Leo Tavuha gabe Luk nu Ravae 2:9 - Hano Niu Testamen

⁹ Haḡe enjel non Ratahigi mwa bisirai abera, i sarisarin Ratahigi mwa ḡigita dalisira. I ram matagu maragai,

Leo Tavuha gabe Luk nu Ravae 2:9 Referans Kwoze

2 Korin 3:18

Lol matada, mwa hav mom ḡagavuan te ḡoro. Gida duluai tam seserai dum sarisarin God, i tam leahi be tai mai kunia. Leahi geki be mwa mai aluda mwa lai sarisari gaivua, be mwa mai nin God, be kea Vui Sabuga.

Visirai 18:1

I nan gita enjel vwate mulei mwa himai nin amare. Geki non muramura gaivua, i ureure mwa ḡigita, bwatuna be sarisarina.

Lalaḡova 27:23

Bwatuna be kahabon̄i enjel non God be nu horau i nam ḡogonai nia nu visirai abeku,

Lalaḡova 5:19

Take baten gea bon̄i, enjel non Ratahigi mwa havan̄ gatavan imwa vauvauhi, mwa domuai bwihavarei ira hala, mwa bevea lalainira be, “Gin van lol Imwa Tataro gaivua ba bevea lalai sinombu duluai huri rahuan gara.”

Leo Tavuha gabe Jon nu Ravae 12:41

Aesaia nu vev ginau geki bwatuna nu gita sarisarin Jisas i nu avo huria.

Leo Tavuha gabe Luk nu Ravae 24:4

Ha kera ram du aia ram hav lai te dum binihiva huri ginau geki, haḡe darihou n̄an atatu gairua gaisagara ran abwaga ramuru du abera.

Visirai 20:11

Nam ḡita tanon togotogo maita kun gabe tanon togotogon ratahigi i atatu vwate mwa dogo aluna. Haḡe ureure mai mahao ramuru lol ron̄oe be raru vi rov maragai, take ute vwat sigai mulei be raru vi hili aia.

Hibru 12:21

I mahavana be Moses mwa gitae kunia mulei mwa ron̄ mwahantai maragai, i mwa bevea be, “Inau nam matagu maragai, i nam birururu huria.”

1 Timoti 3:16

Tanon binihiv gairuruai sigai, rahuda dahuligi huri gogonai gaivua maragai: Kea nu seserainia lalai gida lol rebehin atatu, nu dovon̄ainia be nu vavtutu lol Vui, i nu gitana gin ira enjel. Kea nu toretore lalainira be ram hav vora te ira varan Israel, binihimwasigi lol ureure, i God mwa lai luau vai amare lol sarisari.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Lalaḡova 12:7

Haḡe darihou n̄an enjel non Ratahigi mwa du darihou aia, haḡe gigita mwa ḡigitai vwavwan imwa kolo lol imwa vauvauhi. Haḡe enjel mwa rabas Pita la isibwana mwa bamatae mwa bevea be, “Tomare vilvilehi.” Haḡe gao talai mwa hovi nin liman Pita darihou.

Leo Tavuha gabe Luk nu Ravae 1:28

Haḡe enjel mwa bisirai abena mwa bevea be, “Tamwata na togo bul maigo! i Ratahigi na togo abemwa mwa batavuhainigo liu!”

Matiu 1:20

Mahavana mwa do mwa binihia kunia, enjel non God mwa bisirai abena lol maturubore. Enjel mwa bevea lalainia be, “Giḡo Josep, varan Deved, gosav matagu tehe be gomen lai Mere uhu gi tasalamwa. Bwatuna be Vui Sabuga mahaḡea mwa hogoi naturigi lalainia.

Leo Tavuha gabe Luk nu Ravae 2:8

Aia ira radaiḡoro sipsip rituai la udun vanua gea ran gitaḡoro bilara vatugigi lol bon̄i.