Lalaḡova 26:16 - Hano Niu Testamen

¹⁶ Take gov tomare ba du amare. Nam bisirai lalainigo huri be nav uloi luago gi noḡu atatun rovoga. I giḡo haḡea goi vev luae lalai atatu huri noḡu visiraiana lalainigo garigi i havanau gabe nav seserainigo huri ginau be vi mai atagu.

Lalaḡova 26:16 Referans Kwoze

1 Timoti 1:12

Nam avkari Kraes Jisas nonda Ratahigi, kea nu lai hui wasi lalaiau, bwatuna be kea mwa butu aluku i nu lai rovoga lalaiau be nav lol rovoga lalainia.

Kelesia 1:12

Nam hav laia tehe nin atatu vuroi, sage atatu vwate mwa hav vagahiau tehe ginia, take Jisas Kraes nu vagahiau ginia.

Ravrava non Pol lalai ata Rom 15:16

huri be nav vora atatun rovoga non Kraes Jisas lalai nira Lolobon̄i. Nam lol rovoga non God be nam bagahi non Roroi Tavuha, be kera be ira Lolobon̄i rav vora ira hogoi be God vi dara aluna hogoi be nu lolian Sabuga nin Vui Sabuga.

Kolosi 1:25

Nam mai gi atatun rovoga gea kea haḡea be nai vev n̄oto rovoga non God.

Kolosi 1:23

Geki vi loli be gov tu rahurahu wasigi i gov ilo didinigi lol non binihimwasigi. Gosav tagara te dagai nin doronhohov be nu laiana lalainigo sivi Roroi Tavuha. Inau Pol, atatun rovoga be nam bului lol toretoreanan Roroi Tavuha gea, Roroi Tavuha gea be atatu n̄oto lol ureure ram ron̄oe.

Kelesia 2:2

Nan vano bwatuna be God nu lol melmeloinia mulei lalaiau be nas vano. Nan sogari ira binihimwasigi aia, i gin hala dahuligi nan vevea lalai ira nora tomuai huri Roroi Tavuha be nan toretore huria lalai ira Lolobon̄i. Nan hav doroni tehe be noḡu rovoga ata amua mai rovoga be nan lolia kadogaha vi sabweleiana.

Lalaḡova 23:11

Haḡe lol bon̄i gea Ratahigi mwa bisirai aben Pol mwa bevea be, “Gosav matagu tehe! Gon lai nom gaitura huba lalaiau teti Jerusalem, i gov lolia n̄an mulei kunia lol vanua Rom.”

2 Timoti 4:5

Take giḡo gov togonainigo sibomwa vataha taro duluai. Dame ḡoro taro ririhai duluai. Gov lol rovoga be, gov toretore huri Leo Tavuha, i lol haraharai rovoga duluai be non atatun rovoga non God.

1 Timoti 4:6

Be goi vev ginau kera geki lalai ira, tua goi vora atatun rovoga tavuha non Kraes Jisas. Avoana ata lol binihimwasigi garagusi vi loligo gov wasi lol binihimwasigi i silo vagahi tavuha be gov huria.

1 Tesalonaeka 3:2

I nav hora Timoti vai abemiu. Timoti, kea tuamai mwa lol rovoga mai kamai huri God i mwa bului kamai be gai vevea lalai sinombu huri Roroi Tavuha huri Kraes. Gam horae be vi vamuramura i vi avdura kimiu lol nomiu binihimwasigi garagusi,

Kolosi 1:7

Gim ron̄oe huri hogoi non God nin Epavras, kea be gam dabea. Mwa lol rovoga ute gaituvwa mai kamai i kea atat binihimwasigi non Kraes huri kamai.

2 Korin 5:18

Ginau duluai kera geki ram mai nin God. Sivi Kraes, God mwa lol tamwata lol davolada maia sibona, i mwa lai lalai gida rovoga be tai vevea lalai atatu duluai huri tamwata be tav laia nin God.

2 Korin 4:1

God gin non sine hagavi, nu lai rovoga geki lalai kamai be gav lolia, i gosav lin̄ia tehe.

Ravrava non Pol lalai ata Rom 1:5

Sivi Kraes, God nu lai rovoga non ira hala, be vi tomuai atatu lol ute duluai be rav binihimwasigi i rav ron̄oe.

Lalaḡova 22:10

I nam hudaligi be, ‘Matu nav lol hano Ratahigi?’ Haḡe Ratahigi mwa bevea lalaiau be, ‘Tomare ba bano vai lol vanua Damaskas, i aia vi vev ginau duluai lalainigo be God mwa doroniva be gov lolia.’

Lalaḡova 21:19

Haḡe Pol mwa botui nira i mwa bevuri roron ginau duluai gabe God mwa lolia lalai ira Lolobon̄i sivi non rovoga.

Lalaḡova 20:24

Take nam binihi rahuku kun be ginau vuroi n̄an vwate lalaiau siboku; ita noḡu doroniva n̄ano be tatan̄an lalaḡova be inau alolona mai noḡu rovoga gabe Ratahigi Jisas nu horau huria vi hara harai, be nav seserai Roroi Tavuha huri hogoi non God.”

Lalaḡova 6:4

I kamai sibomai vataha gubwen̄i gav togo nan ba tataro i ba doretore.”

Lalaḡova 1:25

be vi lai tanoi geki alun rovoga gi hala gabe Judas nu derainia mwa bano vai lol mwasin tanona.”

Lalaḡova 1:17

Judas kea vwate bul mai kamai, huri be Jisas nu uloi lua kamai be gav lol non rovoga, take mwa domare mwa lin̄ia la liman non ivwalu.”

Leo Tavuha gabe Luk nu Ravae 1:2

Ran rav ginau gabe nu veveana lalai kamai nin bwan̄ora gabe ran gita ginau duluai kera geki gin matara nin bwativuna i ram bev lua roroi hurira.

Lalaḡova 26:15

I nam hudaligi be, ‘Giḡo ihei Ratahigi?’ Haḡe Ratahigi mwa bevea be ‘Inau Jisas be gom lol bonogaiau.’

Ifisas 3:3

Nu mahin̄aiau be nav ilo non taritari dahuligi ginia be mwa bagahiau ginia. Nan ravae tiri kolo huba hurira geki.