Leo Tavuha gabe Luk nu Ravae 13:19 - Hano Niu Testamen

¹⁹ Nav vev dumwia daga be nu ḡun birin ramute be mwa hovi alun gai mwa dabwahu i mwa mauri gi gai gaivua i manu ram lol inogira alun rarana ivusi.”

Leo Tavuha gabe Luk nu Ravae 13:19 Referans Kwoze

Lalaḡova 4:4

Take atatu ivusi mahavana be ram ron̄ roroi ram binihimwasigi, atamwani duluai nudadariha kun be vasan̄vul valima.

Lalaḡova 2:41

I kera ivusi ram binihimwasigi avoana geki i ram lai garuhisabuga, kera duluai kun vasan̄vul vatolu mwa lai ḡoḡora ute gaituvwa lol gubwen̄i gea.

Lalaḡova 21:20

I ataguna be ram roron̄tainia vuvuri, kera duluai ram uloi roron God. Haḡe ram bevea be “Tuaku Pol, gom ḡita dum sinombu ira Jius vasan̄vul vaviha gabe ram binihimwasigi, i kun hanigi kera duluai ran wasi be rav haḡo Silo.

Matiu 17:20

Haḡe Jisas mwa bwaliura be, “Huri be nomiu binihimwasigi garagusi nu hav dadariha tehe. Nam bev mwasigi lalai kimiu, be si vora nomiu binihimwasigi garagusi abena kun birin ramute, be kolo n̄an, gis vev dumwia lalai vusi geki be, ‘Vis dagai nin ute geki, ba ban ba du kahaḡa,’ haḡe vusi vi vis dagai. Giv lol dum hano tehe.

Visirai 11:15

Haḡe gaibitun enjel mwa uv bilan taiva, haḡe sosobweroana gaivua lol ute atamare, ram bato ram bevea be, “Muramura be vi tomuai ḡoro ureure kadogaha vivora non nonda Ratahigi non Wani Vurai, i kea vi tomua vai tuai vai tuai!”

Ravrava non Pol lalai ata Rom 15:19

bwatuna, muramuran ira ginau dan̄an̄a i ginau lalavoa be ran gitae, i huribe muramura non Vui Sabuga. Nan toretore la avoan Sabuga nin Jerusalem la hala mwa dalis vanua Ilirikum, i nan nogoi doren noḡu rovoga.

Leo Tavuha gabe Luk nu Ravae 17:6

Haḡe Ratahigi mwa bwaliura mwa bevea be, “Be sivora nomiu binihimwasigi garagusi gaivua kun birin ramute gis vev dumwia lalai gai mataboe be, ‘Mwalue sibomwa nin tanomwa ba rivugo sibomwa lol tahi!’ i kea vi ron̄ silomwa.”

Leo Tavuha gabe Mak nu Ravae 4:30

Haḡe Jisas mwa bevea be, “Tas vev haninia be ute Ratahigi non God huri rahuan gara gabe mwa Ratahigi ḡoro non sinombu alolona nu ḡun hano? Hava avoan dalogai nu vavtutu huria?