Matiu 11:5 - Hano Niu Testamen

⁵ Ira matagara ram ḡita dum ute, ira luḡu ram lago, ira leba ram melmelo mulei, ira bwerovono ram ron̄ dum ute, ira atatmate ram domare mulei, haḡe ira hiru ram ron̄ toretore huri Roroi Tavuha.

Matiu 11:5 Referans Kwoze

Leo Tavuha gabe Luk nu Ravae 4:18

“Vui non Ratahigi mwa dogo aluku, bwatuna nu vurai luau be nai vev sera Roroi Tavuha lalai ira hiru. Nu horau be nai vev luae huri ribwesiva nora atat vauvauhi i huri lol i ba lol bugeri matara ira matagara, i mulei nav ribwesira ram dogo aten nora ivwalu

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

Matiu 21:14

Ira matagara i kera gabe bwalagera ran hantai ram mai vai aben Jisas lol Imwa Tataro, i mwa lol barahura.

Leo Tavuha gabe Jon nu Ravae 10:38

Take be nam lol dumwira, son̄o be gim hav vinihi te mwasigiau, mwa du be giv binihimwasigi noḡu lalaḡova, huribe gimen ilo vatuvwainia vai tuai be Tata mwa dogo aloloku i inau nam dogo lol Tata.”

Leo Tavuha gabe Jon nu Ravae 10:25

Jisas mwa bwaliura mwa bevea be, “Nan vevea huba lalai kimiu, take gim hav vinihi te mwasigiau. Lalaḡova duluai gabe nam lolia lol ihan Tata ram bev seserainia huriau.

Leo Tavuha gabe Jon nu Ravae 5:36

Take inau gaituraku abena be non avoana nu muramura liu nin avoana non Jon be nu laia. Vataha lalaḡova be Tamaḡu nu laira lalaiau be nav lolira, kera haḡea ram bora gaituraku i ram dovon̄ainia haḡea be tata nu horau.

Leo Tavuha gabe Jon nu Ravae 3:2

La mahavan bon̄i vwate mwa ban vai aben Jisas i mwa bevea lalainia be, “Vagahi gam iloe be giḡo vagahi gabe God nu horago mai. Ihei si hav lol te dum ginau dan̄an̄a gabe gom lolira be God mwa hav to te maia.”

Leo Tavuha gabe Jon nu Ravae 2:23

Batena be Jisas mwa dogo Jerusalem lol Samsamwaran Halbisḡalau, kera ivusi ran vinihi mwasiginia batena ran gita ginau dan̄an̄a be nu lolira.

Leo Tavuha gabe Mak nu Ravae 9:25

Jisas mwa ḡitae be sinombu gaivua mwa mai sosorira, i mwa avo wasi lalai vui hantai mwa bevea be, “Vuin bwerovono i buhi nam bevea lalainigo be, gov mwalue nin naturigi i gosav mom haroro te alolona mulei!”

Leo Tavuha gabe Mak nu Ravae 7:37

Kera gabe ran ron̄oe ram dan̄an̄a maragai ram bevea be, “Ginau duluai mwa lolira ran tavuha, vaivotu be ira bwero vono ram ron̄ ute mulei i kera gabe ram hav avo te dumwi ram avo mulei!”

Matiu 10:8

Giv lol barahu ira harova, giv lol domare ira atatmate, giv lol melmeloinira lepa mwa dumwira, i giv hora dagai vui hantai. Roron̄o gim laia gi tabeana, giv lalaḡoinia gi tabeana.

Matiu 9:30

Kadogaha matara mwa mata vugeri mulei i ramuru ḡita ute. Jisas mwa bisigai waswasigi ginira, mwa bevea be, “Giru si hav seserai te ginau geki lalai atatu dodolua.”

Matiu 5:3

Mwa bevea be, “Irahei be ram lin̄ rosora hurin nora doroniva, kera haḡea rav ron̄ mwandavuha, huri be kera haḡea Ute Lavoa atamare vi vora nora!

Lalaḡova 2:22

“Kimiu ira Jius, giv roron̄tai avoana geki! Jisas ata Nasaret, kea atatu gabe God nu lol seserainia lalai kimiu huba be kea sibona nu horae. God nu lol seserai ginau geki gin tagaro i dovon̄a i ginau dan̄an̄a gea be God nu lai muramura lalainia be vi lolia lalai kimiu.

Matiu 11:4

Haḡe Jisas mwa bwaliura be, “Giv tabagilu ba bevea lalai Jon havanau gabe gim ron̄oe i havanau gabe gim ḡitae.

Matiu 12:13

Haḡe Jisas mwa bevea aben wani gea be, “Sogai lua limwamwa.” Haḡe mwa sogai limana, i mwa davuha mulei kun vwate.

Leo Tavuha gabe Jon nu Ravae 9:7

i mwa bevea lalainia be, “Van ba bwaga matamwa lol waitogo Sailom.” (Iha geki binihiva be “Horae”.) Haḡe kea mwa bano, mwa bwaga lolmatana, i mwa dabagilu mwa ḡita ute.