Lalaḡova 15:1 - Hano Niu Testamen

¹ Haḡe atatu rituai ram mai nin Judia vai Antiok ram bagahi sinombu ram bevea be, “Gisav rahu te dumwi vaivotu be vi tav dovon̄ana alumiu kun gabe silo non Moses mwa bevea.”

Lalaḡova 15:1 Referans Kwoze

Kelesia 5:6

Mahavana be gida lol Kraes Jisas, mwa hav vora te maragai be tav lai tav dovon̄a sa sigai. Muan ginau mutai be binihimwasigi lalan̄an binihimwasigi garagusi be mwa lol rovoga sivi lolotabetabe.

Lalaḡova 15:5

Haḡe ira binihimwasigi rituai alolora ira Varise ram du amare ram bevea be, “Vi tav dovon̄ana alun ira Lolobon̄i, i tai vagahira be rav huri silo non Moses.”

Kolosi 2:8

Gov iloe be atatu vwate si hav tomuai te dagainigo gin silo vagahi tentene gabe mwa mai nin atatu n̄ano, be mwa mai nin ira Vui hantai ata lol ureure geki, i vorate nin Kraes.

Lalaḡova 15:24

Kamai gam ron̄oe be atatu rituai gabe ran matu nin teti ran lol kimiu gim ron̄ mwahantai i binihimiu mwa lalan̄aga gin havanau gabe ran vevea; take gan hav vev te avoana kunia lalainira be ramen matu ba lolia kunia.

Leo Tavuha gabe Jon nu Ravae 7:22

Bwatuna be Moses nu vevea lalai kimiu be giv tav dovon̄ana alun ira nitumiu atamwani (nuhav vora te Moses take ira sibimiu ran tau bwatuna), i gim dav dovon̄ana alun naturigi lol gubwen̄ mambuharai.

Kelesia 2:1

Atagun taul han̄vul domwan gaivasi nan van Jerusalem mulei, kadogaha mai Banabas. Nan lai Taetus mulei maiau.

Lalaḡova 15:3

Haḡe uloilua mwa horara, i mahavana be ram botui Vonisia mai Samaria, ram bevea lalai sinombu huri halana kunhanigi ira Lolobon̄i ram binihimwasigi God, i roroi geki mwa lai samwarana gaivua lalai ira binihimwasigi duluai.

Lalaḡova 6:14

Gan ron̄oe nu vevea be, Jisas ata Nasaret geki vi salan̄ai Imwa Tataro, i vi leahi silon vanua duluai be mwa mai nin Moses!”

Kolosi 2:16

Gosav lin̄ te atatu vwate be vi lol silo la halan gangani mai mwinmwinu sage huri gubwen̄ sabuga, gubwen̄ samwaran vula hala botu, sage la Gubwen̄ Mambu.

Lalaḡova 21:20

I ataguna be ram roron̄tainia vuvuri, kera duluai ram uloi roron God. Haḡe ram bevea be “Tuaku Pol, gom ḡita dum sinombu ira Jius vasan̄vul vaviha gabe ram binihimwasigi, i kun hanigi kera duluai ran wasi be rav haḡo Silo.

Lalaḡova 15:22

Haḡe ira hala mai ira bwatmetua, i ira binihimwasigi duluai ram binihi tuhi be rav hora lua atatu rituai ninira mai Pol i Banabas vai Antiok. Haḡe ram ḡita lua atatu gairua gabe ira binihimwasigi ram binihi marahinira, Judas, mwa uloinia be Basabas, mai Sailas,

Lalaḡova 1:15

Haḡe gubwen̄ gaituvwa n̄an ataguna, ḡoḡoana non ira binihimwasigi, i kera duluai kun vudolu vatuvwa vena n̄avul gairua ram du ute gaituvwa, haḡe Pita mwa du amare be men avo.

Lalaḡova 15:23

i ram horara mai ravrava geki, i mwa bevea alolon ravrava geki be: “Kamai ira hala mai ira bwatmetua, gabe ira tuamiu, gam hora nomai samwarana lalai kimiu ira tuamai gabe gin vora alolon ira Lolobon̄i take kadogaha kimiu ira tuamai gim dogo lol vanua Antiok, Siria, mai Silisia.

Lalaḡova 15:32

Haḡe Judas mai Sailas gabe kera atatun vevsera, ramuru dogo vain̄ava maira ramuru lai avoan dura i ramuru suvwainira be rav muramuraga.

Kelesia 6:12

Atatu rituai ram lol kimiu be ramen tav dovon̄ana alumiu, huribe ram sasagerega lol ginau ata lol rebehi n̄ano. Ram matagu be rav lol ḡagarasira be rav huri volovolo non Kraes.