Leo Tavuha gabe Luk nu Ravae 24:47 - Hano Niu Testamen

⁴⁷ i lol ihana roroi huri binihi leahi, i tugu kaburai vuro vi toretore huria vataha vanua duluai vi tau bwatuna Jerusalem.

Leo Tavuha gabe Luk nu Ravae 24:47 Referans Kwoze

Lalaḡova 5:31

God nu lol domareinia vai la mwatuana kun gabe Tomuai i Varahu, be vi lai lalai sinombu ira Jius mahin̄ana huri tanon binihi leahi i, vi tugu kaburai vurora.

Lalaḡova 2:38

Haḡe Pita mwa bwaliura mwa bevea lalainira be, “Vatvataha atatu nin kimiu duluai vi vinihi leahi nin vurona duluai i vi lai garuhisabuga lol ihan Jisas Kraes Wani Vurai, huri be vuromiu duluai vi binihi kaburaiana, i giv lai hogoi non God, Vui Sabuga.

Lalaḡova 20:21

Lalai ira Jius mai ira Lolobon̄i be rav van burigai nin vurora lalai God i rav binihimwasigi alun nonda Ratahigi Jisas.

Lalaḡova 13:46

Take Pol mai Banabas ramuru av lua i nora avoana mwa wasi liu i ramuru bevea be, “Mwa du maragai be garu vi seserai avoana non God muana lalai kimiu. Take bwatuna be gim bevea sibomiu be gin hav dadariha tehe be giv haroro lol rahuana vai tuai, i gav derai kimiu i gai vai vano vai alolon nira Lolobon̄i.

Matiu 28:19

Bwatuna gea, giv van vai lol sinombu duluai vataha ute, i giv lolira gi noḡu roron̄tai. Giv garuhisabugainira vai lol ihan Tata i Nitui i Vui Sabuga.

Lalaḡova 11:18

Haḡe mahavana be ram ron̄oe kunia, ram hav mom avte hantai vai aluna, take ram uloi roron God ram bevea be, “I mulei be God mwa lai mahavana lalai ira Lolobon̄i tanon binihi leahi i rahuana.”

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Matiu 3:2

mwa bevea be, “Kimiu duluai giv binihileahi huri vuromiu, bwatuna be Ute Lavoa atamare mwa sosori.”

1 Jon 2:12

Ira nituku, nam ravae geki lalai kimiu, bwatuna be vuromiu nu binihi kaburainia la ihan Kraes.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

Lalaḡova 10:43

Haḡe ira atatun vevsera duluai ran vevea huria be, atatu duluai be ram binihimwasigi aluna vi binihi kaburai vurora alun muramura lol ihana.”

Lalaḡova 4:12

Vi habweana na varahuva sivinia n̄an gaituvwa i lol ureure duluai atatu vwat mulei sigai gabe God nu horae be vi varahu dum gida.”

Lalaḡova 3:19

Nu vevea be giv binihi leahi i giv tabagilu huri God, huri be vi binihi kaburai vuromiu. Be giv lolia kunia,

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Ifisas 1:6

i mwa lai roroai lalai God bwatuna be gin non hogoi. God nu lai hogoi gea lalai gida vuroi nan kunia, alolon Kraes, atatu gabe mwa doronia.

Ravrava non Pol lalai ata Rom 5:20

Silo mwa mai be vi lol vuro vi liu; take la mahavana be vuro mwa mauri mwa liu, hogoi non God mwa ḡaivuaga.

Lalaḡova 28:28

Haḡe Pol mwa bev nogonogoinia be: “Kimiu giv iloe be roroi non God huri varahuva be nu horae huri ira Lolobon̄i. Kera rav roron̄tai!”

Lalaḡova 26:20

Muana Damaskas mai Jerusalem i la vanua Judia duluai mai ira Lolobon̄i, nan toretore be rav binihi leahi nin vurora i rav tabagilu huri God i rav lol ginau be vi gigilainia be rav vinihi leahi.

Leo Tavuha gabe Luk nu Ravae 13:34

“O Jerusalem, Jerusalem gon wehi bamate ira atatun vevsera, gon voha bamate ira horata be God nu horara lalainigo! Vaivusi nan doron be namen tau limaḡu dalis nom sinombu kun toa vavine be mwa ov ira nituna aten gabauna, take gim hav doroni tehe.

Matiu 9:13

Take giv vano ba hiḡe binihiva ata lol Ravrava Sabuga non God geki, nu vevea be, ‘Inau nam hav doron tehe be giv gogonaiau gin tataroi tuntun, take gin tabeana.’ Inau nam hav mai tehe be nav uloi ira vavtutu, take ira vev duli.”