Matiu 13:11 - Hano Niu Testamen

¹¹ Haḡe kea mwa avkorora be, “Mwa hogoi lalai kimiu be gimen ilo ginau ririhai huri Ute Lavoa atamare, take mwa hav hogoi tehe lalainira.

Matiu 13:11 Referans Kwoze

1 Korin 2:14

Atatu be Vui Sabuga sigai alolona si hav lai te dum ira hogoi be mwa mai nin Vui non God, bwatuna be ginau keragea ram bwaḡelega n̄ano lol matara.

Matiu 19:11

Take Jisas mwa bwaliura be, “Noḡu avoan vagahi uhu mwa hav dum te lalai atatu n̄oto, take lalai irahei n̄an gabe God mwa hogoinia lalainira.

Jemes 1:5

Take be ihei mwa doron mataisao vi hudali God huria. Kea nu maḡemu i samsamwara be vi laia lalai sinombu, i kea vi laia lalainigo mataisao.

1 Jon 2:27

Kraes mwa batavuhai kimiu gin Vui Sabuga! I vui mwa dogo alolomiu, i gim hav mom doron te atatu mulei be men vagahi kimiu. Vui kea nu mwasigi i mwa bagahi kimiu huri ginau duluai. I giv tu wasigi nan alun Kraes, kun gabe vui mwa bagahi kimiu be giv tu wasigi aluna.

1 Jon 2:20

Kraes mwa lol sabugainigo gin Vui Sabuga. I kadogaha kimiu duluai, gim iloe.

Matiu 16:17

Jisas mwa bwaliua be, “Saemon nitun Jon, nu tavuha maragai lalainigo! Bwatuna be mwasigi geki mwa hav mai te lalainigo nin atatu vuroi, take mwa himai rahurahu nin Tamaḡu amare.

Ifisas 1:9

tav ilo bwatuna be mwa lol taritari dahuligi. Geki havanau be God nu doronia, i nu tari halana be vi lolia sivi Kraes.

Ifisas 5:32

Ginau dahuligi geki raumatan ginau, i inau nam avo huri Kraes mai uloilua.

Ravrava non Pol lalai ata Rom 16:25

Tav uloi roroai ihan God gabe vi lol dumwigo gov wasi lol binihimwasigi garagusi gin Roroi Tavuha gabe nu vevea lalai atatu i huri roroi huri Jisas Kraes. Roroi huri Kraes kea ginau hili gabe mwa dahuliana huri taul ivusi huba ta kadogaha mwa loliana mwa iloana.

Leo Tavuha gabe Luk nu Ravae 8:10

haḡe Jisas mwa bwaliura be, “Mwa hogoi lalai kimiu be gimen ilo ginau ririhai huri rahuana gabe God vi vora Ratahigi Lavoa ḡoro atatu duluai, take lalainira dodolua, mwa mai gin avoan dalogai, huri be rav gitae take rasav gita te batoia, i rav roron̄tai take rasav ron̄ te batoia.”

1 Korin 2:7

Nam avo gin mataisao dahuligi non God gabe mwa du dahuligi radu, take kea nu gita luae huri nonda lol roroai amua mwa siv tau ureure.

Leo Tavuha gabe Jon nu Ravae 6:65

Haḡe mwa bev rahurahuinia be, “Bwatuna haḡea nan vevea lalai kimiu be ihei sihav mai te dum huriau vaivotu be Tata vi lolia vi maron̄ron̄o lalainia.”

1 Timoti 3:9

Mai binihiv melmelo mwa du be rav huri hal dahuligi alun binihimwasigi garagusi kea be God nu lolia tam iloe.

1 Korin 13:2

Nav haḡo hogoi huri avoan vasinerani. Nav ilo n̄oto ginau dauhiligi non God i iloute duluai, i noḡu binihimwasigi garagusi be nav tagara dum vusi nin tanona.

Leo Tavuha gabe Mak nu Ravae 4:11

Haḡe mwa avkarira be, “Mwa hogoi lalai kimiu be gimen ilo ginau ririhai huri rahuan gara gabe God mwa Ratahigi alolona. Take lalainira ata avare ram ron̄ ginau duluai gin avoan dalogai,

Kolosi 2:2

Nam doronia be rav muramuraga i rav bul gaituvwa lol lolotabetabe be rav rosoga lol nora iloilo. La hala n̄an gea ram ilo ute rosoga dahuligi non God, kea Kraes sibona.

Ifisas 6:19

Giv tataro huriau be nav avo, be God vi hogoi avoana be nav vev dum ute hili huri Roroi Tavuha be mataguana sigai.

1 Korin 4:7

Kun hanigi? Ihei mwa bevea be giḡo gon tavuha nin atatu dodolua? Ginau vwate mwa dogo mai kimiu be God mwa hav laia te lalai kimiu? Sigai! Huri hano gim av ravravwega huri ginau be mwa hav vora te nomwa take God mwa laia lalainigo.

1 Korin 4:1

Sinombu duluai rav gita gida kun be gida ira turin rovoga non Kraes, mwasin atatu gabe God mwa binihimwasiginira mai non mwasigi dahuligi duluai, be mwa du radu.

Leo Tavuha gabe Jon nu Ravae 7:17

Be ihei tehe mwa samsamwara be men lol doroniva non God, vi iloe be havanau nam bagahi huri mwa mai nin God, sage nam avo gin noḡu muramura siboku.

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

Ifisas 1:18

Mulei nam dataro be giv lai iloilo gaivua lol sibwenimiu huri be giv ilo binihiva huri doronhohov gabe kea nu uloi gida, i be giv iloe huria be kun hanigi nu rosoga i vatavuha non God gaivua be nu tatauleo lalai non sinombu sabuga.

Lalaḡova 16:14

I vavine vwate mwa dogo mwa roron̄tai kamai kea vavine ata Tuatira ihana Lidia. Vavine geki non silo abena i mwa salei gav memea tavtavuha maragai. Lidia geki mwa ḡogonai God, i Ratahigi mwa havan̄ non binihiva be men roron̄tai havanau gabe Pol mwa bevea.

Matiu 13:10

Haḡe roron̄tai non Jisas ram mai, ram hudalinia be, “Huri hano gom avo tagaro lalainira gin avoan dalogai?”

Matiu 20:23

Jisas mwa bevea be, “Giru vi mwin alolon noḡu laha. Take nasav vev te dumwia be ihei vi togo la mwatuaku i la mwairiku. Tanon togotogo kera gea hurira hei Tamaḡu mwa lol vatuvwainira mahaḡea hurira.”

Leo Tavuha gabe Mak nu Ravae 10:40

Take mwa hav vora te noḡu be nav vev lalai kimiru be ihei vi togo la mwatuaku i ihei vi togo la mwairiku. God mau sibona vi lai tanoi kera uhu lalai irahei gabe nu lol vatvwainira hurira.”

Ravrava non Pol lalai ata Rom 11:25

Nam doron be kimiu giv ilo tavuhai gina dauhiligi geki, ira tuaku, i kimiu giv iloe be gim hav ilo te didinini ginau n̄oto. Udun Israel ram lol bwatwasi, take kea vi leahi kebe ivusi ira Lolobon̄i rav mai aben God.