Leo Tavuha gabe Luk nu Ravae 4:34 - Hano Niu Testamen

³⁴ “Ee! gom doron havanau mai kamai, Jisas ata Nasaret? Matu gom mai teti be gomen lol kaburai kamai? Nam ilogo; be giḡo horata sabuga non God!”

Leo Tavuha gabe Luk nu Ravae 4:34 Referans Kwoze

Jemes 2:19

Gom binihimwasigi be God gaituvwa. Nu tavuha! Atmate ram binihimwasigi be God gaituvwa, i kera ram birururu i ram matagu.

Leo Tavuha gabe Mak nu Ravae 1:24

“Gom doron havanau nin kamai, Jisas ata Nasaret? Matu gom mai teti be gomen lol kaburai kamai, nam ilogo be giḡo ihei, giḡo Horata Sabuga non God.”

Matiu 8:29

Batena ramuru ḡita Jisas, ramuru haharigi darihou be, “Havanau gom doronia nin kamai, Nitun God? Gom mai daga be gomen lol ḡagaras susuvwai kamai?”

Lalaḡova 3:14

Kea nu sabuga i nu vavtutu, take gim bev dagarae, vuvuri gim hudali Paelat be vi ribwes hantain lalaḡo lalai kimiu.

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.

Leo Tavuha gabe Luk nu Ravae 4:41

Kunia mulei vui hantai ram mwalue nin sinombu ivusi ram haharigi ram bevea be, “Giḡo haḡea Nitun God!” Haḡe mwa borotai ira vui hantai be rasav avo tehe bwatuna ram iloe be kea haḡea mwasigi Kraes.

Leo Tavuha gabe Luk nu Ravae 1:35

Take enjel mwa bwaliua be, “Vui Sabuga vi himai alumwa, i roron̄o non God vi malugo; bwatuna kea vi uloi naturigi vi vora abemwa be naturigi sabuga vi uloiana be Nitun God.

Visirai 20:2

Kea gabe drakon ata tuai gea, be mwa iloana mulei be atmate mai Setan.

1 Jon 3:8

Atatu gabe ram buroga ḡaoḡao, kera nitun setan. Setan nu vuroga la bwativuna, take Nitun God nu mai be men lol kaburai Lalagova non setan.

Hibru 2:14

Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

Lalaḡova 16:39

Haḡe ram bano ram bev nora avoan hahagavi lalainira; i ram lai luara nin imwa vauvauhi, i kunia ramuru hudalinira be raru vi mwalue nin bwatutun vanua.

Lalaḡova 4:27

Bwatuna mwasigi be Herod mai Pontus Paelat ramuru ḡoḡo bulbulu ute gaituvwa lol bwatutun vanua mai ira Lolobon̄i i ira sinombu ira Jius be rai bwalo mai Jisas, nom atatun rovoga Sabuga, gabe gim lolia Wani Vurai.

Lalaḡova 2:27

bwatuna be gosav derai te dum atmateku vi togo lol ureure nin ira atat mate; i gosav lin̄ te dum nom atatun rovoga binihimwasigi be rav boboga lol bwaru.”

Leo Tavuha gabe Luk nu Ravae 8:37

Haḡe sinombu duluai lol vanua kera gea ram hudali Jisas be vi vis dagai bwatuna kera ram matagu maragai. I Jisas mwa ḡalo mulei la waḡa i mwa ban dagai.

Leo Tavuha gabe Luk nu Ravae 8:28

Haḡe mahavana gabe mwa ḡita Jisas mwa haharigi amare i mwa hovi hurinia, mwa bevea gin silo gaivua be, “Jisas Nitun God Holomare Hae! Havanau gom doronia niniau? Nam navohigo be, gosav lol te ḡagarasiau!”

Leo Tavuha gabe Mak nu Ravae 5:7

mwa haharigi gin silo gaivua mwa bevea be, “Jisas Nitun God Holomare Hae! Gom doron be gov lol hano maiau? La ihan God, nam hudalinigo be gosav vevegiau tehe!”

Leo Tavuha gabe Mak nu Ravae 1:34

Haḡe Jisas mwa barahura gabe ram haro gin lalan̄an harova, i mwa ḡoro lua vui hantai ivusi, mwa hav mahin̄ai te ira vui hantai be rav vev te hano, bwatuna ram iloe be kea ihei.

Leo Tavuha gabe Luk nu Ravae 4:33

Haḡe atatu vwate lol imwa tataro vui hantai nu lolia; mwa haharigi gin silo gaivua, mwa bevea be,