Lalaḡova 1:16 - Hano Niu Testamen

¹⁶ I mwa bevea be, “Ira tuaku, mwa du be Ravrava Sabuga vi visirae la halan Vui Sabuga, gabe nu avo sivi Deved, mwa bev sera huri Judas, tomuai ḡoro atatu gabe ran haḡo batugehi Jisas.

Lalaḡova 1:16 Referans Kwoze

Leo Tavuha gabe Jon nu Ravae 13:18

“Nam hav avo tehe huri kimiu duluai; nam ilo ira hei gabe nan gita luara. Take mwa du be ravrava Sabuga vi visirai gabe mwa bevea be, ‘Atatu gabe mwa ḡan bul maiau vi van burigaiau.’

Lalaḡova 1:20

Pita mwa bev rahurahuinia be “Bwatuna mwa ravae lol buka Sam be, ‘Imwana na tu bovon̄ai, i atatu sihav togo te alolona.’ Haḡe mwa ravae mulei be, Atatu dolua na lai tanona la rovoga.”

Matiu 26:56

Take mwa loli kungeki be vi lol seserai avoana nora atatun vevsera be ran ravae.” Haḡe ira roron̄tai duluai ram bis dagai ninia, ram romaragai.

Matiu 26:54

Take be nav lolia kunia, si hav loliana te seserai dum na avoana mwa bevea alolon Ravrava Sabuga be mwa bevea be vi vora kunia.”

Matiu 26:47

Jisas mwa avo radu batena be Judas, vwate ninira han̄vul domwan gairua mwa bisirai. Haḡe vatugin sinombu gaivua ram huria mai buan bwaloana i irubwi. Sinombu geki ira muai tataroi mai ira bwatmetua ata Judia ram horara.

1 Pita 1:11

Vui non Kraes nu togo alolon ira atatun vev sera, nu vev daua huri ron̄ ḡagarasi non Kraes i huri sarisari be vi huri ron̄ ḡagarasi gea Ira atatun vev sera ran lol ron̄oe be rav hiḡehiḡe huri havanau be Vui Sabuga mwa bagahira, lol taro be ginau kerageki ran loli, i havanau haḡea ureure vi kunia lol taro gea.

Leo Tavuha gabe Mak nu Ravae 14:43

Jisas mwa avo radu Judas vwate ninira roron̄tai han̄vul domwan gairua mwa bisirai. Haḡe vatugin sinombu gaivua ram huria mai buan bwaloana i irubwi, sinombu geki ira muai tataroi mai ira bwatmetua ram horara.

2 Pita 2:21

Uwe, Nu tavuha hurira be rasav man ilo te hal vavtutu ninia be ras iloe i ras vanburigai nin vagahi sabuga be nu laiana lalainira.

Lalaḡova 23:6

Pol mwa ḡitae be atatu rituai lol sinombu gea kera Sadusi i tavalura kera Varise, haḡe mwa av lua lol nora Kansel mwa bevea be, “Ira ata Israel! Inau Varise, bwatuna inau nitun Varise vwate. I inau lol silo vevegi teti kadogaha bwatuna, noḡu doronhohov be nai vevea, sage nam bevea be mateana vi tomare huri rahuana.”

Lalaḡova 23:1

Pol mwa ḡarere lolmatan kansel mwa bevea be, “Ira tua ata Israel! Noḡu binihiva i lalaḡova mai God alun rahuku la hala be nam dogo vaivotu lol gubwen̄ garigi, nu vavtutu n̄ano.”

Lalaḡova 22:1

“Ira tuaku mai ira tata, giv ron̄oau mahavana be nam bev lua noḡu avoana lalai kimiu!”

Lalaḡova 15:7

I ataguna be ram biavo avo aluna mwa n̄ava huba Pita mwa du amare mwa bevea be, “Ira tua, gim iloe be tuai huba God nu uloilua nin kimiu be nan toretore lalai ira Lolobon̄i, huri be rav ron̄oe i rav binihimwasigi.

Lalaḡova 13:38

Ira tua kimiu ira Jius, roroi huri tugu kaburai vuro lalai kimiu mwa mai n̄ano sivi Jisas, i atatu duluai gabe ram binihimwasigi aluna, mwa dugura nin vurora ninia gabe silo non Moses nu hav tugua te dum ninigo.

Lalaḡova 13:15

Mahavana be atatu vwate mwa basogo avoana huri silo non Moses, i avoana non ira atatun vevsera tuai, haḡe ira tomuai ḡoro imwa tataro ram hudalinira be ram bevea be, “Ira tua. Be ihei te abemiu non avoan dura be vi laia lalai sinombu, nu tavuha maragai be giv lai luae lalai kamai.”

Lalaḡova 7:2

Take Stivin mwa bwaliua mwa bevea be, “Ira tuaku mai ira Tata, giv roron̄taiau! Amua tamanda Ebraham nu siv vano be men togo Heran, God sarisari nu visirai lalainia Mesopotamia

Lalaḡova 2:37

Mahavana be sinombu ram ron̄ avoana geki nora binihiva mwa lalan̄aga maragai ram bevea lalai Pita mai ira hala rituai, ram bevea be, “Ira tua tav lol hano?”

Lalaḡova 2:23

Gin mwasin non taritari, God nu vinihi daua be Jisas vi lin̄ia lalai kimiu, i gim wehia ginia be gim lin̄ia la limara atat bwatigoro ram bohae vai alun volovolo.”

Leo Tavuha gabe Jon nu Ravae 19:36

Ginau geki nu loli be ravrava Sabuga men mai gi mwasigi be, nu vevea be, “Huina vwate sihav mosi tehe.”

Leo Tavuha gabe Jon nu Ravae 10:35

Tam iloe be havanau be ravrava Sabuga mwa bevea kea mwasigi vai tuai; i God mwa uloi atatu kera gea be ira god, atatu kera gea gabe God mwa lai non avoana lalainira.

Leo Tavuha gabe Luk nu Ravae 22:47

Jisas mwa avo radu batena be tatan̄an sinombu mai Judas vwate ninira han̄vul domwan gairua mwa domuai bisirai sinombu gaivua, mwa mai sosori Jisas be men rimrimia.

Leo Tavuha gabe Mak nu Ravae 12:36

Vui Sabuga nu hogoinia lalai Deved be vi vevea be: ‘God Ratahigi mwa bevea lalai noḡu Ratahigi be, Gov togo la mwatuaku, vava nav tau nom ivwalu gi tanon vavarahin bwalagemwa.’

Lalaḡova 28:25

Haḡe kunia ram bano, take ram hav dara tehe alun nora binihiva sibora ataguna be Pol mwa avo huri ginau gaituvwa geki: Pol mwa bevea be “Nu vavtutu mahaḡea be Vui Sabuga nu avo sivi atatun vevsera Aesaia lalainira ira sibimiu!

Lalaḡova 28:17

Atagun gubwen̄ gaitolu Pol mwa uloi ira tomuai non ira Jius avare i mwa haḡo ḡoḡoana maira. Haḡe mahavana be ram haroro vuvuri mwa bevea lalai nira be, “Ira tua kimiu ata Israel, son̄o be nan hav lol te ginau hantai vai alun nonda sinombu sage alen̄an vanuanda be tav laia nin ira sibida, i ram dauau lol imwa vauvauhi lol vanua Jerusalem vuvuri ram lin̄iau la limara ata Rom.

Lalaḡova 15:13

I ataguna be ramuru avo vuvuri, Semes mwa av lua mwa bevea be: “Ira tuaku giv ron̄oau!

Matiu 26:14

Haḡe tuara vwate ninira han̄vul domwan gairua, kea gabe ihana Judas Iskariot, mwa bano aben ira muai tataroi,

Leo Tavuha gabe Jon nu Ravae 17:12

Mahavana be nan togo maira, nan gitaḡorora be rav rahu gin ihamwa be nu muramura, iha gabe gom laia lalaiau. Nan gitaḡorora, i vwate ninira nuhav sala tehe, take atatu n̄an gaituvwa gabe nu taua be vi sala huribe ravrava Sabuga vi visirae.

2 Pita 1:21

Avoan vevsera sigai nin atatu be nu doron be vi vevea, take sinombu be Vui Sabuga mwa domuainira ram bev avoana non God.