Matiu 12:18 - Hano Niu Testamen

¹⁸ “God mwa bevea be, ‘Geki noḡu atatun rovoga, nam ḡita luae. Nam dabe maragainia i nam samsamwara ginia. Nav tau noḡu Vui Sabuga aluna, i vi vev lua noḡu silo vevegi lalai sinombu duluai.

Matiu 12:18 Referans Kwoze

Leo Tavuha gabe Luk nu Ravae 4:18

“Vui non Ratahigi mwa dogo aluku, bwatuna nu vurai luau be nai vev sera Roroi Tavuha lalai ira hiru. Nu horau be nai vev luae huri ribwesiva nora atat vauvauhi i huri lol i ba lol bugeri matara ira matagara, i mulei nav ribwesira ram dogo aten nora ivwalu

Lalaḡova 10:38

Nu vano vataha ute duluai mwa lol lalaḡova tavuha, i mwa barahura gabe ram dogo vauhi halaten muramura non Vui hantai, bwatuna God bul maia.

Leo Tavuha gabe Jon nu Ravae 3:34

Wani gabe God nu horae mai, mwa avo alun avoana non God, bwatuna God nu lol bamasirinia gin non Vui Sabuga.

1 Pita 2:4

Mai vai aben Ratahigi Jisas, “Vatu” be mwa dogo. Sinombu ata lol Ureure ran hav doron te vatu geki, take kea haḡea vatu be God nu gita luae, i kea nu tavuha.

2 Pita 1:17

Jisas nu ron̄ silon God, sarisari lavoa, lol taro be nu lai binihi marahi i sarisari nin God tata. Silo mwa bevea be, “Geki nituku, kebe nam dabea, i nam ron̄ mwandavuha ginia.”

Kolosi 1:13

God nu lai lua gida nin muramura ata lol ute meto, i mwa lai gida vai lol ute ratahigi non nituna.

Kolosi 1:1

Nin Pol, hala non Kraes Jisas. Inau nam bora hala bwatuna kea hano be God mwa doronia. Mulei nin Timoti, gabe tuada.

Ifisas 1:6

i mwa lai roroai lalai God bwatuna be gin non hogoi. God nu lai hogoi gea lalai gida vuroi nan kunia, alolon Kraes, atatu gabe mwa doronia.

Lalaḡova 14:27

Haḡe mahavana be ramuru botu Antiok, ramuru hara ḡoḡo sinombun uloilua duluai ute gaituvwa, i ramuru bevea lalainira huri ginau duluai gabe God nu lolia bul maira, i kun hanigi kea nu havan̄ hala huri ira Lolobon̄i be rav binihimwasigi.

Lalaḡova 11:18

Haḡe mahavana be ram ron̄oe kunia, ram hav mom avte hantai vai aluna, take ram uloi roron God ram bevea be, “I mulei be God mwa lai mahavana lalai ira Lolobon̄i tanon binihi leahi i rahuana.”

Leo Tavuha gabe Luk nu Ravae 23:35

Sinombu ram du aia ram ḡita ira tomuai non ira Jius ram sovuinia ram manuhia; ram bevea be, “Kea mwa barahu atat dodolua; tan gitae vi varahua sibona, be kea mwasigi Kraes wani vurai gabe God nu gita luae!”

Leo Tavuha gabe Luk nu Ravae 9:35

Haḡe ram ron̄ avoana lol ten lan̄ gea mwa bevea be, “Geki haḡea nituku gabe nan gita luae--giv ron̄oe!”

Leo Tavuha gabe Luk nu Ravae 3:22

i Vui Sabuga mwa hivo aluna gitanana kun manbona. I silo mwa himai nin amare, mwa bevea be, “Giḡo Nituku gabe nam dabego i nam doron maragainigo.”

Leo Tavuha gabe Mak nu Ravae 9:7

Mahavana be mwa avo radu tenlan̄i mwa haravuinira, haḡe silo mwa mai lol tenlan̄i mwa bevea be, “Geki mwasin Nituku gabe nam dabea giv ron̄oe!”

Leo Tavuha gabe Mak nu Ravae 1:11

I silo mwa himai nin ute atamare mwa bevea be, “Giḡo mwasin nituku, nam samsamwara ginigo.”

Matiu 17:5

La mahavana be mwa avo radu na Pita, tenlan̄ gigita mwa haravuinira. Haḡe ram ron̄ avoana lol ten lan̄i gea mwa bevea be, “Geki haḡea Nituku gabe nam dabea i nam ron̄ mwandavuha ginia. Giv ron̄oe.”

Matiu 12:17

Ginau geki mwa lol seserai avoana non atatun vevsera Aesaia be nu vevea tuai be: