Leo Tavuha gabe Luk nu Ravae 2:11 - Hano Niu Testamen

¹¹ Huri Varahu mwa bora lalai kimiu garigi bon̄i la vanuan Deved, kea haḡea Kraes gabe wani Vurai i Ratahigi!

Leo Tavuha gabe Luk nu Ravae 2:11 Referans Kwoze

Matiu 1:21

Mere vi haḡo nituna atamwani. Gov huri ihana gi Jisas, bwatuna be kea vi varahu non sinombu nin vurora.”

Lalaḡova 2:36

“Haḡe sinombu duluai ira Jius rav iloe mwasigi be, Jisas geki gabe gin vohae vai alun volovolo, kea mwasigi atatu gabe God nu taua, Ratahigi i Wani Vurai.”

Matiu 16:16

Saemon Pita mwa bwaliua be, “Giḡo haḡea Mesaea, Nitun God varahu.”

Leo Tavuha gabe Luk nu Ravae 1:43

Hurihano ginau gaivua kun geki mwa loli lalaiau, be ratahin noḡu Ratahigi mwa siroau?

1 Jon 5:1

Be tas vinihi mwasigi be Jisas kea Kraes mwasigi, gida ira nitun God. Bwatuna be ira hei be ram dabe Tata, ram dabe Nitui mulei.

Filipae 2:11

I Kera duluai rav seserainia be Jisas Kraes kea Ratahigi, vi lai sarisari lalai God Tata.

Leo Tavuha gabe Jon nu Ravae 4:42

“Kamai gam binihimwasigi kekadogaha, mwa hav vora te huri hano n̄an be gon vevea, take bwatuna be kamai gan ron̄oe sibomai, i gam iloe be kea mwasigi Varahun Ureure.”

Leo Tavuha gabe Luk nu Ravae 2:4

Josep mwa mwalue nin bwatutun vanua Nasaret lol vanua Kalili huri bwatutun vanua Betlehem lol vanua Judia, ute gabe Deved Ratahigi Lavoa nu vora aia. Josep mwa ban aia bwatuna kea sibona ata la varan Deved.

Matiu 1:16

Jekob mwa bav nituna Josep, Josep haḡe uhu gabe ahoan Mere, gabe ratahin Jisas be tam uloinia be Kraes (gabe Wani Vurai).

1 Korin 15:47

Muan Adam nu mai nin taniavu ata lol ureure. Gairuan Adam mwa mai nin amare.

Lalaḡova 10:36

Gim ilo roroi gabe nu horae lalai sinombu ira Jius, nu seserai lua Roroi Tavuha huri tamwata sivi Jisas Kraes, kea Ratahigi ḡoro atatu duluai.

Leo Tavuha gabe Jon nu Ravae 20:31

Take kera geki mwa ravana huribe giv binihimwasigi be Jisas kea Kraes, Nitun God, i be gin nomiu binihimwasigi garagusi aluna giv lai rahuana.

1 Jon 4:14

God nu hora Nituna be vi vora Varahun ureure. Gida tan gita Nituna, i kadogaha tam bev sera huria lalai atat dodolua.

Leo Tavuha gabe Jon nu Ravae 1:45

Vilip mwa habwe Nataniel mwa bevea lalainia be, “Gan habwe wani gabe Moses nu ravae huria lol bukan Silo i kera atatun vevsera mulei ran ravae huria. Kea haḡea Jisas nitun Josep ata Nasaret.”

Lalaḡova 17:3

i mwa dugu halan Leo tavuha lalainira be wani Vurai vi ron̄ ḡagarasi i vi tomare mulei nin mateana. Haḡe Pol mwa bevea be, “Jisas geki gabe nam bevea lalai kimiu, kea Wani Vurai.”

Lalaḡova 5:31

God nu lol domareinia vai la mwatuana kun gabe Tomuai i Varahu, be vi lai lalai sinombu ira Jius mahin̄ana huri tanon binihi leahi i, vi tugu kaburai vurora.

Leo Tavuha gabe Jon nu Ravae 6:69

I kadogaha gan binihimwasigi i gam iloe be giḡo Wani Sabuga gabe mwa mai nin God.”

Leo Tavuha gabe Jon nu Ravae 1:41

Haḡe mwa habwe darihou tuana Saemon mwa bevea lalainia be, “Gan habwe Mesaea.” (Avoana geki binihiva be, “Kraes.”)

Matiu 16:20

Haḡe Jisas mwa bisigai ginira non roron̄tai be rasav seserainia te lalai hei dolua be kea Kraes.

Kolosi 2:6

Kunia be gim lai Kraes Jisas gabe Ratahigi i giv bulgaituvwa maia.

Filipae 3:8

Mwa hav vora te huri ginau n̄an kera gea, take nan binihia be ginau duluai tavuhara sigai be tav dadarihainira mai iloilo huri Kraes Jisas noḡu Ratahigi. Hurira, nam lin̄ ginau duluai kera gea i kadogaha nam iloe be kera han̄ora. Geki mahin̄aiau be nav lai Kraes

Leo Tavuha gabe Jon nu Ravae 11:27

Haḡe mwa bwaliu Jisas mwa bevea be, “Uwe, Ratahigi! Nam binihimwasigi be giḡo Kraes, Nitun God, gabe vi mai lol ureure.”

Leo Tavuha gabe Jon nu Ravae 7:41

Rituai ram bevea be, “Kea Kraes!” Take rituai ram bevea be, “Kraes sihav mai te nin Kalili!

Leo Tavuha gabe Luk nu Ravae 2:26

i nu lol bisirai lalainia be si hav gita te mateana vava vi gita Wani Vurai gabe Ratahigi nu tatauleo huria.

Leo Tavuha gabe Luk nu Ravae 1:69

Huri nu lol domare Varahu muramura huri gida, kea ata la varan non atatun rovoga Deved.

Leo Tavuha gabe Jon nu Ravae 4:25

Haḡe vavine mwa bevea lalainia be, “Nam iloe be Mesaea vi mai i batena be vi mai vi seserai ginau duluai lalai gida.”

Lalaḡova 13:23

Jisas sibona kea ata la varan Deved, gabe God nu lolia mwa bora varahun sinombu ira Jius, kun gabe nu tatauleo huria.