Leo Tavuha gabe Luk nu Ravae 21:36 - Hano Niu Testamen

³⁶ Giv mamata i giv tataro tagaro be rahumiu vi wasi be gimen van sivigi dum dagai nin ginau kera uhu gabe rav loli, i be giv tu dum la lolmatan Nitun Atatu.”

Leo Tavuha gabe Luk nu Ravae 21:36 Referans Kwoze

1 Jon 2:28

Ira nituku, giv tu wasigi alun Kraes i mahavana be kea vi tabagilu, tav tu wasigi i tasav mom hili tehe mai nonda busbusiana.

1 Pita 5:8

Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

Matiu 25:13

Haḡe Jisas mwa bev nogonogoinia be, “Kimiu giv mamata, bwatuna be gim hav ilo te gubwen̄i mai mahavan alo be ginau kera geki rav loli alolona.

Matiu 24:42

“Giv gitaḡoro, bwatuna gim hav ilo te gubwen̄i be nomiu Ratahigi vi mai alolona.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

1 Korin 16:13

Giv mamata, giv tu wasigi lol nomiu binihimwasigi garagusi vi haḡo doronhohov, i giv tu wasi.

Leo Tavuha gabe Luk nu Ravae 18:1

Haḡe Jisas mwa bev avoan dalogai geki lalainira non roron̄tai be men vagahira be rav tataro tagaro huri be rasav mandamanda tehe.

Leo Tavuha gabe Mak nu Ravae 13:33

Giv mamata, giv lol dautau, bwatuna gim hav iloe te huri mahavana gabe vi mai.

Ravrava nin Jud 1:24

Lalainigo be vi gitaḡorogo be gosav hovi tehe i vi lai lalainigo rahuan melmelo be vahalana sigai mai samwarana lol non sarisari,

Matiu 26:41

Giv mamata ba dataro, bere gim hovi lol kalkaliana. Binihiva mwa rihumaragai, take vihogoi nu mandamanda.”

1 Tesalonaeka 5:17

Giv tataro ḡaoḡao,

Leo Tavuha gabe Mak nu Ravae 13:37

Havanau gabe nam bevea lalai kimiu, nam bevea lalai atatu duluai be: Giv mamata!”

2 Timoti 4:5

Take giḡo gov togonainigo sibomwa vataha taro duluai. Dame ḡoro taro ririhai duluai. Gov lol rovoga be, gov toretore huri Leo Tavuha, i lol haraharai rovoga duluai be non atatun rovoga non God.

Kolosi 4:2

Giv tu rahurahu lol nomiu tataro, giv mamata, i giv avkari God.

Lalaḡova 10:2

Kea atat vavtutu vwate i kea mai tasalana i ira nituna ram ḡogonai God. Kea mulei mwa bului maragai ira hiru ira Jius i mwa dataro vataha mahavana lalai God.

Leo Tavuha gabe Luk nu Ravae 20:35

take ira atamwani mai vavine gabe ran dadariha be rav tomare mulei nin mateana be rav rahu lol rahuana vi mai rasav lagi tehe.

Matiu 8:20

Haḡe Jisas mwa bwaliua be, “Vwiriu turu malan̄ara abena, i manu mulei inogira abena. Itake inau Nitun Atatu tanoḡu nu sigai huri maturuva sa mabuana.”

Matiu 24:43

Giv gitae geki. Be vuigin imwa mwa ilo mahavana be atat surasura vi mai, kunia vi mamata ḡoroe, i vi hav lin̄ te atat surasura be vi laḡe imwana.

Matiu 24:44

Bwatuna gea, giv lol vatuvwai kimiu tagaro, bwatuna be inau Nitun Atatu nav mai lol mahavana be gim hav iloe tehe.

Leo Tavuha gabe Luk nu Ravae 1:19

“Inau uhu Kebrol. Nam du la lolmatan God, i mwa horau mai be namen avo maigo ba bev sera Roroi Tavuha geki lalainigo.

Leo Tavuha gabe Luk nu Ravae 21:35

kun vidi. Huri be vi lol sinombu lol ureure duluai.

2 Korin 4:14

God nu ragas Ratahigi Jisas nin mateana, i gam iloe mulei be God vi ragas kamai mulei mai Jisas. God vi lai kamai ute gaituvwa mai kimiu, i gida duluai tav tu lolmatana.

Visirai 6:17

Gubwen̄ hantai huri nora lol horo teti kadogaha, i ihei haḡea vi bwalo dum ḡoroe?”.

Visirai 7:9

Atagun ginau geki nam ḡarere i nam ḡita dum tatan̄an sinombu be atatu vwate sihav vului te dum sinombu duluai! Kera nin vataha lalan̄an atatu be gulira dodolua, i vanua i varan sinombu, i avoana, i ram du la lolmatan tanon togotogon ratahigi mai nitui sipsip, ram sagasagai gaisaga maita, i rauniuniu la limara.

Visirai 8:2

I nam ḡita ira enjel gaibitu gabe ram du la lolmatan God, i ram haḡo taiva gaibitu.

Visirai 11:4

Ira gaitura gairua gea kun gabe bwatun gai oliv gairua, i gaihaḡon bulu gabe ramuru du la lolmatan Ratahigi ḡoro ureure.