Matiu 11:18 - Hano Niu Testamen

¹⁸ La mahavana be Jon nu mai, nu garagara vwavwa, i nu hav mwin te waen. Take sinombu ram bevea be vui hantai alolona.

Matiu 11:18 Referans Kwoze

Leo Tavuha gabe Luk nu Ravae 1:15

Huri vi vora lavoa la lolmatan ratahigi. Sihav mwin te waen sa wai wasi. Take vi masiri gin vui sabuga la mahavana kea radu lol sibwen̄in ratahina,

Matiu 3:4

Jon nu sagasagai vinun kamel, gaona vinun buluki. Nu vora gan ginau gagalu mai ginau mwa uloinia be hani be sukabak mwa daua.

Leo Tavuha gabe Jon nu Ravae 10:20

Haḡe kera ivusi ram bevea be, “Mwa dogo mai vui hantai! Kea mwa daltale! Hurihano gim roron̄tainia?”

Leo Tavuha gabe Jon nu Ravae 8:48

Haḡe ram hudali Jisas ram bevea be, “Matuke gam hav vev te mwasigi gea batena gam bevea be giḡo ata Samaria vwate i vui hantai alolomwa?”

Leo Tavuha gabe Jon nu Ravae 7:20

Haḡe sinombu ram bwaliua ram bevea be, “Tomuai non ira vui hantai alolomwa! Ihei mwa lol ron̄oe be men wehigo?”

Matiu 10:25

Nu tavuha lalai roron̄tai be si dadariha mai non vagahi, i turin rovoga be si dadariha mai non ratahigi. Be vuigin imwa vi uloinia be Belsibal, ratahigi ḡorora vui hantai, kunia ata la imwana vi uloinira gin iha hantai liu!

1 Korin 9:27

Nam lol vatuvwai rebehiku i nam lolia gi noḡu turi. Inau nam uloi atatu n̄oto huri rovoana geki. Bwatuna gea nas sav lin̄ te atatu vwate be vi rav luae nin rovoana geki.

Lalaḡova 26:24

Haḡe mahavana be Pol mwa avo huria sibona kun geki, Vestas mwa haharigi aluna mwa bevea be, “Giḡo taltaleana, Pol! Nom hiḡehiḡe huri iloute gaivua mwa loligo gom daltale!”

Matiu 9:34

Take ira Varise ram bevea be, “Wani geki ratahigi ḡorora vui hantai mwa lai muramura lalainia be vi hora luara vui hantai.”

Matiu 11:17

‘Gam uv buabava huri lagiana, take gim hav savwogoro tehe. I gam lol iboin tavtavigi, take gim hav dei tehe!’

Leo Tavuha gabe Mak nu Ravae 3:22

Ira vagahin Silo ram mai nin Jerusalem ram bevea be, “Ratahigi ḡoro vui hantai mwa bulusia! Kea haḡea mwa lai muramura be men goro luara vui hantai.”

Leo Tavuha gabe Jon nu Ravae 8:52

Haḡe ram bevea lalainia be, “Kadogaha gam iloe mwasigi be vui hantai alolomwa! Ebraham nu mate, i ira atatun vevsera ran mate, take gom bev raduinia be, ihei tehe mwa dabe nom silo vagahi sihav mate tehe.