Lalaḡova 11:12 - Hano Niu Testamen

¹² Haḡe Vui mwa bevea lalaiau be nai van bul maira darihou haḡea. Haḡe ira binihi mwasigi gaiono nin vanua Jopa ram bano bul maiau vai Sisaria, i kamai duluai gam bano vai la imwan Konilias.

Lalaḡova 11:12 Referans Kwoze

Lalaḡova 8:29

Haḡe Vui Sabuga mwa bevea lalai Vilip be, “Goi van sosori kat gea ba du sosoria.”

Ravrava non Pol lalai ata Rom 3:22

God mwa lol atatu ram bavtutu maia sivi nora binihimwasigi garagusi alun Jisas Kraes. Geki mwasigi lalainira duluai be ram binihimwasigi Kraes, bwatuna be atatu duluai ran dadariha n̄ano:

2 Tesalonaeka 2:2

Gosav lol te binihimwa vi lalan̄aga sa gosav matagu tehe be gov ron̄oe be gubwen̄i non ratahigi nu mai huba. Atatu vwate vi vevea kungeki lol toretore sa lol roroi sage lol ravrava vwate be ran vevea kunabe kamai gan ravae.

Lalaḡova 10:23

Haḡe Pita mwa laira vai aimwa i mwa bevea ram dogo huri bon̄i aia. Haḡe mwa ran mabon̄i kea mwa bano maira i ira binihimwasigi rituai ata Jopa ram ban bul maia.

Lalaḡova 15:9

Nu lolia la hala gea nuhav dolua tehe nin kamai; Kea nu binihi kaburai vurora bwatuna gabe ran binihimwasigi.

Lalaḡova 10:45

Ira Jius gabe ram binihimwasigi alun Jisas Kraes, kera gabe ran mai nin Jopa mai Pita ram dan̄an̄a maragai be God mwa salil non hogoi Vui Sabuga alun ira Lolobon̄i mulei.

Leo Tavuha gabe Jon nu Ravae 16:13

Mahavana be Vui vi mai, vi lol bisirai mwasigi huri God i kea vi tomuai kimiu vai lol mwasigi duluai. Kea sihav avo te alun non roron̄o sibona, take vi avo alun ginau gabe nu ron̄oe i vi vev ginau lalai kimiu gabe rav mai radu.

Matiu 1:20

Mahavana mwa do mwa binihia kunia, enjel non God mwa bisirai abena lol maturubore. Enjel mwa bevea lalainia be, “Giḡo Josep, varan Deved, gosav matagu tehe be gomen lai Mere uhu gi tasalamwa. Bwatuna be Vui Sabuga mahaḡea mwa hogoi naturigi lalainia.

Visirai 22:17

Haḡe Vui mai tasalan Sipsip Kolo, ramuru bevea be, “Mai!” Atatu duluai be ram ron̄ avoana kera geki, mwa du be rai vevea be, “Mai!” Atatu duluai gabe ram mandou mwa du be rav mai. Atatu duluai gabe ram doron wain rahuana, mwa du be rav mai ba mwinua huribe nu mahin̄ainia huba.

Lalaḡova 15:7

I ataguna be ram biavo avo aluna mwa n̄ava huba Pita mwa du amare mwa bevea be, “Ira tua, gim iloe be tuai huba God nu uloilua nin kimiu be nan toretore lalai ira Lolobon̄i, huri be rav ron̄oe i rav binihimwasigi.

Lalaḡova 13:4

Haḡe mwa hora lua ira tarua geki gin roron̄o non Vui Sabuga, Banabas mai Sol ramuru bano vai Selusia i ramuru bano nin aia la waḡa vai Saipras.

Lalaḡova 13:2

Mahavana be ram lol rovoga lalai Ratahigi i ram ḡaragaravwavwa, Vui Sabuga mwa bevea lalainira be, “Nam doron be giv tari Banabas mai Sol, huri rovoga be nan uloinira huria.”

Lalaḡova 1:15

Haḡe gubwen̄ gaituvwa n̄an ataguna, ḡoḡoana non ira binihimwasigi, i kera duluai kun vudolu vatuvwa vena n̄avul gairua ram du ute gaituvwa, haḡe Pita mwa du amare be men avo.

Lalaḡova 11:13

I kea mwa bevea lalai kamai huri halana be kunhanigi kea nu gita enjel be nu tu alolon imwana, i enjel mwa bevea lalainia be, ‘Gov hora atatu rituai vai Jopa huri atatu gabe ihana Saimon Pita.’

Lalaḡova 28:15

Haḡe ira binihimwasigi ata Rom ram lai dum roroi huri kamai i ram mai vai votu ram botui bwatutun vanua huri volvoligi la vanua Apias i aia hotel gaitolu. Haḡe mahavana be Pol mwa ḡitae mwa avkari God i mwa samwara maragai huria.