Lalaḡova 27:1 - Hano Niu Testamen

¹ Haḡe mahavana be ram dau avoana be gai vano vai Itali, ram dau Pol maira rituai be ram dogo lol imwa vauvauhi la liman tomuai ḡoro atatun bwaloana vwate ihana Julias. Kea tomuai ḡoro atatun bwaloana vudolua be ram uloinia be, “Vatugigi non tomuai Kavman.”

Lalaḡova 27:1 Referans Kwoze

Lalaḡova 25:25

Take nam hav habwe te ginau hantai vwate be nu lolia, huria be vi vevegi bamatea aluna. I mahavana be kea sibona mwa hudaligi mulei be Ratahigi Lavoa n̄an vi vevegia, i nam binihia be nav horae.

Lalaḡova 25:12

Haḡe Vestas mwa avo vuvuri lalainira non gaitura, mwa bevea be, “Giḡo gom doron be goi van ba ḡita Sisa, i kea nu tavuha n̄ano.”

Lalaḡova 10:1

Atatu vwate la vanua Sisaria ihana Konilias. Kea muai ḡoro atatun bwaloana non ata Rom.

Lalaḡova 27:11

Take tomuai ḡoro atatun bwaloana mwa do mwa roron̄tai kapten ata la waḡa, mai wani gabe wagana gea. I kea mwa hav tai bwero te maragai huri avoana non Pol.

Lalaḡova 18:2

I aia mwa habwe ata Jius vwate ihana Avkila, gabe nu vora Pontus, i kea mwa siv mai nin Itali mai tasalana Prisila, bwatuna be Ratahigi lavoa Klodias mwa dau silo be ira Jius rav mwalue nin Rom. Haḡe kunia Pol mwa bano be vi gitara,

Hibru 13:24

Nam navohi kimiu be giv lai noḡu avoan helheloi lalai nomiu ira tomuai mai ira sinombu non God duluai. Ira non atatun rovoga Itali mulei, ran lai nora avoan helheloi lalai kimiu.

Lalaḡova 28:16

Haḡe mahavana be gam botu la vanua Rom, mahin̄ana lalai Pol be vi togo gahena mai ira atatun bwaloana rav gita ḡoroe.

Lalaḡova 27:43

Take nora tomuai mwa doron be vi varahu Pol, i kunia mwa du ḡoro nora binihiva. Take mwa bevea lalai atatu be ram ḡari dumwi be rav burere vai lol tahi ba ḡari vai aute.

Lalaḡova 27:6

Haḡe tomuai ḡoro atatun bwaloan mwa habwe waḡa vwate ata Aleksandria be vi vano vai Itali, i mwa dau kamai aluna.

Lalaḡova 24:23

Kea mwa bevea lalai ira tomuai be ram ḡitaḡoro Pol be rav gita goro tavuhainia, i rav lai dum mahin̄ana lalainia be kera gabe non buluana rav lai te dum havanau lalainia be mwa doroni.

Lalaḡova 23:17

Haḡe Pol mwa uloi atatu vwate ninira tomuai mwa bevea lalainia be, “Gov lai mwalaḡelo geki vai aben tomuai ḡoro atatun bwaloana i kea mwa doron be vi vev ginau vwate lalainia.”

Lalaḡova 23:11

Haḡe lol bon̄i gea Ratahigi mwa bisirai aben Pol mwa bevea be, “Gosav matagu tehe! Gon lai nom gaitura huba lalaiau teti Jerusalem, i gov lolia n̄an mulei kunia lol vanua Rom.”

Lalaḡova 22:26

I mahavana be tomuai mwa ron̄ avoana geki mwa bano vai aben tomuai ḡoro atatun bwaloana mwa hudalinia mwa bevea be, “Gom lol havanau? Wani gea mwa dogo aten Vilak non ata Rom!”

Lalaḡova 21:32

Darihou n̄an Tomuai ḡoro vatugin bwaloana mwa lai ira lalavoa mai ira atatun bwaloana rituai ram rihu vilvilehi ram haroro alolon vatugin sinombu gaivua. I mahavana be sinombu ram ḡita dumwia mai ira atatun bwaloana, ram derai Pol ram hav mom wehia tehe.

Lalaḡova 19:21

Atagun ginau geki be nu loli, Pol mwa binihi tuhi be vi lago sivi Masedonia, Akaea i vi vano vai Jerusalem. Haḡe mwa bevea be, “Ataguna be nai vano aia, mwa du be nav gita vanua Rom mulei.”

Lalaḡova 16:10

Haḡe mahavana be Pol mwa hueri vuvuri, gam lol vatuvwai be gai vano vai Masedonia, bwatuna be gam binihia be God mwa uloi kamai be gav toretore huri Roroi Tavuha lalai sinombu aia.

Lalaḡova 10:22

Haḡe ram bwaliua ram bevea be, “Tomuai Konilias mwa hora kamai. Kea mwasin atat tavuha mwa ḡogonai God i ira Jius ram binihi marahi maragainia. Enjel non God nu vevea lalainia be vi warego vai la imwana, huribe vi ron̄ hano be mwa du be goi vevea.”

Leo Tavuha gabe Luk nu Ravae 23:47

Haḡe lavoa ḡoro atatun bwaloana nu gita ginau be nu loli, mwa uloi roron God, mwa bevea be, “Mwasigi kea atatu tavuha!”

Leo Tavuha gabe Luk nu Ravae 7:2

Tomuai vwate ḡoro vatugin bwaloana ata Rom non atatun rovoga gabe mwa dabe maragainia mwa haro gaivua mwa abena be men mate.

Matiu 27:54

Batena tomuai ḡoro atatun bwaloana maira non atatu gabe ram ḡitaḡoro Jisas ram ron̄ sogai mai ginau duluai gabe ran loli, ram matagu, ram bevea be, “Mwasigi, wani uhu Nitun God!”

Lalaḡova 28:1

Haḡe mahavana be ram hae tavuhai vai aute vuvuri ram siv iloe be ihan vanua gea Molta.