Kolosi 1:15 - Hano Niu Testamen

¹⁵ God kea ta sav gita te dumwia gin mwasin matada, take be gom ḡita Jisas, kea kunia n̄ano be gom ḡita God. Kraes kea tuagai naturigi non God, i nu holomare hae liu ginau duluai nu loliana.

Kolosi 1:15 Referans Kwoze

Hibru 1:3

I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

Leo Tavuha gabe Jon nu Ravae 14:9

Jisas mwa bwaliua be, “Nam dogo mai kimiu duluai huri mahavana n̄ava huba; take gom hav iloau te radu, Vilip? Ihei tehe be nu gitau nu gita Tata. Hurihano gom bevea be, ‘Vagahi kamai gin Tata’?

Leo Tavuha gabe Jon nu Ravae 1:1

Amua nin bwatun ureure, Avoana nu togo huba, kea nu togo mai God, i kea kun God.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

Leo Tavuha gabe Jon nu Ravae 1:18

Atatu vwate mwa hav gita te radui God. Nituna vora gaituvwa, gabe kea kun God sibona i mwa dogo hurin Tamana, kea mwa seserainia lalai gida.

Leo Tavuha gabe Jon nu Ravae 1:14

Haḡe Avoana mwa bora atatu, mwa masiri gin hogoi i mwasigi, i mwa dogo mai gida. Tam ḡita sarisarina, sarisari gabe nu laia kun gabe Nitun vora gaituvwa non Tamana.

Filipae 2:6

Kraes kea sibona nu ḡun God lol ginau duluai, kea nu iloe be kea nu dadariha mai God, take kea nu hav vinihia tehe be kea vi lalaḡo gin muramura gea huria sibona.

2 Korin 4:6

God nu vevea be, “Giv lin̄ gigita vi sarisari lua lol metmeto! Geki God n̄an be nu lol gigita mwa sarisari lol loloda mwa lin̄ gida tam ilo huri sarisarin God kea be lolmatan Kraes.”

Ravrava non Pol lalai ata Rom 8:29

God mwa ilora amua vuri mwa siv lol ureure, i mwa bevea be rai vora kun nituna, huribe Jisas vi vora tuagai lol ira huhugaituvwa ivusi.

1 Timoti 1:17

Lalai Ratahigi Vurai be mwa lavoa ḡoro vai tuai, kea sihav mate tehe, kea be tasav gita te dumwia, kea n̄an God, tanon binihi marahi i sarisari vai tuai i vai tuai! Amen.

Visirai 3:14

Kea mwa bevea be, gov rava noḡu avoana lalai vanua Laodisia ba bevea be, “Geki noḡu avoana, gabe nam bev Amen lol tatauleo non God. Inau non gaitura vwate gabe nan mwasigi, i nam hav tul te burigai noḡu avoana. Inau bwatun ginau tau non God duluai.

Hibru 1:6

I mahavana be God mwa lai mwasin Nituna muai bwana vai lol ureure, kea mwa bevea be, “Nu tavuha maragai be ira noḡu enjel rav hivbwaubwau kera duluai rav gogonainia.”

1 Timoti 6:16

Kea n̄an gaituvwa be mwa hav mate tehe. Mwa dogo lol gigita be nu sarisari be atatu sihav van te dum sosoria. Atatu vwate nu hav gita te God, sa ta sav gita te dumwia. Tataro be gogonai i muramura non God vai tuai tuai. Amen.

Leo Tavuha gabe Jon nu Ravae 15:24

Kera ram buroga bwatuna ran gita ginau duluai gabe nan lolira, gabe atatu vwate mwa hav lol te dumwia radu; i kera ran gita ginau gabe nan lolira, i ram barihai kamaru saraḡo inau mai Tata.

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Kolosi 1:13

God nu lai lua gida nin muramura ata lol ute meto, i mwa lai gida vai lol ute ratahigi non nituna.

Hibru 11:27

Huria be Moses mwa binihimwasigi garagusi alun God, i bwatuna gea kea mwa mwalue nin Ijip, i kea mwa hav matagui te ratahigi lavoa gea be mwa lol horo maragai. Kea sihav van te burigai be men mom bano mulei, take mwa du bavtutu la hala be mwa huria, kun gabe matama mwa dutu la God gea gabe atatu sihav gita te dumwia gin mwasin matana.