Leo Tavuha gabe Luk nu Ravae 11:49 - Hano Niu Testamen

⁴⁹ Bwatuna higea mataisao non God nu vevea be: ‘Nav hora ira atatun vevsera lalainira i rav wehi bamat rituai i rav lol ḡagaras rituai.’

Leo Tavuha gabe Luk nu Ravae 11:49 Referans Kwoze

1 Korin 1:30

Take God nu haḡo bul kimiu alolon Kraes Jisas, i God nu lol Kraes be vi vora nonda mataisao. Sivi Kraes haḡea mwa dau bavtutui mulei gida lol God i mwa lol gida tam bora atat mataisaoga, i mwa ḡita batoi gida i mwa lol sabugai gida.

Kolosi 2:3

Kraes kea bwatun gaihavan̄i be mwa haḡo ira ute rosoga dahuligi, kun ira iloilo i mataisao non God.

Ifisas 4:11

I Kraes nu lai hogoi lalai sinombu nu lol rituai be rai vora hala, i rituai rav vora atatun vevsera, i rituai be rai vora ira toretore, i rituai be rav haḡo rovoga be ramen haḡoe ba gitaḡoro tavuhai i ba bagahi sinombu non God.

1 Korin 1:24

Take lalainira sinombu be God nu uloi luara, ira Jius mai ira ata Krik, Kraes kea muramura non God i mataisao non God.

Lalaḡova 22:20

I mahavana be Stivin nom gaitura ram wehi bamatea, inau siboku aia i nan gita didinigi mateanana, i nan gita ḡoro gaisagara be ran wehia.’

Lalaḡova 8:3

Take Sol mwa lol ron̄oe be vi salan̄ai uloilua, i mwa bano vataha imwa, mwa lol ira binihimwasigi vavine mai atamwani be rav togo vauhi, i mwa daura lol imwa vauvauhi.

Lalaḡova 7:57

Haḡe ram haharigi ram sin̄ohi bwerora gin limara. I ram rovo vatuvwa vai aluna,

Lalaḡova 1:8

Take giv masiri gin muramura mahavana be Vui Sabuga vi himai alumiu, i kimiu giv vora gaituraku lol vanua Jerusalem, i lol vanua Judia duluai mai Samaria vava vi votui nogonan ureure.”

Leo Tavuha gabe Jon nu Ravae 16:2

Rav tau dagai kimiu nin imwa tataro, i tarona vi mai mahavana be ihei tehe mwa wehi kimiu vi vinihia be mwa lol rovoga non God la hala geki.

Leo Tavuha gabe Luk nu Ravae 24:47

i lol ihana roroi huri binihi leahi, i tugu kaburai vuro vi toretore huria vataha vanua duluai vi tau bwatuna Jerusalem.

Matiu 22:6

Rituai ram haḡo batugehi ira atatun rovoga gea, ram bivilisira i ram wehira.

Leo Tavuha gabe Luk nu Ravae 11:48

Kimiu sinombu gim bevea be gim dame huri hano gabe ira sibimiu ran lolia be kera ran wehi ira atatun vevsera, i kimiu gim boha bwarura.

Lalaḡova 11:27

Haḡe lol mahavana haḡe gea ira atatun vevsera rituai ram bano nin Jerusalem vai Antiok.

Visirai 16:6

Kera gea ram salil dagan sinombu non God mai ira atatun vevsera, i gom lai daga lalainira be rav mwinua. Ram lai vevegi huri nora vahalana!”

Visirai 18:20

“Ute ata amare vi samsamwara mai sinombu non God mai ira hala i ira atatun vevsera! God mwa bevegia huri hano be nu lolia lalainigo!”