Leo Tavuha gabe Luk nu Ravae 24:39 - Hano Niu Testamen

³⁹ Gin gita limaḡu mai bwalageku, i gin gitae be inau siboku. Gin sibweriau, gitae, bwatuna be vui vigohona mai huina sigai kunia gabe gim ḡitau mai rebehiku.”

Leo Tavuha gabe Luk nu Ravae 24:39 Referans Kwoze

Leo Tavuha gabe Jon nu Ravae 20:27

Haḡe mwa bevea lalai Tomas be, “Tau bihumwa teti, i gita limaḡu; vuvuri gov hagai lua limwamwa ba sogainia lol ḡaḡauku. Gov lin̄ nom binihiv gairuruai, ba binihimwasigi!”

1 Jon 1:1

Nomai roroi geki gam ravae lalai kimiu huri roroi huri rahuana, avoan mataisao. Avoana non God lalai kimiu mahavana be ureure sigai radu. Take avoan Mataisao non God gea nu togo huba. Bweromai nu ron̄oe i matamai nu gitae, i limamai nu sibweri avoana geki.

Leo Tavuha gabe Jon nu Ravae 20:20

Ataguna be mwa bev avoana geki, mwa bagahira gin limana i ḡaḡauna. Ira roron̄tai ram masiri gin samwarana huri be ram ḡita Ratahigi.

1 Tesalonaeka 5:23

Kadogaha nam dataro be God sibona, God huri tamwata, vi lol kimiu giv melmelo giv vora huria n̄ano. Nam dataro be rahumiu duluai lol Vui, atmatemiu, i rebehimiu vi to rahurahu i vahalana sigai batena be nonda Ratahigi Jisas Kraes vi mai.

Hibru 12:9

Hurin alen̄anda atatu, ira tamanda ram lai silo vevegi lalai gida, i gida tam bavora tam binihi marahinira huria. Take kunhanigi huri tamanda be mwa dogo amare? Gida tav vinihi marahinia i tav gogonainia liu ninia be tam ḡogonai tamanda ata lol ureure geki, i kunia gida tav lai rahuana.

Leo Tavuha gabe Jon nu Ravae 20:25

Haḡe ira roron̄tai rituai ram bevea lalainia be, “Gan gita Ratahigi!” Tomas mwa bevea lalainira be, “Nasav vinihi te mwasigi vaivotu be nav gita halan duru lol limana i nav sogai bwaruruguku la halan sari lol ḡaḡauna.”

Lalaḡova 1:3

Huri gubwen̄ n̄avul gaivasi atagun mateanana mwa lol bisirainia sibona vaivusi, la hala gabe mwa dovon̄ainia huri mwasigi alun binihiv lalan̄a be kea nu rahu mulei i kera ran gitae, mwa avo lalainira huri rahuan gara gabe God mwa bora Ratahigi alolona.

Leo Tavuha gabe Luk nu Ravae 23:46

Jisas mwa haharigi amare gin silo gaivua mwa bevea be, “Tata! Nam lin̄ atmateku lol limwamwa!” Jisas mwa bev vuvuria kun geki, mwa mate.

Leo Tavuha gabe Luk nu Ravae 24:38

Take mwa bevea lalainira be, “Huri hano gim matagu maragai? Huri hano gim binihi gairuruai kungeki lol binihimiu?

Leo Tavuha gabe Luk nu Ravae 24:40

Mwa bevea vuvuri mwa bagahira gin limana i bwalagena.