Leo Tavuha gabe Luk nu Ravae 4:18 - Hano Niu Testamen

¹⁸ “Vui non Ratahigi mwa dogo aluku, bwatuna nu vurai luau be nai vev sera Roroi Tavuha lalai ira hiru. Nu horau be nai vev luae huri ribwesiva nora atat vauvauhi i huri lol i ba lol bugeri matara ira matagara, i mulei nav ribwesira ram dogo aten nora ivwalu

Leo Tavuha gabe Luk nu Ravae 4:18 Referans Kwoze

Matiu 11:5

Ira matagara ram ḡita dum ute, ira luḡu ram lago, ira leba ram melmelo mulei, ira bwerovono ram ron̄ dum ute, ira atatmate ram domare mulei, haḡe ira hiru ram ron̄ toretore huri Roroi Tavuha.

Lalaḡova 10:38

Nu vano vataha ute duluai mwa lol lalaḡova tavuha, i mwa barahura gabe ram dogo vauhi halaten muramura non Vui hantai, bwatuna God bul maia.

Leo Tavuha gabe Luk nu Ravae 7:22

Haḡe kea mwa bwaliura ira horata non Jon be, “Giv tabagilu ba bevea lalai Jon havanau gabe gin ḡitae i gin ron̄oe: ira matagara ram ḡita dum ute, ira luḡu ram lago, ira lepa ram melmelo mulei, ira bwerovono ram ron̄ dum ute ira atatmate ram domare mulei, haḡe ira hiru ram ron̄ toretore huri Roroi Tavuha.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Leo Tavuha gabe Jon nu Ravae 12:46

Nam mai lol ureure kun gabe gigita, huribe atatu duluai gabe ram binihimwasigiau rasav togo tehe lol ute meto.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

Kolosi 1:13

God nu lai lua gida nin muramura ata lol ute meto, i mwa lai gida vai lol ute ratahigi non nituna.

Matiu 4:16

Kera gabe ram dogo radu lol ute meto rav gita dum gigita gaivua. Irahei gabe ram dogo la vanuan mateana, kera rav gita.”

Matiu 5:3

Mwa bevea be, “Irahei be ram lin̄ rosora hurin nora doroniva, kera haḡea rav ron̄ mwandavuha, huri be kera haḡea Ute Lavoa atamare vi vora nora!

Leo Tavuha gabe Luk nu Ravae 6:20

Haḡe Jisas mwa ḡarere mwa ḡitara non roron̄tai mwa bevea be: “Kimiu ira hiru, giv ron̄ mwandavuha; huri be kimiu haḡea giv uloi God be nomiu Ratahigi!”

Jemes 2:5

Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

Leo Tavuha gabe Jon nu Ravae 3:34

Wani gabe God nu horae mai, mwa avo alun avoana non God, bwatuna God nu lol bamasirinia gin non Vui Sabuga.

Leo Tavuha gabe Jon nu Ravae 1:41

Haḡe mwa habwe darihou tuana Saemon mwa bevea lalainia be, “Gan habwe Mesaea.” (Avoana geki binihiva be, “Kraes.”)

Matiu 12:20

Si hav lol te n̄andu ariu lete, i si hav uv te bamate bulu be mwa abena be men mate. Vi lol rovoga kolo nan kunia vai votu vavtutu vi rihumaragai.

Lalaḡova 4:27

Bwatuna mwasigi be Herod mai Pontus Paelat ramuru ḡoḡo bulbulu ute gaituvwa lol bwatutun vanua mai ira Lolobon̄i i ira sinombu ira Jius be rai bwalo mai Jisas, nom atatun rovoga Sabuga, gabe gim lolia Wani Vurai.

Matiu 12:18

“God mwa bevea be, ‘Geki noḡu atatun rovoga, nam ḡita luae. Nam dabe maragainia i nam samsamwara ginia. Nav tau noḡu Vui Sabuga aluna, i vi vev lua noḡu silo vevegi lalai sinombu duluai.

Leo Tavuha gabe Luk nu Ravae 4:17

i ram hagai lalainia buka non Aesaia atatun vevsera. Kea mwa bugeria i mwa habwe ute nu ravae be,

Lalaḡova 4:26

Haḡe ira ratahigi lavoa ata lol ureure ram lol vatuvwainira sibora, i ira lavoa ram ḡoḡo bulbulu be rav bwalo mai Ratahigi i Wani Vurai nona.