Lalaḡova 8:5 - Hano Niu Testamen

⁵ Vilip nu vano lol muan bwatutun vanua ata Samaria i mwa doretore huri Wani Vurai lalai sinombu aia.

Lalaḡova 8:5 Referans Kwoze

Lalaḡova 6:5

Haḡe kera lol tatanan̄a gea ram ron̄ mwandavuha gin hala geki be ira hala ram laia lalainira, i kunia, ram gita lua Stivin, atatu gabe nu masiri gin binihimwasigi garagusi mai Vui sabuga, mai Vilip, Prokoras, Nikeno, Timon, Pamenas mai Nikolas ata Antiok be amua kea Lolobon̄i take mwa lai ḡoḡoe la vatugigi non ira Jius.

Lalaḡova 21:8

Haḡe mwa rani gam derai ute gea gam bano vai la vanua Sisaria i gam hae aute. I gam dogo aia lol imwan Vilip gabe vagahi vwate ninira gaibitu gabe ran gita luara Jerusalem be rav bului lol rovoga non uloilua aia.

Lalaḡova 8:40

Vilip mwa botu la vanua Asdod, i mwa ban rahurahu vaivotui vanua Sisaria, i la non lagoana gea mwa doretore huri Roroi tavuha lol ute duluai.

1 Korin 3:11

Bwatbwatun imwa be nu haḡoana huba mwa eno kea Jisas Kraes, i atatu dolua vwate sihav mom dari te bwatbwatu dolua mulei vwate.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

Lalaḡova 5:42

Haḡe vataha gubwen̄i lol Imwa Tataro i lol imwan vataha atatu ram doretore, i ram bagahi rahurahu i Roroi tavuha non Jisas Wani Vurai.

1 Korin 2:2

Lol taro be nan togo mai abemiu kimiu nan vinihia be nav avo n̄ano huri Jisas Kraes be ran voha bolvoloe alun volovolo.

Lalaḡova 9:20

Kea mwa bano vai lol imwa tataro gaivua mwa doretore mwa bevea be Jisas kea nitun God.

Lalaḡova 8:1

Sol mwa ron̄oe kun be nu tavuha n̄ano be ram wehi Stivin la hala kunia. I mwa dau bwatuna baten gea ram lol ḡagaras atatun uloilua Jerusalem. Ira binihimwasigi duluai ram romaragai vataha ute lol vanua Judia i Samaria duluai, vaivotu be ira hala n̄an sigai.

Lalaḡova 1:8

Take giv masiri gin muramura mahavana be Vui Sabuga vi himai alumiu, i kimiu giv vora gaituraku lol vanua Jerusalem, i lol vanua Judia duluai mai Samaria vava vi votui nogonan ureure.”

Lalaḡova 8:6

Haḡe sinombu gaivua ram dogo biviria i ram roron̄tai havanau gabe Vilip mwa bevea i ram ḡita ginau dan̄an̄a be mwa lolia.

Lalaḡova 8:26

Haḡe enjel non Ratahigi mwa bevea lalai Vilip be, “Gov lol vatuvwai ba bano vai tavalun vanua la hala gabe mwa bano nin Jerusalem vai Kasa.” (Hala geki mwa hav huriniana tehe vaivotu garigi.)

Lalaḡova 8:30

Vilip mwa ban sosoria i mwa ron̄ dumwia be mwa basvasogo alun buka non atatun vevsera Aesaia. Haḡe mwa hudalinia mwa bevea be, “Gom ilo havanau gabe gom basogoe?”