Lalaḡova 26:10 - Hano Niu Testamen

¹⁰ Geki ginau be nan lolia lol vanua Jerusalem. Nan lai roron̄o liu ira muai tataroi i nan tau sinombu non God ivusi lol imwa vauvauhi; i mahavana be mwa bevegira huri mateana, inau mulei nam dame huria.

Lalaḡova 26:10 Referans Kwoze

Lalaḡova 8:3

Take Sol mwa lol ron̄oe be vi salan̄ai uloilua, i mwa bano vataha imwa, mwa lol ira binihimwasigi vavine mai atamwani be rav togo vauhi, i mwa daura lol imwa vauvauhi.

Lalaḡova 9:21

Kera duluai gabe ram ron̄oe ram dan̄an̄a maragai, i ram hudaligi ram bevea be, “Matu mwa hav vora te kea gabe nu togo lol vanua Jerusalem i mwa wehira gabe ram ḡogonai wani gea Jisas. I mwa hav vora te kea mulei be nu mai vai teti la hala be men lai sinombu ba ban mulei maira vai aben ira muai tataroi?”

1 Korin 15:9

I inau haḡea nogonana lol ira hala duluai. Nan hav dadariha tehe be rav uloilua gi hala, huribe nam lol bwarebware uloilua non God.

Lalaḡova 9:26

Sol mwa bano vai Jerusalem i mwa lol ron̄oe be vi bulu mai ira hala. Take kera ram hav vinihi te mwasigi be kea hala vwate, i kera ram mataguinia.

Lalaḡova 8:1

Sol mwa ron̄oe kun be nu tavuha n̄ano be ram wehi Stivin la hala kunia. I mwa dau bwatuna baten gea ram lol ḡagaras atatun uloilua Jerusalem. Ira binihimwasigi duluai ram romaragai vataha ute lol vanua Judia i Samaria duluai, vaivotu be ira hala n̄an sigai.

Lalaḡova 7:58

ram bohainia vai avare nin bwatutun vanua, i ram bohae gin vatu. Kera gabe ram du gi gaitura ram derai gaisagara la liman mwalaḡelo ihana Sol.

Visirai 17:6

Nai vev dumwia be vavine mwa wehi maragai gin wai, huribe mwa mwinmwinu alun dagan sinombu non God gabe ram lin̄ rahura huri Jisas. Ginau geki mwa lolia nam dan̄an̄a,

Ifisas 1:1

Nin Pol hala non Jisas Kraes. Inau hurihuri bwatuna be kea haḡea havanau gabe God nu doronia. Lalai ira sinombu sabuga non Kraes be ram dogo Ivisas, ram binihi alun Kraes Jisas.

Kelesia 1:13

Gin ron̄oe huri rahuku tuai lol binihimwasigi lol vara ira Jius. Nan tuḡorogoro sine hagavi imwa tataro non God i nan lol ron̄oe be namen lol kaburainia.

Lalaḡova 9:41

Pita mwa rarau mwa rav domareinia. Haḡe mwa uloi ira binihimwasigi mai ira bwero mwa lai muleinia lalainira, kea mwa rahu.

Lalaḡova 9:32

Pita mwa lagolago lol vanua ivusi Samaria, i lol gubwen̄i vwate kea mwa bano be men varahi ron̄ sinombu non God be ram dogo Lida.