Leo Tavuha gabe Luk nu Ravae 12:19 - Hano Niu Testamen

¹⁹ Haḡe nav vevea lalaiau siboku be, Gom davuha maragai! Gom haḡo duluai ginau tavtavuha gom doronira huri taulu ivusi. Van ḡoḡonai mai rahumwa, gov gangan, gov mwinmwin, i gov lol samsamwarainigo sibomwa!’

Leo Tavuha gabe Luk nu Ravae 12:19 Referans Kwoze

1 Korin 15:32

Be nav bwalo mai ira ginau turu ata Ivisas mai ira binihin atatu n̄ano, nasav lai te dum ginau vwate. Be atat mate rasav tomare te mulei, “tav gan ginau i tav mwinmwinu, huribe vaigogo tav mate.”

Jemes 5:5

Rahumiu lol ureure nu masiri gin roso mai doroniva duluai be gim doronia. I ginau duluai be gim doronia giv lol dumwia. Kimiu gim buburu take gim len̄a be gubwen̄i gea gubwen̄in wehiwehi atatu.

Filipae 3:19

I la nogonana, rai vora vina kaburai. Ram lol hano n̄ano be rebehira mwa doronia, ram sasagerega huri nora rovogan busbusiana, i ram binihi huri ginau ata lol ureure n̄ano be vi vora nora god.

Visirai 18:7

Vavine gea mwa binihi sagea sibona mwa lol rahuna gin ginau be volvol marahi. Kimiu giv lolia be kea vi ron̄ mwahantai maragai lol rebehina i binihina, vi dadariha kun non samwarana ata tuai. Mwa bevea gin mwasin lolona be, ‘Inau ratahigi lavoa vavine! Nasav vora te bwero dum n̄an haḡea sage be men ilo ron̄ovanan ron̄mwahantai.’

1 Pita 4:3

Amua gin lol bwarebware taromiu vaivusi i gim lol havanau be ira len̄len̄aga ran ron̄ mwandavuha ginia. Kimiu gin busbusi gin bwatigoro lol rebehi, doroniv hahantai, mwinmwin daltale, gisav mai tehe lol mwinmwin daltale be taḡana i bwatigoro mwa du alolona, nun vatu be mwa hav doroniana tehe mwa ḡogonai-ana.

2 Timoti 3:4

Rai van burigai atatu be ram mwemwearu bulu i rav lol ginau dadaloiga be rasav lai te binihiva huria. Rav lol nora doroniv hahantai sibora, rav tabe nora doroniva sibora lol tanon God.

1 Timoti 6:17

Vevea lalainira be ram rosoga gin ginau ata lol ureure geki be rasav sasagerega tehe. Vevea lalainira be rav doronhohov lol God, take sihav vora te alun roso be ram len̄a. God mwa hogoi tavuhai hogoi duluai lalai gida gin samsamwara.

1 Timoti 5:6

Take bwero be lol rahuna mwa lol ginau kun be mwa doron be men ron̄ mwandavuha, kea nu mate mwasigi be mwa rahu radu.

Leo Tavuha gabe Luk nu Ravae 21:34

“Giv mamata ḡoro kimiu sibomiu! Gisav mahin̄a tehe be giv van lol ginaganian lalavoa tagaro i gisav mwin te maragai wai i gisav binbinihi tehe huri rahuana geki, bereva Gubwen̄imwa gim mai vilvilehi,

Leo Tavuha gabe Luk nu Ravae 16:19

“Lol mahavan vwate ratahigi vwate nu togo, nu sagasagai gaisaga tavtavuha maragai, kea nu togo samsamwara vataha gubwen̄ lol rahuna.

Leo Tavuha gabe Luk nu Ravae 12:18

Mwa binihia sibona mwa bevea be, ‘O, geki ginau be nav lolia. Nav sari dagai imwan noḡu ginaganiana n̄oto i nav haḡo heheira lalavoa liu i aia nav tau bilaku koni mai hinaga dodolua alolora.