lalai ata Rom 2:8

Ta atatu rituai ram binihi sagera. Ram barihai didi huri mwasigi i ram huri lete. God vi lai lalainira non vevegi i lolhoro.

Lalaḡova 28:23

Haḡe ram dov mahavan gubwen̄i mai Pol, i ataguna sinombu gaivua gabe tavalura ram mai lol gubwen̄i gea vai lol ute be Pol mwa dogo aia. Haḡe Pol mwa dugu halana lalainira huri rani duluai vaivotu mwa bon̄i. Mwa bevea huri rahuan gara gabe God mwa bora ratahigi ḡoro non sinombu alolona. Kea mwa dogo mwa avo alun Silo non Moses mai ira atatun vevsera huri be vi ravara rai mai gi atatu non Jisas.

Lalaḡova 20:25

“Nan vano vataha ute duluai abemiu, nam doretore huri Ute Ratahigi non God. I Kadogaha nam iloe be vwate nin kimiu sihav mom ḡita te muleiau.

Lalaḡova 18:15

Take ginau gea vigaigaiana huri avoana mai iha i nomiu silo sibomiu, kunia mwa du be kimiu sibomiu giv hara bavtutui nia. I nau siboku nasav vora te harahara huri ginau kunia!”

Lalaḡova 17:32

I ram ron̄oe be Pol mwa avo huri tomarean mulei, kunia atatu rituai ram lolia n̄an gi sovu, take atatu rituai ram bevea be, “Gam doron be gov avo alun geki mulei.”

Leo Tavuha gabe Jon nu Ravae 18:38

Haḡe Paelat mwa hudaligi be, “Havanau be mwasigi?” Kunia Paelat mwa bwihavare huri sinombu mwa bevea lalainira be, “Nam hav habwe te vahalana vwate be namen vevegia.

Leo Tavuha gabe Jon nu Ravae 8:43

Matuke gim hav ilo te ginau be nam bevea huri hano? Bwatuna haḡea be gim hav doron tehe be giv ron̄ roroi gabe nam bevea.

Leo Tavuha gabe Luk nu Ravae 10:9

giv lol barahu ira harova lol bwatutun vanua gea, i giv vevea lalai sinombu aia be, ‘Ute Ratahigi gabe God mwa bora Ratahigi Lavoa ḡoro non sinombu alolona mwa sosori gin kimiu.’

Leo Tavuha gabe Luk nu Ravae 9:2

Haḡe mwa hora luara be rav toretore huri Rahuan Gara gabe God mwa Ratahigi alolona, i be rav lol barahu ira harova.

Leo Tavuha gabe Mak nu Ravae 4:15

Atatu rituai ran ḡun biri gabe ram hovi la hala; batena gabe ram ron̄ avoana, Setan mwa mai mwa lai dagainia.

Matiu 5:37

Giv vevea be ‘Mwasigi’ sa ‘Sigai’, kunia nu dadariha. Gisav vev te avoan dolua mulei, bwatuna be avoan dodolua gea mwa mwalue nin vui hantai.

1 Jon 5:20

Tam iloe be Jisas Kraes nitun God nu mai, i nu vagahi gida gin mwasin God, i Jisas Kraes haḡea bwatuna be kadogaha tam bora bilan mwasin God gabe mwa lai rahuana vai tuai.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Matiu 12:26

Sa be Setan si hora lua Setan, kea mwa harabora muleinia sibona, i non ute si hav tu te dum.

Matiu 13:20

Take biri gabe mwa hovi lol tanogin vatu gabe tano tirigi aluna, mwa du hurira hei ram lai avoana gin samsamwara lol mahavana be ram ron̄oe.