Lalaḡova 19:9 - Hano Niu Testamen

⁹ Take kera rituai ram hav roron̄tai tehe gin nora binihiva i ram hav binihi te mwasigi, haḡe ram bev avoan hahantai vai alun halan silo vagahi huri Ratahigi lolmatan sinombu duluai.

Lalaḡova 19:9 Referans Kwoze

Lalaḡova 19:23

Lol mahavana haḡe gea be vigaigai ana gaivua vwate nu togo lol vanua Ivisas, huri Halan Ratahigi.

Lalaḡova 9:2

i mwa hudaligi huri letasi be vi seserai muai tataroi alolona huri be vi laia vai lol imwa tataro non ira Jius Damaskas, huri be si habwe te dum atatu rituai gabe ram huri malelen Ratahigi, kea vi haḡo batugehira atamwani sage vavine, i vi lai muleinira vai Jerusalem.

2 Pita 2:12

Take atatu kera geki ram avo vai alun ginau be ram hav ilo te huria. Kera ram bora kun ginau rahu turu be ram lol ginau i ram hav binbinihi tehe, ginau rahu turu be ran vora huribe vi haḡoan batugehi i vi wehiana. I, kun ira ginau rahu turu, ira vagahi tentene kera geki rav lol kaburainira.

Lalaḡova 14:4

Haḡe sinombu lol bwatutun vanua ram harabora tavalura ram huri ira Jius i tavalura mai ira hala.

Ravrava nin Jud 1:10

Take atatu kerageki ram avo la ginau be ram hav iloe tehe. I ginau be ram iloe, gin nora ron̄ova, kun ginau rahu buhiga be ram ilo ginau, kea haḡea ginau be mwa lol bwarebwarera.

2 Pita 2:2

Ivusi rav huri nora hal bwatigoro i ram bev avoan hahantai huri hala be nu mwasigi.

Hibru 3:13

Kimiu gisav lolia te kunia. Avoana gea be mwa bevea vataha gubwen̄i be, “Garigi” mwa lulu aluda siboda, i kimiu giv avoinia lalai kimiu sibomiu huria be nomiu binihiva sihav hovi te dumwi. Hala n̄an gea be vi lol wasi kimiu huria be vwate nin kimiu sihav hovi tehe lol bwatigoro la alen̄ana be nu wasi.

1 Timoti 6:5

sinombu kera geki ram bigaigai vataha mahavana. Binihira ran hantai i ram salai mwasigi. Ram binihia be lalaḡova lalai tagaro kea hala be rav rosoga.

Ravrava non Pol lalai ata Rom 11:7

I geki haḡea havanau be nu loli: Ira ata Israel ram lol ron̄oe be rav vavtutu lolmatan God, ram hav lol te dumwia, take kera be God nu gita luara kera haḡe ran vavtutu lolmatan God. Kera dodolua ram lol lolo wasi i ram barihai didi roron̄tai huri avoana non God.

Ravrava non Pol lalai ata Rom 9:18

I God mwa seserai sine hagavi hala behe be mwa doron be vi seserai lua sine hagavi aia, i mwa lol bwatun sinombu mwa wasi kunia be mwa doron be vi lol bwatura rav wasi.

Lalaḡova 22:4

Nan vevegi atatu huri mateana be rau lalaḡo n̄an haḡea kun geki la halan Kraes. Nau haḡo batugehi atamwani mai ira vavine nam daura lol imwa vauvauhi.

Lalaḡova 7:51

“Kimiu ira binihi lalan̄a. Stivin nu vev rahurahuinia be, ‘Lolomiu kun ira len̄len̄aga, i bweromiu mwa bora huri avoana non God! Kimiu gingin ira sibimiu, kimiu mulei gim du ḡoro Vui Sabuga.’

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

2 Timoti 3:5

Rav lolia kun be ram lol rovoga huri God take rasav haḡo te dum non muramura. Gov to hautu nin atatu kera gea.

2 Timoti 1:15

Gom iloe be sinombu duluai lol Vanua Esia ran lin̄iau huba, Vijelas i Hemojenes kera mulei.

Lalaḡova 28:22

Take gam doron be gamen ron̄ nom binihiva, bwatuna be vataha ute gam iloe be sinombu ram avo huri tatan̄ana be gom dogo alolona.”

Lalaḡova 24:21

Liu haḡe huri ginau gaituvwa be nan av lua mahavana be nau tu lol matara: garigi giḡo gom lol ron̄oau bwatuna be nam binihimwasigi be atatu vi mate ta vi rahu mulei.”

Lalaḡova 20:31

Giv gita ḡoro maragai bwatuna be, nan vagahi kimiu duluai huri taul gaitolu i mataruaku mwa rovo huri kimiu bon̄i i rani.”

Lalaḡova 19:30

Pol mwa doron be vi avo mai sinombu, take ira binihi, mwasigi ram do ḡoroe.

Lalaḡova 17:4

Haḡe atatu rituai ninira ram ron̄ batoi avoana gea ram huri Pol mai Sailas; i ira vavine tomuai rituai nin alolon ira vavine, i vatugin sinombu gaivua maragai alolora ata Krik gabe ram ḡogonai God.

Lalaḡova 11:26

I garagusi mahavana be mwa habwea mwa laia vai Antiok, haḡe ira tarua geki ramuru dogo mai sinombun uloilua huri taulu gaituvwa i ramuru bagahi tatan̄an sinombu gaivua. Haḡe mwa siv vora muana be sinombu ram uloi ira binihimwasigi be atatun uloilua.

Leo Tavuha gabe Jon nu Ravae 12:40

“God nu lol matara ram matagaraga i nu lol binihira mwa bono, huribe matara sihav gita te ute, i binihira sihav ilo te havanau, God nu vevea be, rasav tabagilu te mulei huriau, be nav varahu muleinira.”

Matiu 26:55

La mahavana gea Jisas mwa bevea lalai sinombu be, “Matu giv mai huriau mai buan bwaloana i irubwi be gimen vwirihiau, kun gabe inau atatun wehi surai vwate? Vataha gubwen̄i nam dogo mai kimiu, nam bagahi lol Imwa Tataro, take gim hav haḡoau tehe.

Matiu 16:4

Kimiu ata lol gubwen̄i garigi be gim doron be giv gita dovon̄a, kimiu ira atat hahantai, gabe gim daleva nin God! Gim hudaliau huri dovon̄a? Sigai! Dovon̄a vi laia lalai kimiu kea n̄an gabe nu loli lalai Jona, atatun vevsera.” Haḡe Jisas mwa derainira, mwa ban dagai.

Matiu 15:14

Gisav vinihira te gea! Kera tomuai take ram matagaraga. Mahavana be matagara mwa domuai matagara vwate kera saraḡo raru vi hovi lol lulu.”

1 Korin 16:9

Huribe ginau tavuha huri rovoga nu laiana lalaiau kadogaha len̄len̄a be sinombu be ram avo wasi vai aluku.