Leo Tavuha gabe Luk nu Ravae 3:1 - Hano Niu Testamen

¹ La mahavan taulu han̄vul domwan gailima batena lavoa Taeberias nu Ratahigi; Pontus Paelat nu vora tomuai vevev Judia, Herod nu lavoa Kalili, i tuana Vilip nu lavoa Ituria i Trakonaetas; Lisanias nu lavoa Abilini, i Pontus Paelat

Leo Tavuha gabe Luk nu Ravae 3:1 Referans Kwoze

Leo Tavuha gabe Luk nu Ravae 2:1

Lol mahavan gea Akustus Ratahigi lavoa ata Rom mwa dau avoana be sinombu duluai halaten non silo vevev lol ureure, be rav bilin̄ai ihara.

Matiu 27:2

Haḡe ram haḡo batugehia, ram bauhia gin gao talai i ram lagoi dagainia, ram lin̄ia lalai Tomuai Vevev Paelat.

Lalaḡova 26:30

La mahavana gea Lavoa gea mai tomuai ata lol Kavman, mai Benis mai atatu dodolua mulei be ran tu, ram domare,

Lalaḡova 24:27

Haḡe taulu gairua mwa nogo mahavana be Vilikis mwa nogoi doren non taulu lol tanon Tomuai vevev, kea mwa dau Pol mwa do lol imwa vauvauhi. Bwatuna be mwa doron be men lol ira Jius be ramen ron̄ mwa davuha ginia. I kadogaha Posias mai Vestas ramuru lai tanona.

Lalaḡova 23:26

“Inau Klodias Lisias, nam rav ravrava lalainigo Tomuai vevev Vilikis: gin samwarana gaivua.

Lalaḡova 4:27

Bwatuna mwasigi be Herod mai Pontus Paelat ramuru ḡoḡo bulbulu ute gaituvwa lol bwatutun vanua mai ira Lolobon̄i i ira sinombu ira Jius be rai bwalo mai Jisas, nom atatun rovoga Sabuga, gabe gim lolia Wani Vurai.

Leo Tavuha gabe Luk nu Ravae 23:24

Paelat mwa lolia haḡea lalai Jisas kun gabe ram hudalinia.

Leo Tavuha gabe Luk nu Ravae 9:7

Haḡe Herod kea lavoa Kalili, mwa ron̄ ginau duluai gabe mwa loli, binihina mwa n̄ala huria, bwatuna atatu rituai ram bevea be, Jon Garuhisabuga nu tomare mulei nin mateana.

Leo Tavuha gabe Luk nu Ravae 3:19

Ram dau Jon Garuhisabuga lol imwa vauvauhi huri be Jon mwa hul bagahi lavoa Herod bwatuna Herod nu lai Herodias tasalan tuana i huri tavalten ginau ivusi be Herod nu lolira.

Leo Tavuha gabe Mak nu Ravae 6:17

Herod haḡea sibona nu vevea be rav haḡo batugehi Jon ba bauhia ba daua lol imwa vauvauhi. Herod nu lol ute kunia bwatuna Herodias, gabe nu laia gi tasalana, kea tasalan tuana Vilip.

Matiu 14:3

Tuan Herod vwate ihana Vilip. Vilip mwa lagi mai vavine vwate ihana Herodias. Borabe vain̄ava lavoa Herod mwa surai vavine gea, mwa bora tasalana. Haḡe Jon mwa ḡitae, mwa bevea lalai Herod be, “Ginau gea gom lolia nu hav vavtutu tehe be gom surai tasalan tuamwa.” Bwatuna ute uhu Herod mwa hora non atatu be rav haḡo batugehi Jon, ba bauhia ba daua lol imwa vauvauhi.

Matiu 14:1

La mahavana gea roroi huri Jisas mwa botu aben lavoa Herod.

Matiu 14:6

Haḡe gubwen̄ vorana non Herod mwa bulbulu. La mahavana gea nitun Herodias mwa savwogoro lol matara sinombu ram ḡoḡo aia. Herod mwa ḡitae, mwa samsamwara huria.

Matiu 22:17

Goi vevea lalai kamai, gom binihi haninia? Nu vahala hurin nonda Silo be tai vol takis lalai Ratahigi lavoa ata Rom sa sigai?”

Leo Tavuha gabe Mak nu Ravae 6:21

Geki gaha mahavana tavuha lalai Herodias. Batena be gubwen̄in vorana non Herod mwa bulbulu, Herod mwa lol ginaganiana gaivua, mwa ware ira lalavoa ata lol Kavman mai ira lavoa ḡoro atatun bwaloana mai ira lavoa ata lol vanua Kalili.

Leo Tavuha gabe Luk nu Ravae 13:31

La mahavan n̄an gea ira Varise rituai ram mai vai aben Jisas i ram bevea lalainia be “Gov van dagai nin ute geki vai la ute dolua bwatuna be Herod mwa doron be men wehi bamatego.”