Matiu 12:24 - Hano Niu Testamen

²⁴ La mahavana be ira Varise ram ron̄oe, ram bwaliua be, “Wani uhu mwa hora lua vui hantai n̄an bwatuna Belsibal ratahigi ḡoro ira vui hantai mwa lai muramura lalainia be vi lolia.”

Matiu 12:24 Referans Kwoze

Leo Tavuha gabe Mak nu Ravae 3:22

Ira vagahin Silo ram mai nin Jerusalem ram bevea be, “Ratahigi ḡoro vui hantai mwa bulusia! Kea haḡea mwa lai muramura be men goro luara vui hantai.”

Matiu 9:34

Take ira Varise ram bevea be, “Wani geki ratahigi ḡorora vui hantai mwa lai muramura lalainia be vi hora luara vui hantai.”

Leo Tavuha gabe Luk nu Ravae 11:15

take kera rituai ram bevea be, “Kea Belsibol ratahigi ḡoro ira vui hantai, mwa lai roron̄o lalainia be vi hora luara.”

Matiu 9:32

Batena be ira tarua ramuru derai Jisas, atatu rituai ram mai mai buhi vwate vai aben Jisas. Wani gea vui hantai mwa lolia.

Matiu 10:25

Nu tavuha lalai roron̄tai be si dadariha mai non vagahi, i turin rovoga be si dadariha mai non ratahigi. Be vuigin imwa vi uloinia be Belsibal, ratahigi ḡorora vui hantai, kunia ata la imwana vi uloinira gin iha hantai liu!

Leo Tavuha gabe Luk nu Ravae 11:14

Jisas mwa hora lua vui hantai gabe mwa hav avo te dum; mahavana be vui hantai mwa bwihavare atatu mwa bavora mwa avo. I sinombu ram dan̄an̄a ginia,