Lalaḡova 2:3 - Hano Niu Testamen

³ Haḡe ran gita ginau kun gabe memean gabi tabwalue mwa lon̄ahi ute, i vataha atatu alolora gea mwa leahi lol non binihiva gin avoan dodolua.

Lalaḡova 2:3 Referans Kwoze

Matiu 3:11

Inau nam ḡaruhisabugai kimiu gin wai, bwatuna be gim binihileahi huri vuromiu. Take atatu vwate abena vi mai radu ataguku. Wani gea lavoa liuau, i inau siboku nam hav dadariha tehe be nav haḡo non sus. Wani gea vi garuhisabugai kimiu gin Vui Sabuga i gabi.

Lalaḡova 2:4

Haḡe kera duluai ram masiri gin Vui Sabuga, i ram dau bwatuna ram avo gin avoan dodolua, kun gabe Vui Sabuga mwa lolira be rav avo.

Leo Tavuha gabe Luk nu Ravae 24:32

I ramuru bevea ginginira be, “La mahavana be mwa avo mai gidaru la hala, i mwa dugu halan ravrava sabuga duluai lalai gidaru taru ron̄ mwandavuha maragai ginia?”

Visirai 14:6

Haḡe nam ḡita enjel vwate be mwa ḡaga haehae butbutui lol mahao, mai roroanan Roroi Tavuha be nogonana nu sigai be vi vev luae lalai sinombu lol ureure, i lalai lalan̄an atatu i lalan̄an vara, mai avoana, i tatan̄an vanua.

1 Korin 12:10

Vui Sabuga n̄an gea mwa laia lalai atat dolua be vi lol ginau dan̄an̄a. Vui Sabuga n̄an gea mwa laia lalai atat dolua be vi toretore huri Roroi Tavuha. I mwa lalai atat dolua be vi iloe huri vui tavuha i vui hantai. I mwa lai lalai atat dolua hogoi be vi avo la avoan dodolua. Vui Sabuga radu lalai atat dodolua Vui Sabuga be vi vev lolon avoana.

Lalaḡova 2:11

ira Jius mai ira Lolobon̄i mwa lai ḡoḡora duluai ute gaituvwa, i tavalumai kera ata Krit mai Arabia, take kamai duluai gam ron̄ora be ram avo la mwasin nomai avoana huri ginau gaivua be God nu lolia!”

Matiu 3:15

Haḡe Jisas mwa bwaliua be, “Gov lin̄ia vi vora kunia magea. Nu vavtutu be tav lolia kunia, huri be tav lol dum doroniva non God duluai.” Haḡe Jon mwa siv mahin̄a be vi garuhisabugainia.

Visirai 11:3

I nav hora noḡu gaitura gairua be gaisagara nu lolian vatuvwai gin bakin kavura boboga i raru vi seserai lua roroi non God huri gubwen̄i vasan̄vul vatuvwa vudolu varua vena n̄avul gaiono.”

Jemes 3:6

Mea nuḡun gabi, nuḡun ureure be nu masiri gin bwatigoro lol rebehida. Ira ginau hahantai nin meanda mwa lon̄ahi rebehida. Gabin meanda mwa dogo lol tanon vevegi, i mwa dau bwativun gabi be mwa leahi n̄oto rahun atatu.

Lalaḡova 1:15

Haḡe gubwen̄ gaituvwa n̄an ataguna, ḡoḡoana non ira binihimwasigi, i kera duluai kun vudolu vatuvwa vena n̄avul gairua ram du ute gaituvwa, haḡe Pita mwa du amare be men avo.

Lalaḡova 2:2

Haḡe darihou n̄an silo gaivua nin mahao mwa datan̄i kun gabe lan̄ wasi mwa here, haḡe mwa hogon bamasiri lolon imwa duluai gea be ram du alolona.